Mukonda Dyahi o Maka a Jinguvulu a Wanuna o Athu?—Ihi Izwela o Bibidya?

Kumundu woso, jixi javulu jadiwanuna mukonda dya maka a jinguvulu. Kala kya zwela o kisangela kya kutokwesa Pew, kumuvu wa 2022, “65% a adyakime mu 19 a jixi amba kwila mu jixi ja athu avulu adiwanuna mukonda dyakukwatekesa jinguvulu ki jadifu.”

O kwila wamumona se kyebhi o maka a jinguvulu amuwanuna o athu mu dyembu dye? Mukonda dyahi? O kwila o maka ya anda bhwa? Tala ihi izwela o Bibidya.

Ima iwanuna o athu

O bibidya yakanena kwila mu izuwa yetu, a itumbula kala “izuwa isukidilaku,” kweji bhonza kyavulu phala o athu kudibhana kyambote ni kukala kumoxi.

• “Mu izuwa isukidilaku kwanda kwiza ithangana yanda bhonza kudibhana nayu. Mukonda o athu anda dizola ngó ene mudyâ, . . . kanda kumbidila o ima yabakana.”—2 Timote 3:1-3.

Né mwene o athu abhanga nguzu phala o jinguvulu atene kutumina kyambote, maji mukidi kene mu tena. O athu ala ni ibanzelu yengi amona kwila kiki kyabhonzo kate mwene ni kwila kanda tena kukalakala kumoxi phala kubatula o maka. O ima yene mu bhita ilondekesa kwila o ima izuwela o Bibidya, kidi mwene.

• “Muthu u kala mu kutumina mukuá phala ngó ku mu sengulula.”—Ndongixi 8:9.

Mukidi, o Bibidya ilondekesa o kima kitena kuzubha o maka ya— unguvulu a utumina ku muthu wala ni kutena wakuzubha o maka oso amubhekela hadi ku athu lelu.

Sobha uswa o athu, wala ni kutena kwakutumina

O Bibidya ilondekesa o sobha wala ni kutena kwa kuzubha o hadi yoso: Jezú Kidistu. Jezú wala ni kutena kwa soko ni vondadi yakubhekela o paze ku athu oso ni kubhangesa kwila akala kumoxi.

• “Mu izuwa yê athu a yuka akala mukuzanda, kukala paze inangenena.”—Jisálamu 72:7.

• “Ilombo ya miji yoso ikala mu mubhikila mwene.”—Jisálamu 72:11.

Jezú mwene o sobha watokala kutumina mukonda mwene usuwa, wamesena kukwatekesa we o athu, bhengebhenge yo ene mwa talatala kyayibha.

• “Mwene u bindumuna o phulungu kyoso kya dikola; ni ngadyama, ni woso wa kambe o dilemba di mu kwatekesa. U lendukila o ngadiama ni phulungu ua bhondalala, u kala kibhamuenhu kia iá atate. U jituna o myenyu yâ ku ngungu wa kudya mangonya.”—Jisálamu 72:12-14.

Dilonge dingi yalungu ni Utuminu wa Nzambi, o Unguvulu kudyulu a utumina kwala Jezú. Tala kyebhi ki utena kukatula mbote ni kukwatekesa o unguvulu yu.

• Tala o vidyu O Utuminu ua Nzambi Ihi?

• Tanga o milongi ni dyambu “O Utuminu ua Nzambi—Unguvulu ua Iuka.”