DISÁ 47

Eye Wala Polondo Phala Kukubatizala?

Edição Impressa

Eye wadilongo kya ima yavulu ya lungu ni Jihova bhukaxi kakudilonga o Bibidya. Nange walungulula kya ima ku mwenyu we phala kukumbidila o ima iwadilongo. Maji nange sayi ima ya mu kufidisa kudibhakula kwa Jihova ni kudibatizala. Mu disá didi, twanda dilongamu o ibhidi yene mufidisa dingi o athu kudibatizala, ni kyebhi kitutena kutolola o ibhidi yiyi.

1. O kwila eye wabhingi kwijiya o ilongesu yoso ya Bibidya phala kukubatizala?

Phala kukubatizala eye wabhingi “kwijiya o kidi.” (1 Timote 2:4) Kiki kikilombolola kwila, wabhingi kwijiya o itambwijilu yoso yene mu bhanga o athu ya lungu ni Bibidya phala kukubatizala. Né mwene o muthu amubatizala kya ukulu usuluka hanji ni kudilonga ya lungu ni Jihova. (Kolose 1:9, 10) Maji wabhingi kwijiya o ilongesu yabeta kota ya Bibidya. Se wala ni phata ya kwila o kwijiya kuwala naku kikusoko phala kukubatizala, utena kuzwela ni tufunga phala kukukwatekesa.

2. Ima yebhi iwabhingi o kubhanga ande dya kukubatizala?

Ande dya kukubatizala, watokala ‘Kudyela . . . ni kulungulula o ukexilu wé.’ (Tanga Ikalakalu 3:19.) Kiki kilombolola kwila, watokala kuluwala ni muxima woso mukonda dya ima yayibha iwabhangele mukulu ni kubhinga muloloki kwa Jihova. Kulombolola we kusola kubhanga ngó o vondadi ya Jihova ni kudituna o ima ya zembe mwene. Mukusuluka wabhingi kuya mu yônge ni kuboka kumoxi ni jiphange mu kilunga.

3. Mukonda dyahi kubhingi kukala ni wôma wa kudibatizala?

Amoxi akala ni wôma wa kukamba kukumbidila o ima ya kanena kwa Jihova. Mukidi, sayi ithangana eye wandalweza. Sayi mayala ni ahatu o tumbule mu Bibidya alweza we. Maji lembalala kwila, Jihova kakingila kuyuka ku jiselevende jê. (Tanga Jisálamu 103:13, 14.) Mu kubhanga yoso i utena mwene usanguluka! Mwene wanda kukwatekesa. Mukidi, Jihova utudyelelesa kwila seku kima “ki tena ku tu batukisa ku henda [yê].”—Tanga Loma 8:38, 39.

DILONGE DINGI

Kwijiya kyambote Jihova ni kuxikina o kikwatekesu kyê kwanda kukwatekesa kutolola o ibhidi itena kukufidisa kudibatizala.

Jifoto: Munzangala wa muhatu wamutolola o ibhidi phala kudibatizala. Mu disá didi o jifoto jene jimoxi.

4. Ijiya kyambote Jihova

O munzangala mwenyu wamudilonga o Bibidya ni Mbangi ya Jihova.

Kwijiya kwahi ku watokala kukala naku ande dya kukubatizala? Eye wabhingi kwijiya kyambote Jihova, ku muzola ni kubhanga o ima imusangulukisa. Tala OVIDYU phala kumona ihi ya bhange o maxibulu ku mundu woso phala kwijiya kyambote Jihova. Mukusuluka bhanga o kibhwidisu kya kayela.

VIDYU: Ihi Yabhange Amoxi Phala Kudibatizala (3:56)

Ihi yakwatekesa o athu a atange mu vidyu kudipelepalala phala kudibatizala?

Tanga Loma 12:2, mukusuluka bhanga o ibhwidisu ya kayela:

Eye wala ni phata ya lungu ni ilongesu ya Bibidya? O kwila wala ni jiphata se o Jimbangi ja Jihova ene mulonga o kidi?
Se kyene, ihi i utena o kubhanga?

5. Kutolola o ibhidi yoso ikufidisa kudibatizala

O munzangala mwenyu wamuta o Bibidya mu bwenga yê, sumbala manya wa mu muzukutisa.

Etwenyoso twadibhana ni ibhidi kyoso kitwasolo kubhakula o mwenyu wetu kwa Jihova ni kudibatizala. Phala kumona phangu imoxi, tala OVIDYU, mukusuluka bhanga o ibhwidisu ya kayela.

VIDYU: Kutolola o Ibhidi Mukonda Dya Kuzola Jihova (5:22)

Mu vidyu, ibhidi yebhi ya bhingile kutolola phange Narangerel phala kusidivila Jihova?
Kyebhi o henda yexile nayu phange Narangerel kwa Jihova ya mukwatekesa kutolola o ibhidi yiyi?

Tanga Jisabhu 29:25 ni 2 Timote 1:7, mukusuluka bhanga o kibhwidisu kya kayela:

Ihi ituswinisa kutolola o ibhidi?

6. Dyelela mu kikwatekesu kya Jihova

O munzangala mwenyu wamulonga o Bibidya ku mwadyakime wakuka kya. O mulongexi wê wala ku mbandu yê.

Jihova wanda kukwatekesa kubhanga o ima imusangulukisa. Tala OVIDYU, mukusuluka bhanga o ibhwidisu ya kayela.

VIDYU: Jihova Wa-nda ku Kwatekesa (2:50)

Muvidyu, ihi yexile mufidisa dixibulu dya Bibidya kudibatizala?
Ihi yadilongo mwene, yakolesa o kidyelelu kyê kwa Jihova?

Tanga Izaya 41:10, 13, mukusuluka bhanga o kibhwidisu kya kayela:

Mukonda dyahi utena kudyelela kwila wanda kumbidila o kikanenu kyé kwa Jihova se udibhakula kwa mwene?

7. Bandekesa o kisakidilu kyé mu henda ya Jihova kokwé

O munzangala mwenyu wamusamba kwa Jihova ubheka wé.

Kuxinganeka kwila Jihova wakuzolo kyavulu, kwanda bandekesa o kisakidilu kyé ni vondadi yê yakumusidivila katé kuhádya ni hádya. Tanga Jisálamu 40:5, mukusuluka bhanga o kibhwidisu kya kayela:

Mabesá ebhi a Jihova akuwabhela dingi?

O polofeta Jelemiya wazolele Jihova ni maka mê, wexile mubhana valolo yadikota mu ujitu wa kusidivila Jihova. Mwene wambe: “Maka mé ma ngi kala kutana ni kusanguluka mu muxima wami; kuma a ngi luku dijina dyé, eye u Jihova, Nzambi.” (Jelemiya 15:16) Tambwijila o ibhwidisu ya kayela: