Londekesa ku Jingivwidi o Valolo ya Maka u wa mu Zwela

Jisabhu 3:21

IHI I WA TOKALA O KUBHANGA?: Londekesa ku jingivwidi o valolo ya maka u wa mu zwela, kyebhi kya tena ku a kwatekesa ku mwenyu. Londekesa we kyebhi kya tena kubhanga yoso i wa mu a longa.

KYEBHI KI WA TOKALA O KUBHANGA?:

• Banza mu ibhidi ya mu bhita na-yu o jingivwidi jé. Xinganeka se mukonda dyahi o jingivwidi jé a bhindamena kwivwa o maka u wa mu longa. Xinganeka we se pondo yahi ya-nda ku a tula ku muxima, ya-nda ku a kwatekesa dingi kyavulu.

• Kyoso ki uya ni kuzwela, londekesa o kima kya tokala kubhanga o jingivwidi jé. Tundé ku dimatekenu, o jingivwidi jé a tokala kutonginina kwila, “maka ya a ngi tokala.” Mu ku jimbulula o jipondo já beta kota, wa tokala kulondekesa kyebhi kya tokala ku ji kumbidila ku mwenyu wâ. Kana kuzwela sé kulondekesa kyebhi kya tokala kukumbidila o maka u wa mu zwela.