Ioso Izuela o Bibidia i di Kumbidila

O Bibidia ki izuela ngó misoso ia kidi, ia bhitile mu ukulu, maji izuela ué, ihi ia-nda bhita ku hádia. Athu ka tena ku tanga ia-nda kuíza ku hádia. Mukonda dia kiki, tuejiia kuma o Bibidia, ia Nzambi. Ihi izuela o Bibidia ia lungu ku hádia?

Iene izuela maka alungu ni ita ia Nzambi. Mu ita íii Nzambi ua-nda zubha o kuiibha kuoso, ni athu aiibha, ua-nda zelesa ué o ixi, maji ua-nda fikidila oso a mu sidivila. O sobha ia Nzambi, Jezú Kristu, ua-nda bhanga kuila o jiselevende ja Nzambi a kala ni paze, ni ku sanguluka, nuka dingi a-nda kata mba kufuá.

Tua tokala ku sanguluka mu kuijiia kuila Nzambi ua-nda bhanga o palaízu iobhe mu ixi, ki kiene? Maji tua tokala ku bhanga kima, se tua-ndala ku kala mu palaízu. Mu musoso ua sukina mu divulu didi, tua-nda dilonga ihi i tua mesena ku bhanga, phala ku tambula o mabesá, a bhake Nzambi phala io ene ku mu sidivila. Kienhiki tanga o MBANDU 8 ni u dilonge, ihi izuela o Bibidia ia lungu ku hádia.