DISÁ 16
Ihi ya Bhange Jezú Kyoso Kyexile mu Ixi?
Athu avulu abanza kwila Jezú kabwetele hanji, polofeta wala ni unjimu mba diyala kwa mu kwambe ngó phala kufwa. Maji kyoso kitudilonga ya lungu ni mwenyu wê kyoso kyexile mu ixi, tumona kwila sayi dingi ima yavulu ya lungu ni mwene. Mu disá didi, twandamona o ima ya beta kota ya bhange Jezú, ni kyebhi ki itena kukukwatekesa.
1. Kikalakalu kyebhi kya beta kota kya bhange Jezú?
O kikalakalu kya beta kota kya bhange Jezú o ‘kuboka o njimbu yambote ya Utuminu wa Nzambi.’ (Tanga Luka 4:43.) O njimbu yambote ya boko Jezú izwela ya lungu ni utuminu mba unguvulu wa Nzambi, wandabatula o maka oso ene mu dibhana nawu o athu.a Jezú waboko o njimbu yiyi ku athu ni kuswina mu mivu itatu ni kaxaxi.—Matesu 9:35.
2. Mukonda dyahi Jezú wabhange madiwanu?
O Bibidya yamba kwila ‘bhu kaxi ka Jezú Nzambi wabhange madiwanu ni isumwa.’ (Ikalakalu 2:22) Nzambi wabhana o kutena kwa Jezú kwa kubazela mba kwimanesa o kitembwe kya nguzu, kusaka yo akate, ni kufukununa yo afu. (Matesu 8:23-27; 14:15-21; Máluku 6:56; Luka 7:11-17) O madiwanu abhange Jezú, alondekesa ni kidi kyoso kwila Nzambi mwene wamutumikisa. Alondekesa we kwila, Jihova wala ni kutena kwa kubatula o maka oso.
3. Ihi itutena kudilonga ya lungu ni mwenyu wa Jezú?
Jezú wabelesela Jihova mu ima yoso. (Tanga Nzwá 8:29.) Mwene wabelesela Tat’ê ku mwenyu wê woso né mwene kyoso kya dibhana ni izukutisu. Mwene walondekesa kwila, o athu atena kusidivila Nzambi né mwene ni ibhidi. Kyenyiki, Jezú watuxila “phangu phala tu mu kayele mu makanda.”—1 Phetele 2:21.
DILONGE DINGI
Tala kyebhi Jezú kya boko o njimbu yambote ni kyebhi kya bhange o madiwanu.
4. Jezú waboko o njimbu yambote
Jezú wendele jinjila jalebha jakexile ni mavu avulu, phala kuboka o njimbu yambote ku athu avulu. Tanga Luka 8:1, mukusuluka bhanga o ibhwidisu ya kayela:
O kwila Jezú wabokela ngó o athu exile mu mu sota?
Nguzu yebhi ya bhange Jezú phala kusanga o athu?
Nzambi wakanena kwila o Mexiya weji boka o njimbu yambote. Tanga Izaya 61:1, 2, mukusuluka bhanga o ibhwidisu ya kayela:
Kyebhi o kikanenu kiki kya dikumbidila kwa Jezú?
Mudyé, o kwila o athu abhingi mwene kwivwa o njimbu yiyi yambote?
5. Jezú walongo o kidi kyala ni valolo ya dikota
Jezú kalongo ngó o njimbu yambote ya lungu ni Utuminu wa Nzambi, maji wabhana we itendelesu yambote. Tala ya zwela mwene mu Diskulusu dya bhange ku Mulundu. Tanga Matesu 6:14, 34 ni 7:12, mukusuluka bhanga o ibhwidisu ya kayela:
Itendelesu yebhi yambote ya bhana Jezú mu jivelusu jiji?
Ihi i ubanza, o kwila o itendelesu yiyi itena kukwatekesa o athu lelu?
6. Jezú wabhange madiwanu
Jihova wabhana kutena kwa Jezú phala kubhanga madiwanu avulu. Tumone musoso umoxi walungu ni madiwanu ya, tanga Máluku 5:25-34 mba tala OVIDYU. Mukusuluka bhanga o ibhwidisu ya kayela.
Mu vidyu twamono kwila, o muhatu wexile ni uhaxi wabhonzo. Maji kidyelelu kyebhi kyexile nakyu?
Ihi dingi iwawabhela mu madiwanu ya?
Tanga Nzwá 5:36, mukusuluka bhanga o kibhwidisu kya kayela:
O madiwanu abhange Jezú “abhana umbangi” alungu ni ihi?
Eye wakijidile?
Ima yavulu itwejiya ya lungu ni Jezú a isoneka mu Bibidya mu madivulu a Matesu, Máluku, Luka ni Nzwá. Kala musoneki amadivulu ya, wasoneka ima ya lungu ni mwenyu wa Jezú ki idifu ni ima ya soneka o asoneki amukwa. Kyoso kitusokelesa o milongi yoso yiyi, tutena kutendela kyebhi kyexile o mwenyu wa Jezú mu ixi.
MATESU
mwene wasoneka o divulu dya dyanga dizwela ya lungu ni Jezú. Mu divulu dya Matesu mwala milongi yavulu ya longo Jezú, benge benge ya lungu ni Utuminu wa Nzambi.
MÁLUKU
wasoneka o divulu dyala dingi ni ibatulu yofele. O divulu didi ditutangela misoso itusangulukisa, ituswinisa.
LUKA
o divulu didi dijimbulula kwila, Jezú wexile mu bhana valolo ya dikota mu misambu, dizwela we kyebhi Jezú kyexile mu talatala o ahatu.
NZWÁ
o divulu didi dizwela ya lungu ni ukamba wambote wexile nawu Jezú ni makamba ni athu akamukwa. Kiki kitukwatekesa kwijiya kyambote o idifwa ya Jezú.
ATHU AVULU AMBA: “Jezú kexile mona a Nzambi, wexile ngó muthu wambote.”
O kwila kyene we ki ubanza?
IHI IWADILONGO
Jezú waboko o njimbu ya Utuminu wa Nzambi, wabhange madiwanu, wabelesela Jihova ithangana yoso.
Kubhitulula
Kyebhi kyexile o kikalakalu kya betele kota phala Jezú mu ixi?
O madiwanu abhange Jezú alondekesa ihi?
Itendelesu yebhi yambote ya bhana Jezú?
TOKWESA DINGI
Jezú wawabhele kuzwela dingi ya lungu ni ihi?
“O Utuminu wa Nzambi—Ulombolola ihi phala Jezú” (O Mulangidi, 1 wa Kakwinyi wa 2014)
Tokwesa dingi phala kwijiya se mukonda dyahi tutena kuxikina kwila, o madiwanu abhange Jezú akidi mwene.
“Ihi i Utena Kudilonga mu Madiwanu Abhange Jezú?” (O Mulangidi, 15 wa Kanake wa 2004 mu Phutu)
Tanga o musoso wadiyala walungulula o mwenyu wê, mu kudilonga kyebhi Jezú kyexile mu talatala o athu.
“Ngakexile mu Dibanza Ngó Eme” (O Mulangidi, 1 wa Kamusasadi wa 2014)
Tala o ima ya beta kota ya bhange Jezú, ni kithangana kya dikumbidila.
a madisá a 31 ndu 33 andazwela dingi ya lungu ni Utuminu wa Nzambi.