Mukonda Dyahi Twatokala Kusamba mu Dijina dya Jezú?

O Bibidia i tambuijila

Twa tokala ku samba mu dijina dya Jezú mukonda yene ngó o njila phala Nzambi ku tu xikina ku mu zukama. Jezú wambe: “Eme ngi njila, ngi kidi, ngi mwenyu. Kana muthu u bhixila kwa Tata, wa kambe kwijila ko kwami.” (Nzuá 14:6) Jezú wa tendelesa wé o jipoxolo jê ja fiyele, kwila: “Kyoso ki mu bhinga Tata mu dijina dyami, mwène u mi bhana-kyu.”—Nzwá 16:23.

Ima i tu bhangesa ku samba mu dijina dya Jezú

• Tu bhana kijingu kwa Jezú ni kwa Tat’ê, Jihova Nzambi.—Filipe 2:9-11

• Tu bhana valolo mu kufwa kwa Jezú, o ujitu wa tu bhana Nzambi phala ku tu bhulula.—Matesu 20:28; Ikalakalu 4:12.

• Twejiya kwila Jezú mwene ngó wala bhu kaxi k’etu ni Nzambi.—Jihebelewu 7:25.

• Tu xila o kikalakalu kya Jezú, kya ku kala Mukunji wa Dikota, u tena ku tu kwatekesa ku kala ni ukamba ni Nzambi.—Jihebelewu 4:14-16.