WENDELU WA UKIDISTÁ

Maukexilu Atatu a Kusota o Kikwatekesu Kya Jihova

Davidi watolola Ngoliya mukonda mwene wadyelele kwa Jihova. (1Sa 17:45) Jihova wamesena kulondekesa o kutena kwê phala o mbote ya jiselevende jê joso. (2Mal 16:9) Kyebhi kitutena kusota o kikwatekesu kya Jihova muveji dya kudyelela mu nguzu yetu mba mauhete metu? Tumone maukexilu atatu:

Samba jinga. Kana kusamba ngó mu kubhinga muloloki kyoso ki uta kituxi, maji samba we phala ni ukale ni nguzu ni kukolokota, kyoso ki udibhana ni tendasá. (Mat 6:12, 13) Kana kusamba ngó mu kubhinga o dibesá dya Jihova mu maka uwabatula mba kima kiwasolo, maji samba we mu kubhinga o itendelesu ni unjimu wê ande mwene dya kusola kima.—Tiy 1:5
Kala ni kifwa kya Kutanga o Bibidya ni kudilonga ubheka. Tanga o Bibidya izuwa yoso. (Jis 1:2) Xinganeka mu phangu ya athu otumbule mu Bibidya, kumbidila o disá diwadilongo. (Tiy 1:23-25) Dipelepalale ande dyakuboka muveji dya kudyelela mu uhete wé. Katula mbote mu yônge mu kupelepalala o milongi ya yônge
Kwatekesa o kilunga kya Jihova. Kayela jinga o itendelesu ya kilunga, belesela ni lusolo lwoso. (Dya 9:17) Bhana mátwi ku tufunga kyoso kyakubhana itendelesu ni jindunge.—Jih 13:17

Axiku dya ngoji amukwambata phange mukaleya, o akwa mitelembe ni jiphange jetu amutala.

TALA O VIDYU KANA KUKALA NI WOMA WA KIZUKUTISU, MUKUSULUKA TAMBWIJILA O IBHWIDISU YAKAYELA:

• Woma wahi wexile nawu o jiphange?

• Ihi ya akwatekesa kudibhana ni kutolola o woma wexile nawu?