Jezú Wanda Zubha o Ita Yoso

Kyoso kyexile mu ixi, Jezú walondekesa kwila wazolo kyavulu o athu, katé mwene wabhana o mwenyu wê phala kwa abhulula. (Matesu 20:28; Nzwá 15:13) Kwakambe ngo bhofele bhukaxi ka ungana wê kala Sobha ya Utuminu wa Nzambi, lwamukwa dingi mwene wanda londekesa o henda yê kokwetu mu ‘kuswikika o ita katé ku maxokololo a ixi.’—Jisálamu 46:9.

Tala se ihi yamba o Bibidya yalungu ni ima yanda bhanga Jezú:

• “Mwene u bindumuna o phulungu kyoso kya dikola; ni ngadyama, ni woso wa kambe o dilemba di mu kwatekesa. U lendukila o ngadyama ni phulungu wa bhondalala, u kala kibhamwenhu kya yá atate, u jituna o myenyu yâ ku ungungu wa kudya mangonya o manyinga mâ ma kala ni valolo ya dikota ku mesu mê.”—Jisálamu 72:12-14.

Kyebhi kitutena kulondekesa o henda yetu kwa Jezú mu yoso yabhange phal’etu, ni mu ima yanda bhanga ku hádya? Ukexilu umoxi o kudilonga yalungu ni maka exile muboka mwene, “o njimbu yambote ya Utuminu wa Nzambi.” (Luka 4:43)Tanga o milongi “O que é o Reino de Deus?”