Kuatekesa o Maxibulu ku ‘Kula mu Nzumbi’

Tu sanguluka kiavulu mu ku mona kiebhi Jihova kia mu besoala o kikalakalu kia ku boka, ku mivu ioso ki ku bhita mbeji jitatu a batizala-ko midi ia athu ndenge. (Mate. 28:2) Kioso muboki kia kuatekesa dixibulu, kioso kia mu batizala o muboki ka suu dingi o muthu iú mu ku mu longa, a bhuila kiá. O muboki a mu batizala kindala, nange ka kala dingi ni kithangana kia ku di longa, u suua kia ngó o ukunji uê. Maji o dixibulu ua tokala ku suluka o ku di longa phala ku suína mu kilunga kia Jihova. O maxibulu a tokala ku ‘di longa’ dingi ia lungu ni Kristu, n’a tene ku ‘kula mu nzumbi.’ (Kol. 2:6, 7; 2 Tim. 3:12) Kioso o dixibulu kia mu batizala, u suluka mu ku di longa o Bibidia, katé kia zubha o divulu Bibidia i Longa, ni ‘Henda ia Nzambi.’​—Tanga o Kikalakalu Kietu Kia Utuminu, kia Kasamanu kia 2011 mu mbandu 2.