O Kuyibha ku Mundu Kwamudibandekesa—Ihi Izwela o Bibidya?

O jibandi abhange ima ni usweya mu ixi ya Haiti. Mu ixi ya Africa do Sulu, México ni mu jixi jatokala mu kibatu kya America Latina mwabhitimu usweya ni milonga yamutalesa hadi ku athu mu jixi mwenyomo. Kate mwene mu jixi momo kimwala usweya ni ujibhanganga wavulu, athu kyoso kyevwa o kuyibha kwa jibandi, kyoso kyevwa kwila amu bula o jinzo ni makalu ni kunyana, athu akala ni woma ni hele yavulu.

Ihi izwela o Bibidya yalungu ni kuyibha kutwamu mona ku mundu woso?

Ihi yatange kya o Bibidya yalungu ni kuyibha

O Bibidya yatangele kya kwila o kuyibha kyeji kala kijimbwete kya “dizubhilu dya mundu.” (Matesu 24:3) Kyoso kyakexile mu jimbulula yoso yejibhita kifwa o kijimbwete, Jezú Kidistu wambe kiki:

• “Mukonda dya kuyibha ku dibandekesa, avulu o henda yâ yanda zoza.”—Matesu 24:12.

O Bibidya yatange we kwila “mu izuwa isukidilaku” athu “kanda ditumina jihânji, anda kala ijibhangânga, azemba o ima yambote.” (2 Timote 3:1-5) O ifwa yiyi ya athu ivudisa we o kuyibha ku twamumona lelu ku mundu.

Maji sayiku kidyelelu. O Bibidya itanga kwila hadya o kuyibha kikwanda kalaku dingi.

• “Bhu bhita ngó kathangana, mukwa phulu-ó ubhwa athu ku mesu; u tala kyambote, bhu kididi kyê kala-bhu dingi. Oso-phe a lenduka, ene a lundula o ixi; A kala ku ngalasa ni kutululuka kwavulu.”—Jisálamu 37:10, 11.

Dilonge dingi yalungu ni kidyelelu kitubhana o Bibidya ni mukonda dyahi eye watokala kuxikina kwila o ima itwamumona lelu yamubhita mukonda a kitangele kya mu Bibidya. Tanga o milongi yiyi.

“Uma esperança real de um futuro melhor”

“Qual é o sinal dos “últimos dias”, ou do “fim dos tempos”?”

“Será que a Bíblia predisse o modo como as pessoas iriam pensar e agir nos nossos dias?”