Mu 50 a Mivu ya Bhiti, Yama Yavulu mu Mixitu Yafu—Ihi Izwela o Bibidya?

Mu kizuwa kya 9 ya mbeji ya Kamusasadi ka 2024, o Kisangela Kilanga o mwenyu wa yama mu mixitu kya bhana ngolokela kya bhangesa o athu kuthandanganya, ngolokela yalungu ni kyebhi o ibhangelu ya athu yamujibha o yama mu mixitu. O ngolokela yalondekesa kwila tunde ku muvu wa 1970 ndu 2020, kwafu yama yavulu mu mixitu.” O ngolokela yambe dingi: “Tutena kuzwela ni kidi kyoso kwila o ima yanda bhita mu mivu itanu kupholo yéne yanda londekesa se kyebhi kyanda kala o mwenyu mu Ixi.”

Athu avulu a luwala mu kwivwa o jingolokela jiji. Kuma twazolo o ixi yetu, tuluwala kyavulu mukumona kwila o yama mu mixitu yamutala hadi yavulu. Tu divwa kiki mukonda Nzambi watubhange ni vondadi yakulanga kyambote o yama.—Dimatekenu 1:27, 28; Jisabhu 12:10.

Nange udibhwidisa: ‘O kwila twandatena mwene kulanga o yama mu mixitu? Ihi izwela o Bibidya?’

Kidyelelu kyalungu ni hadya

Ne mwene se tubhanga nguzu yavulu phala kulanga o yama mu mixitu, Nzambi mwene ngó wandatena kulanga kyambote o yama, athu kanda tena. O Bibidya mu divulu dya Dijingunwinu 11:18, yakanena kwila kwanda kwiza o kithangana “kya kubwikisa yó ene mu bwikisa o ixi.” O velusu yiyi itulonga ima iyadi:

1. 1. Nzambi kanda kwehela o athu kuzanga ni kubwikisa o ixi.

2. 2. Kwakambe ngó Nzambi wanda bhanga kima. Kyebhi ki twejiya kiki? Lelu kwene ilwezu yavulu ilondekesa kwila o athu amesena kubwikisa o yama mu mixitu, mukulu ndenge.

Ihi yanda bhanga Nzambi phala kufidisa o kibwika kiki? Bhu kaxi ka Utuminu wê ku dyulu, mwene wanda tumina o ixi yoso. (Matesu 6:10) O Utuminu yu wanda bhana itendelesu ku athu akwa kubelesela, wanda ku alonga kutambula konda ni kulanga kyambote o yama mu mixitu.—Izaya 11:9.