5-11 YA KAKWINYI

JISÁLAMU 70-72

Mwimbu wa 59 ni Musambu | Izwelu Phala Kumateka (Kithan. 1)

O VALOLO YA MAK’Â NZAMBI

1. “Longa o Mwiji yú wa Lelu” Yalungu ni Kutena Kwa Nzambi

(10 ithan.)

Davidi wamono o kilangidilu kya Jihova mu undenge wê (Jis 71:5; w99-T 1/9 18 §17)

Davidi wa tambula o kikwatekesu kya Jihova mu ukukilu wê (Jis 71:9; g04-T 8/10 23 §3)

Davidi wa swinisa o minzangala mu ku alonga yalungu ni ima yabhite ku mwenyu wê (Jis 71:17, 18; w14 1/15 23 §4-5)

O mwiji utwatumbula mu semana yatundumu mu mbandu “Jindunge Phala Kubhanga o Ubhezelu ku Mwiji.” O mwiji atambula dikaza adyakimi kya mu ubhezelu wâ ku mwiji, ene amwa evwa ni kusanguluka kwoso, kyoso ene kyalondekesa jifoto jâ ni kwatangela o misoso yâ.

DIBHWIDISE, ‘O kwila mu kilunga kyê kwala phange wamu sividivila Jihova tunde ukulu uwamesena ku mubhanga kibhwidisu mu ubhezelu ku mwiji?’

. Tokwesa Omilongi ya Bibidya

(10 ithan.)

Jis 72:8—Kyebhi o kikanenu kyabhange Jihova kwa Mbalahamu kitusanga mu divulu dya Dimatekenu 15:18, kya dikumbidila mu kithangana kya Sobha Solomá? (it-1-T 892)

Kitambwijilu kyé
Ihi iwadilongo mukitangelu kya Bibidya kyasemana yiyi i wamesena kuzwela ku akwenu?

Kitambwijilu kyé

3. Kitangelu Kya Bibidya

(Ithan. 4) Jis 71:1-24 (th milongi ya 5)

KUMBIDILA O MILONGI YIYI MU UKUNJI WÉ

4. Kumateka Kuzwela ni Muthu

(Ithan. 3) NZO NI INZO. Se o muthu wamulondekesa kwila wamesena kuzoka, zubha o kuzwela mu ukexilu watululuka. (lmd disá 4 pondo 5)

5. Kukunda Dingi o Muthu

(Ithan. 4) KUBHANA UMBANGI KYOSO KIKUMONEKA KITHANGANA. Suluka mu kuzwela ni ndandu kudimatekenu waditunine kudilonga o Bibidya.(lmd disá 8 pondo 4)

6. Jimbulula o Kixikanu Kyé

(Ithan. 5) Diskulusu. Ijwfq-T 49—Dyambu: Mukonda Dyahi o Jimbangi Ja Jihova Ene Mulungulula o Ilongesu yâ Yalungu ni Bibidya? (th milongi ya 17)

WENDELU WA UKIDISTÁ

Mwimbu wa 76

7. Jindunge Phala o Ubhezelu ku Mwiji

(15 ithan.) Mbandu ni jingivwidi.

O mwiji emana ya amudisokejeka phala kwimba o mimbu yetu.

O mwiji axikama ya amutala o minangu ya JW Broadcasting.

Mona umoxi wamuhatu utambwijila manya kyoso kyaya mukubhanga kifika mukithanga kya ubhezelu ku mwiji.

O usuku wa ubhezelu wa mwiji, kyene o kithangana phala o jitata ‘kulonga o twana kala kya tumu Jihova.’ (Efe. 6:4) Phala kudilonga kwabhingi kubhanga nguzu, o kubhanga kiki kitena kutusangulukisa, bengebenge kyoso o twana kyaya ni kubandekesa o hanji yâ yalungu ni kidi kya Bibidya. (Nzw. 6:27; 1 Ph. 2:2) Tala o kaxa ni dyambu: “Jindunge Phala o Ubhezelu ku Mwiji” o kaxa yiyi itena kukwatekesa o jitata kubhangesa kwila o ubhezelu wa mwiji kukala kithangana kyakudilonga ni kya kusanguluka we. Mukusuluka bhanga o ibhwidisu yakayela:

Kala kitwamono, jindunge jebhi jiwamesena kujikayela?

Kitambwijilu kyé
O kwila eye wasange kya ndunge yengi yambote?

Kitambwijilu kyé

JINDUNGE PHALA O UBHEZELU KU MWIJI

BIBIDYA:

Ivwenu o ngalavasá ya kitangelu kya Bibidya kya semana, mba bhangenu o kitangelu ni dizwi dya swina. Kala muthu ku mwiji utena kutanga o izwelu ya athu kadifu a atumbula mu Bibidya
Sokejeka jimbandu jalungu ni kitangelu kya Bibidya kya semana. Kala muthu ku mwiji utena kusola kusokejeka kibhwidisu kimoxi. Mu kusuluka mutena kudizwelesa yalungu ni ima imwadilongo mu kitangelu
Bhanga kibhwidisu, mba tumbula maka, mu kusuluka tokwesa o Jivelusu ja Bibidya Jitukwatekesa ku Mwenyu Wetu, phala kutambwijila o kibhwidisu kiki
Bhangenu ifika kyalungu ni mbandu ya Bibidya
Bhanga kalatá ni jivelusu ja Bibidya mu jisemana joso, jatundu mu kibandekesu A mu kadivulu Zol’o Athu—Bhanga Maxibulu. Mu kusuluka fikisa kubhaka o jivelusu jiji mu kilunji kyê. Bhitulula o jivelusu ji wasoneka mu jikalata jasemana jatundumu
Dilonge mbandu imoxi mu divulu Sanguluka Katé Kuhádya ni Hádya!
Sola muthu ku mwiji na jimbulule o milongi itusanga mu jimbandu ja “Ibhwidisu ya Bibidya yo Tambwijile” mba “Ibatulu ya Bibidya yó Jimbulule,” itusanga mu mbandu “MILONGI YA BIBIDYA” mu jw.org

YÔNGE:

Sokejeka mbandu ya kyônge kya semana
Disokejeke phala kubhana kitambwijilu. Tala o kithangana ki wandabhana o kitambwijilu kyê
Disokejeke mu kwimba o mimbu ya Utuminu ande dya kuya mu kyônge
Solenu izwelu imutena kuzwela phala kuswinisa muthu ande dyakumateka o kyônge ni kudisukulu dya kyônge
Sokejeke mbandu iwandabhanga mu kyônge ka kaxi kasemana bhu pholo ya mwiji we

UKUNJI

Disokejeke phala kuboka nzo ni inzo
Disokejeke phala kukunda dingi o muthu
Xingakena kwila wala bhu kididi ki utena kubhana umbangi kyoso kikumuneka kithangana, mu kusuluka londekesa kyebhi ki utena kumateka kuzwela ni muthu
Dizwelesyenu yalungu ni jimbambe jimwatena kuxinda phala kusanzumana dingi o ukunji mu kithangana kya Lembalasa ni mu kithangana kya kunyoha kusalu mba muxikola

IBHINDAMU YA MWIJI:

Sokejekenu ifika yalungu ni ima yenemubhita mba itena kubhita ku hadya, kala o maka alungu ni kulokalala, kudita mu maka alungu ni jinguvulu, kuditangesa, kubhanga mbandu mu jifesa ja mundu ni izuwa ikôla ya ixi
Mu kusokejeka ifika ibhangesa kwila o an’a adita mu kididi kya tata, o tata adita we mu kididi kya an’a. O twana atokwesa o milongi mu kusuluka adizwelese ni jitata jâ

JINDUNGE JAMUKWA:

Tala o minangu ya JW Broadcasting,^® mu kusuluka dizwelesyenu yalungu ni vidyu
Tangyenu milongi mba talenu vidyu yala mu jw.org, anga dizwelesyenu
Dilongyenu milongi yoso-yoso yala mu mbandu “Tuminzangala ni yó Asunguku Dingi” mba “Ana ndenge” itusanga mu mbandu “ MILONGI YA BIBIDYA” mu jw.org
Dikundyenu yalungu ni mbote i mwakatula mu kukala mu kyônge kya ilunga mba kyônge kya dikota
Mu kutala ni kutokwesa yalungu ni ibhangelu dizwelesyenu se ihi imwadilongo yalungu ni Jihova
Ithangana ni ithangana exana phange phala kubhanga mbandu ya ubhezelu wenu ku mwiji na tene kumwijiya dingi kyambote
Xindenu jimbambe mu nzumbi, mukusuluka dizwelesyenu se kyebhi ki mutena kujikumbidila
Kalakalenu kumoxi mukubhanga jifikula ja kima, tabela mba jimapa

Xika o VIDYU Suluka mu Kuyukisa o Jindunge jê Phala o Ubhezelu ku Mwiji. Mukusuluka ebwidisa o jiphange:

Kyebhi o munumi kyatena kubhangesa o ubhezelu wa mwiji kukala kithangana kya kusanguluka ne mwene se kalaluwa ni twana?

Kitambwijilu kyé

8. Milongi ya Bibidya mu Kilunga

(30 ithan.) bt kib. 13 §17-24