Ihi Yamba o Bibidya Yalungu ni Ima Yamubanda Kumundu Woso?

Mu mbeji ya Kanake ka 2022, o mwendexi wa Kibuka kya Inzo ya Kubhaka o Kitadi Kumundu Woso (Grupo do Banco Mundial), wambe kwila “twamudibhana dingi ni kibhindamu kya kukamba kitadi kumundu woso. O kudya kwamubanda ni kwila o kukamba salu mba fisu kwamudibandekesa dingi. Kyenyiki, o athu kala ni kitadi kyasoko phala kusumba o ima.”

Tala kwila Fundo Monetário Internacional, yambe we kuma “o pelesu ya kombustive ni ya kudya yamubanda ni lusolo, o kiki kibhonzesa dingi o athu ala mu jixi jala ni wadyama wavulu.”

O Bibidya itukwatekesa kutendela se mukonda dyahi twamudibhana ni ibhidi yiyi yakukamba o kitadi, kyebhi kitutena kudibhana nayu ni kidyelelu kyahi kitwala nakyu kya kwila o ima kuhádya yandalunguluka?

Mu “izuwa isukidilaku” o ima yejibanda

• O Bibidya ixana o thembu yiyi itwatungu “izuwa isukidilaku.”—2 Timote 3:1.

• Jezú wambe kwila o athu anda mona “ima ikwatesa wôma,” mba itungutu, ima yejibhita mu kithangana kiki. (Luka 21:11) O athu akala ni wôma kyoso o ima ki ibanda. Yalungu ni hádya athu atandaganya se andatena kudikila o miji yâ.

• O divulu dya Dijingunwinu dyambe kwila o pelesu ya kudya yejibanda dingi mu kithangana kiki. “Anga ngivwa kala dízwi . . . Dyene dyambe, ‘Kilu jitatu ya jisevada jita o kitadi kyoso kyafuta kumukalakadi mukizuwa kyamuvimba.’”—Dijingunwinu 6:6, Bíblia na Linguagem de Hoje.

Phala kwijiya dingi yalungu ni “izuwa isukidilaku” ni mayala awana amondala kujikabalu atumbula mudivulu dya Dijingunwinu, tala o vidyu ni dyambu: O mundo mudou desde 1914 ni kutanga o milongi ni dyambu “A Nanhi o Kiuana Kia Mala a Mondala ku Jikabalu?”

O Bibidya itukanena kwila o ima yoso yandabhita

• “Ene-phe a kà tunga jinzo, anga a kalamu; akàdima milenga ya mivide, anga a kà dyá idima yê. Ene kakàtunga phala akwa engi kukalamu; kakàphapha phala athu engi ku idya.”—Izaya 65:21, 22.

• “Mu ngongo mukale nzungule ya masa katé ni ku thandu dya milundu; ixina yê ikale mulokosa kala muxitu wa Libanu.”—Jisálamu 72:16.

• “Mukonda-phe dya ngadyama a mu tatesa, mukonda dya kukema kwa phulungu a mu bondeleka, ngi balumuka kyá, eme Jihova.”—Jisálamu 12:5.a

Mukithangana ni mbandu Nzambi wandazubha o wandyama mungongo yoso seku dingi ixi yandakala ni wadyama. Phala kwijiya kyebhi kiki kyandabhita, tanga o milongi “Será que é possível acabar com a desigualdade econômica?”

Né mwene lelu o Bibida itena kukuwatekesa kudibhana ni ima yamubanda. Kyebhi? Mu Bibidya sayiku itendelesu yambote itena kutukwatekesa kungastala kitadi ni unjimu. (Jisabhu 23:4, 5; Ndongixi 7:12) Phala kwijiya dingi tanga o milongi “Use bem o seu dinheiro” ni “Como viver com menos dinheiro?”