Sola Kusidivila Jihova

Se umuboki kakubatizala luwa, mba udixibulu dya Bibidya, okwila wamesena kukubatizala? Mukonda dyahi wamesena kukubatizala? Kudibhakula ni kukubatizala odimatekenu phala kukala ni ukamba wambote ni Jihova. (Jis 91:1) Okudibhakula ni kudibatizala kutena we kukubhulula. (1Ph 3:21) Ihi i utena kubhanga phala kudibhakula ni kudibatizala?

Dilonge eye mwene, phala kwijiya kwila o ima iwamudilonga yakidi mwene. Kyoso ki ukala ni jiphata, tokwesa. (Lo 12:2) Se umona kwila kwabhingi kulungulula kima kumwenyu wé phala kusangulukisa Jihova, bhanga kyu. (Ji 27:11; Ef 4:23, 24) Samba ithangana yoso phala kumubhinga kikwatekesu. Diyelela kwila, Jihova wandakuswinisa ni kukukwatekesa bhukaxi ka kutena kwa nzumbi yê ikôla. (1Ph 5:10, 11) Onguzu i ubhanga kiyakingó. Mukonda kusidivila Jihova, kyene okima kyabeta okota kumwenyu!—Jis 16:11.

TALA OVIDYU, IHI YABHANGE AMOXI PHALA KUDIBATIZALA, MUKUSULUKA TAMBWIJILA O IBHWIDISU YAKAYELA:

• Ibhidi yebhi yene mudibhananayu amoxi phala kudibatizala?

• Kyebhi ki utena kukala ni kixikanu kyakolo phala kudibhakula kwa Jihova?

• Ihi yabhingi kubhanga omuthu phala kumubatizala?

• Mabesá ebhi abhana Jihova kwa yó asola kumusidivila?

• Okudibhakula ni batizu ilombolola ihi?