Ihi Yamba o Bibidya Yalungu ni Ujibhangânga Wabhiti Kuxikola?

Mu kizuwa kya 24 ya mbeji ya Kasambwadi ka 2022, kwabhiti ujibhangânga wonene mukambaza kofele Uvalde mu Texas, Estado Unidos. O minangu The New York Times yamba kwila, “kijibhangânga kimoxi kyajibha 19 anandenge ni alongexi ayadi . . . Mu Xikola Yadyanga Robb.”

Kima kya kuluwala, maji usweya kala yu kima kya kizuwa ni kizuwa. O minangu ya USA Today yambe kuma o mu ixi ngó mwene ya Estados Unidos, “kumuvu watundumu alozo 249 ajiveji mu jixikola. O ima yiyi nuka yabhitile tunde kumuvu wa 1970.”

Mukonda dyahi o usweya kala yú wene mubhita? Ihi itena kutukwatekesa kudibhana ni usweya woso yú? O kwila sayiku kidyelelu kya kwila o usweya wandabhwa? O Bibidya itambwijila o ibhwidisu yoso yiyi.

Mukonda dyahi o ujibhangânga mungongo wamuya ni kudibandekesa?

•  O Bibidya izwela kwila mu thembu yiyi mutwala a ixana kala “izuwa isukidilaku” athu avulu “kanda kala ni henda” ejikala “ijibhangânga,” o kiki kilombolola kwila eji bhanga ima yayibha kinene ni usweya. O athu yá ayibha “andaya ni kudibandekesa.” (2 Timote 3:1-5, 13) Phala kwijiya dingi, tanga o milongi ni dyambu “Será que a Bíblia já falava como as pessoas iriam pensar e agir hoje?”

Athu avulu adibhwidisa: ‘Mukonda dyahi Nzambi kene mufidisa o ujibhangânga kubhita mu xikola?’ Phala kumona o kitambwijilu kibhana o Bibidya tanga o milongi ni dyambu “Athu Ambote a Bhita uá mu Ima ia Iibha—Mukonda Diahi?”

Ihi itena kutukwatekesa kudibhana ni ujibhangânga woso yú?

•  “Ima yoso yosoneke mu Mikanda Ikôla, a isoneka phala ku tulonga . . . ni kiswinisu kya Mikanda Ikôla, tukale ni kidyelelu.”—Loma 15:4.

O itumu ya Bibidya itena kukukwatekesa kumundu yú wayibha. Phala kubandekesa o kwijiya kwé tala o Despertai! ni dyambu “A violência vai acabar algum dia?”

Phala kumona jindunge ja kwijiya kyebhi o jitata kyatena kukwatekesa o twana yalungu ni jinjimbu jiji jayibha, tala o milongi ni dyambu “O impacto das notícias em seus filhos.”

O kwila sayi kizuwa o usweya wandabhwa?

•  “U jituna o myenyu yâ ku ngungu mba k’usweya.”—Jisálamu 72:14.

•  “O mifula yâ a kà i bhanga jimvo; mwiji umoxi ki wa kà leka dingi xibhata mu kubhânga jimvunda ni mwiji wa mukwá, ka kà di longa dingi kúlwa ita.”—Mikeya 4:3.

Nzambi wandabhanga kima o muthu wosowoso katena kukibhanga. O Utuminu wê kifwa o unguvulu wa dyulu, wandazubha ni mauta oso ni usweya mulumoxi. Phala kwijiya dingi yalungu ni ihi yandabhanga o Utuminu wa Nzambi, tanga o milongi ni dyambu “O Reino de Deus vai trazer ‘abundância de paz.’”