O Kukwatekesa Akwetu Kutukwatekesa Phala Kitudivwe Ubheka—Ihi Izwela o Bibidya

Athu avulu ku mundu adivwa ubheka, abanza kwila katena kukala ni makamba. Sayi jidotolo jamba kwila o kukwatekesa akwetu kutukwatekesa we phala kitudivwe ubheka.

• “Kukwatekesa yo abhindama kutukwatekesa kudimona kwila twala ni valolo, kutukwatekesa we phala kitudivwe ubheka mba kitukale sé kukala ni makamba.”—Instituto Nacional de Saúde dos Estados Unidos de América.

O Bibidya itubhana jindunge jambote jalungu ni kyebhi kitutena kukwatekesa akwetu. O kukayela o jindunge jiji kutukwatekesa phala kitudivwe ubheka.

Ihi iwatokala o kubhanga

Kala umukwa kubhana. Katula kithangana phala kudilunga ni akwenu, kotakota kukala mwene kumoxi mu kididi kimoxi kana ngo mu kaxi ka mitelembe. Ku ima iwala nayu bhanaku we akwenu. Kyoso kyubhanga kiki, ene anda kusakidila, kiki kitena kumikwatekesa phala mukale mu makamba.

• Ihi izwela o Bibidya: “Bhanenu jinga akwenu, phala enu wenu a mi bhane.”—Luka 6:38.

Kukwatekesa akwenu. Sota kwijiya kyebhi kiutena kukwatekesa yo amudibhana ni jiphaxi. Ukexilu umoxi, o kwa evwa kyambote mba kwa akwatekesa kwambata o dibunda dyâ.

• Ihi izwela o Bibidya: “Dikamba u zola mu thembu joso; o ndandu u di monekena mu jiphaxi.”—Jisabhu 17:17.

Phala kwijiya dingi se kyebhi kiutena kukala ni ukamba wambote ni akwenu tanga o milongi ni dyambu “Vida familiar e amizades.”