Tu tena ku londekesa o kisakidilu kietu mu ku xinganeka mu mabesá u tuene mu tambula, ni ku sakidila Jihova. Se tu bhana valolo ku ima iene mu bhanga Jihova phala etu, ki tua-nda kamba kisakidilu, kiki kia-nda tu kuatekesa ué ku di bhana kiambote ni ibhidi. O kibatulu kietu phala o muvu ua 2015, kia-nda tu kuatekesa ku lembalala o maka enhá ku muvu uoso.

▪ Mukonda Diahi Tuene mu Bhanga o Fesa ia Lembalasa ia Kufuá Kua Jezú

O milongi íii, i zuela se mukonda diahi tua tokala kuia mu Lembalasa ia Kufua Kua Jezú. Izuela ué o dilomboluelu dia mbolo ni vinhu. Ijimbulula se kiebhi o muthu kia tena kuijiia kuila, muéne ua tokala kudia o mbolo ni kúnua o vinhu. O milongi íii, ia-nda tu kuatekesa ué kuijiia se kiebhi ki tu tena ku di pelepalala phala o Lembalasa ia Kufua Kua Jezú.

▪ Kolokota Phala ku Kala ni Ukaza ua Sanguluka

▪ Ehela Jihova ku Kolesa ni ku Langa o Ukaza Uê

O anumi ni ahatu, a tokala ku langa o ukaza uâ, ku ijijidiku ni jitendasá ja mundu ua Satanaji. Ni kikuatekesu kia Jihova, o athu a tena ku suínisa o ukaza ni ku zediua mu ukaza. O milongi ia dianga, ia-nda zuela maukexilu atanu a kuatekesa ku kala ni ukaza ua kolo, u nangenena. O milongi ia kaiadi, ia-nda londekesa se kiebhi ki tu tena ku langa o ukaza uetu.

▪ O Kuila o Henda i Tena ku Nangenena?

Ihi i lombolola o henda ia kidi phala o muhatu ni diiala? O kuila o henda i tena ku nangenena? Kiebhi kia tena ku londekesa o henda ia kidi? Di longe ia lungu ni henda ia kidi io jimbulule mu Mukumbi ua Solomá.

KAPA: A mu bhana umbangi mu sanzala ia Grindelwald, ku dima, o milundu ia Berna

SUÍÇA

ATHU A TUNGU MU IXI

7.876.000

ABOKI

18.646

ATHU MU FESA IA LEMBALASA (2013)

31.980