DISÁ 28
Kyebhi ki Utena Kulondekesa o Kisakidilu Kyé mu Mbote ya Kubhangela Jihova ni Jezú?
Kyebhi ki udivwa kyoso kamba dyé kya kubhana ujitu? Mu kidi, eye weji sanguluka kyavulu ni kulondekesa kwakamba dyé kwila wawabhela kyavulu o ujitu wakubhana. Jihova ni Jezú atubhana o ujitu wabeta kota ututena o kutambula. O kukula! Kyebhi kitutena kulondekesa o kisakidilu kyetu mu ujitu yú?
1. Webhi o ukexilu umoxi wakulondekesa o kisakidilu kyetu mu mbote ya tubhangela Jihova ni Jezú?
O Bibidya yamba kwila “woso u xikana [Jezú]” utena kukala ni mwenyu wakalelaku. (Nzwá 3:16) Ihi ilombolola kuxikana? Kikulombolola ngó kukala ni kixikanu kwa Jezú. Kulombolola we kulondekesa kixikanu mu ima itusola ni mu ima itubhanga. (Tiyaku 2:17) Kyoso kitulondekesa o kixikanu bhukaxi ka izwelu ni ibhangelu yetu, tukolesa o ukamba wetu ni Jezú ni Tat’ê Jihova.—Tanga Nzwá 14:21.
2. Kithangana kyebhi kitubhana o ujitu wakulondekesa o kisakidilu kyetu mu mbote ya tubhangela Jihova ni Jezú?
Mu usuku ande dya kufwa, Jezú watangela akayedi’ê kyebhi kyeji tena kulondekesa o kisakidilu kyâ mu sata yê. Mwene wa atendelesa kudyongeka mu kithangana kya katunda akixana mu Bibidya “Seyalu ya Ngana,” mba Lembalasa ya kufwa kwa Kidistu. (1 Kolindu 11:20) Jezú wamesenene kwila o jipoxolo ni Jikidistá joso jakidi eji kwiza kupholo alembalala kwila mwene wabhana o mwenyu wê phala kutubhulula. Mu kiki mwene wa atendelesa: “Bhangenu jinga kyenyiki mu ku ngi banza eme.” (Luka 22:19) Kyoso ki uya mu Lembalasa, ulondekesa o kisakidilu kyé mu henda ya dikota ya londekesa Jihova ni Jezú kokwetu.
DILONGE DINGI
Tala o maukexilu amukwa akulondekesa o kisakidilu kyetu mu henda ya dikota ya londekesa Jihova ni Jezú kokwetu. Tala we se mukonda dyahi o Lembalasa ya kufwa kwa Kidistu yala ni valolo ya dikota.
3. Kyebhi kitutena kulondekesa o kisakidilu kyetu
Xinganeka kwila wamuboba mu menya, kwiza muthu ukubhulula. O kwila weji jimba o mbote ya kubhangela? Inga weji bhanga yoso i utena phala kumusakidila mu yoso ya bhange phala kubhulula o mwenyu wé?
Tutena kukala ni mwenyu wakalelaku mukonda dya henda ya tukwatela Jihova. Tanga 1 Nzwá 4:8-10, mukusuluka bhanga o ibhwidisu ya kayela:
Mukonda dyahi o sata ya Jezú ujitu wadikota?
Kyebhi ki udivwa mu kwijiya o mbote ya kubhangela Jihova ni Jezú?
Kyebhi kitutena kulondekesa o kisakidilu kyetu mu mbote ya tubhangela Jihova ni Jezú? Tanga 2 Kolindu 5:15 ni 1 Nzwá 4:11; 5:3. Kyoso kimwanda zubha kutanga o jivelusu, bhanga o kibhwidisu kya kayela:
Kala kiwatange, kyebhi kitutena kulondekesa o kisakidilu kyetu?
4. Kayela o phangu ya Jezú
O ukexilu wamukwa wakulondekesa o kisakidilu kyetu, o kukayela o phangu ya Jezú. Tanga 1 Phetele 2:21, mukusuluka bhanga o kibhwidisu kya kayela:
Kyebhi ki utena kulondekesa kumwenyu wé kwila wamukayela o phangu ya Jezú?
Jezú wazolele o Mak’â Nzambi, wexile muboka o njimbu yambote, ni kukwatekesa akwa
5. Ndé mu Lembalasa ya kufwa kwa Kidistu
Phala kwijiya ihi ya bhiti mu Seyalu ya dyanga mba Lembalasa, tanga Luka 22:14, 19, 20. Mukusuluka bhanga o ibhwidisu ya kayela:
Ihi ya bhiti mu Seyalu ya Ngana?
O mbolo ni vinyu ilombolola ihi?—Tala o jivelusu 19 ni 20.
Jezú wamesenene kwila o maxibulu mê abhanga o Seyalu ya Ngana mivu yoso mu kizuwa kya ufwilu wê. Mukonda dya kiki o Jimbangi ja Jihova ene mu dyongeka mivu joso phala kulembalala o kufwa kwa Kidistu kala kya tumu mwene. Phala kudilonga dingi ya lungu ni Lembalasa, tala OVIDYU. Mukusuluka bhanga o kibhwidisu kya kayela.
Ihi yene mubhita mu Lembalasa?
Mu Lembalasa o mbolo ilombolola o mukutu wayuka wa Jezú wabhakula mwene kokwetu. O vinyu ilombolola o manyinga mê
ATHU AVULU AMBA: “Eme ngaxikina kya Jezú kala Ngana yami Mubhuludi wami, kingabhingi dingi kubhanga kima.”
Kyebhi kiweji kwatekesa muthu wala ni kibanzelu kiki ni divulu dya Nzwá 3:16 ni Tiyaku 2:17 phala kulondekesa kwila kwabhingi dingi kubhanga kima?
IHI IWADILONGO
Tulondekesa kwila tubhana valolo mu mbote ya tubhangela Jezú, mu kumuxikana ni kuya mu Lembalasa ya kufwa kwê.
Kubhitulula
Ihi ilombolola kuxikana Jezú?
Kyebhi kiwamesena kulondekesa o kisakidilu kyé, mu mbote ya kubhangela Jihova ni Jezú?
Mukonda dyahi kima kyambote kuya mu Lembalasa ya kufwa kwa Kidistu?
TOKWESA DINGI
O kufwa kwa Kidistu kutubhana kithangana kya kubhanga ihi?
Dilonge dingi ihi ilombolola kukala ni kixikanu.
“Londekesa o Kixikanu Kyé mu Ikanenu ya Jihova” (O Mulangidi, wa Kamusasadi wa 2016)
Tanga o milongi “Eme Ngi Divwa Kwila Nga Zele, Ngala Kumwenyu,” phala umone kyebhi o mwenyu wamuhatu walunguluka kyoso mwene kya tendela ihi ilombolola o sata ya Kidistu.
“O Bibidya Ilungulula o Myenyu ya Athu” (O Mulangidi, 1 wa Kakwinyi wa 2011)
Tokwesa dingi wijiye se mukonda dyahi ki athu avulu adya kumbolo ni kunwa o vinyu mu kithangana kya Lembalasa.