Ibhuidisu Mu Kaxa

◼ Thembu Kuxi tua bhingi ku longa o dixibulu ua mu di tunda kiambote?

Kima kiambote ku longa dixibulu katé kia zubha o madivulu aiadi—Mu Kidi Ihi i Longa o Bibidia? ni ‘Mantenha-se no Amor de Deus.’ A tokala ku a longa, né muene se o dixibulu a mu batizala kiá ande dia ku zubha o madivulu aiadi. Se o dixibulu a mu batizala kiá, etu tu tena ku kondala ngó o kithangana, ni veji joso ji tu mu longa mu ku mu bhana milongi. Se tuia ni muboki uéngi, mu bhana milongi ku dixibulu dietu a mu batizala kiá, se muéne u zuela ué, u kondala ngó o kithangana.—Tanga o Nosso Ministério do Reino, Março 2009, mu mbandu ia 2.

Kiki, kima kiambote phala ku kuatekesa o dixibulu dia ubhe ku kula mu kidi, kioso ki tu zumbuka o ku mu longa. Ene a tokala ku “suína” mua Kristu ni ku “kolesa o kixikanu” kiâ, phala a tene ku di tunda kiambote ku izukutisu ia-nda bhita. (Kol. 2:6, 7; 2 Tim. 3:12; 1 Phe. 5:8, 9) Mu kiki, phala muéne ku tena ku longa kiambote akua, muéne ua tokala ku kala ni “kuijiia kua soko kua kidi.” (1 Tim. 2:4, NW) Mu ku longa o madivulu aiadi ku maxibulu metu, tua mua kuatekesa ku kolesa o kixikanu kiâ, “mu njila iambata ku muenhu.”—Mat. 7:14.

Ande dia kuambata muthu ku batizu, o tufunga a tokala kuijiia se o dixibulu uejiia kiambote o milongi ia dianga ia Bibidia, ni se ua mu belesela o itumu íii ku muenhu uê. O tufunga a tokala ku di langa, mu ku bhanga o ibhuidisu phala iá a mesena ku mu batizala ande dia ku zubha o divulu Ihi i Longa o Bibidia. Se bhu kala muthu kala polondo phala ku mu batizala, o tufunga mu kidi, a-nda bhanga ioso phala ku mu kuatekesa, phala ku hádia a tene ku di batizala.—Tanga o divulu, Organizados para Fazer a Vontade de Jeová mu jimbandu ja 217-218.

[Kilombuelelu ku bandu 2]

Kiki, kima kiambote phala ku kuatekesa o dixibulu dia ubhe ku kula mu kidi.