Ihi i Zuela o Bibidia ia Lungu ni ku Kazala ni Muthu Mukua’xi Iéngi?

O Bibidia i tambuijila

Nzambi u xikina o ukaza ua diiala ni muhatu né muene se ka tokala mu ixi imoxi, mukonda phala muéne athu oso a difu. O Bibidia i zuela: “Nzambi kene ni kathombo ka athu.”—Ikalakalu 10:34, 35.

Tala o ibatulu ia Bibidia ni itumu ilondekesa kuila athu oso a difu.

Athu oso ejila ku tata imoxi

Athu oso ana a diiala dia dianga Adá ni muhatu’ê Eva. o Bibidia i tanga kuma Eva “mama ia athu oso a muenhu.” (Dimatekenu 3:20) Mukonda dia kiki, o Bibidia i zuela kuila, Nzambi ‘ua bhange akua jixi joso mu ngongo ku mbutu ia muthu umoxi.’ (Ikalakalu 17:26) Kienhiki, athu oso mu ngongo jindandu. Maji ihi i tu bhanga se kuene kathombo kavulu bhu diembu diê?

O Jinjimu ‘a di kunda mudiâ’

Sumbala o ukaza ua athu ka tokala mu ixi imoxi ki kituxi bhu pholo ia Nzambi, né kiki saí athu ka u uabhela. (Izaia 55:8, 9) Se eie ua mu banza ku kazala ni muthu ua tokala mu ixi iéngi, kiiadi kienu mua tokala ku di kunda kiambote mu kaxi ka ibhuidisu íii:

• Ihi i mua-nda bhanga se o jindandu jenu ji kala mu mi xonguena?

• Kiebhi ki mua-nda kuatekesa an’enu ku di bhana ni kathombo?

‘O ku di kunda mudienu’ o maka enhá kua-nda ku mi kuatekesa ku zediua mu ukaza.—Jisabhu 13:10; 21:5.