Di Longe o Mak’â Nzambi

Kiebhi o Itumu ia Nzambi i tu Kuatekesa?

O mbandu íii, ia-nda tambuijila o ibhuidisu i ua mesena o kuijiia, ia-nda kulondekesa se kuebhi ku u tena ku sanga o itambuijilu mu Bibidia iê. O Jimbangi ja Jihova, a mesena kiavulu ku di longa o itambuijilu íii ni eie.

1. Mukonda diahi tua tokala ku belesela Nzambi?

Kima kiambote ku belesela Nzambi—mukonda muéne ua tu bhange. Katé muene Jezú, mu ithangana ioso ua kexile mu belesela Nzambi. (Nzuá 6:38; Dijingunuinu 4:11) O itumu ia Nzambi i tu kuatekesa kulondekesa kuila tua mu zolo.—Tanga 1 Nzuá 5:3.

O itumu ioso ia Jihova Nzambi, i sidivila phala o mbote ietu. Iene i tu longa o ukexilu uambote ua muenhu, ilondekesa ué se kiebhi ki tu tena ku nganhala o muenhu ua kalelaku ku hádia.—Tanga Jisálamu 19:7, 11; Izaia 48:17, 18.

2. Kiebhi o itumu ia Nzambi i tu kuatekesa ku sauidi ietu?

O itumu ia Nzambi ia lungu ni uhôlua, i tu langa ku mauhaxi, ni ku iluezu. O uhôlua kifua kia iibha, ki bhangesa o muthu ku kala ni ukexilu ua iibha. (Jisabhu 23:20, 29, 30) Jihova u tu ehela kúnua uhôlua, maji mu ukexilu uambote.—Tanga Jisálamu 104:15; 1 Kolindo 6:10.

Jihova u tu dimuna ué ki tu kale ni dixinga, njinda, ni mu maukexilu a mukuá a iibha. Kioso ki tuia ni ku belesela o itendelesu iê, tu kala ni sauidi iambote.—Tanga Jisabhu 14:30; 22:24, 25.

3. Kiebhi o itumu ia Nzambi i tena ku tu langa?

O kitumu kia Nzambi ki fidisa o diiala ni muhatu ku zeka kumoxi sé ku kazala. (Jihebeleu 13:4) O makaza a belesela o kitumu kiki, a di dielela, a kala ni ukamba uambote ni tuana tuâ. Maji, o ku ta phánda ku bheka uhaxi, ku di senga, usuéia, maka, ni ku uanuna o muiji.—Tanga Jisabhu 5:1-9.

O ku dituna ku ta phánda, ku langa o ukamba uetu ni Nzambi. Ku tu fidisa ué ku luualesa akuetu.—Tanga 1 Tesalonika 4:3-6.

4. Kiebhi o ku xila o muenhu ku tu kuatekesa?

O athu a xila o ujitu ua muenhu ua bhana Nzambi, a kala ni sauidi kioso kia xisa o ukexilu iú, kála o ku xibha makanha, ni ukexilu ua mukuá u ta o muenhu mu iluezu. (2 Kolindo 7:1) Nzambi u bhana valolo katé muene o muenhu ua mona uala hanji mu mala. (Makatukilu 21:22, 23) Kienhiki, ki tu tokala ku seluka mu vondadi ietu. Kienhiki, ió a bhana valolo ku milongi ia Nzambi ia lungu ni muenhu, a langa kiambote o ima i kuama ku salu, mu dibhata, ni mu dikalu. (Matendelelu 22:8) Ene ka ta o mienhu iá mu iluezu mu ji joko, mukonda o muenhu ujitu ua Nzambi.—Tanga Jisálamu 36:9.

5. Kiebhi o ku xila o manhinga ku tu kuatekesa?

O Manhinga kima ki kola, mukonda Nzambi uambe kuila o manhinga ene o muenhu ua muthu. (Dimatekenu 9:3, 4) O kitumu kia Nzambi kia lungu ni valolo ia manhinga, ni muenhu, ki tu kuatekesa. Kiebhi? Mukonda ki bhangesa ku loloka o ituxi.—Tanga Ijila 17:11-13; Jihebeleu 9:22.

O manhinga a Jezú ua betele ujitu, mukonda muéne uexile muthu ua iuka. Jezú ua bhana kua Nzambi o muenhu uê—o manhinga mê. (Jihebeleu 9:12) O manhinga mê a nzunzina ene a-nda bhangesa o athu ku kala ni muenhu ua kalelaku.—Tanga Matesu 26:28; Nzuá 3:16.

[Foto ku mbandu 31]

Phala kuijiia dingi, tanga o kibatulu 12 ni 13 kia divulu didi, a di bhange ku Jimbangi ja Jihova. Mu Kidi Ihi i Longa o Bibidia?