Мьзгинийа кӧ Тәрʹа Һʹәԝас бә Бьзаньби

Кәсәки ԛә щарәке тәрʹа тьштәки ӧса готийә, ԝәки тʹӧ кәсирʹа нәбежи?—a Мәсәлә Кʹьтеба Пирозда жи те готьне, кӧ щарәке Хԝәде тьштәки ӧса гот, дәрһәԛа чь жи тʹӧ кәси ньзаньбу. Һәла һе мәләка жи дьхԝәстьн һе зедә дәрһәԛа ве йәке пебьһʹәсьн. Әв мьзгини бу. Ле тӧ дьхԝази бьзаньби әв чь мьзгини бу?—

Ԝәʹде бәре Хԝәде мер у жьна пешьн әʹфьрандьн. Наве ԝан Адәм у Һеԝа бу. Хԝәде маләкә бәдәԝ да ԝан, йе кӧ бахче Едене дьһатә навкьрьне. Һәрге Адәм у Һеԝа гӧрʹа Хԝәде бькьрана, һьнге әԝана у зарʹед ԝан ԝе бькарьбуна әʹрд педа бькьрана щьнәт, у һʹәта-һʹәтайе бьжитана. Ле те бира тә Адәм у Һеԝа чь кьрьн?—

Адәм у Һеԝа гӧрʹа Хԝәде нәкьрьн, ләма жи әм иро щьнәтеда сәр әʹрде нажин. Ле Хԝәде гот кӧ әԝе әʹрде педа бәдәԝ кә, у һәр кәс ԝе һʹәта-һʹәтайе бьжи у бәхтәԝар бә. Гәло Хԝәде ԝе ча әв йәк бькә? Гәләк ԝәхт мәрьв ве йәке ньзаньбун, чьмки әв ԝанрʹа әʹйан нибу.

Чахе Иса һатә сәр әʹрде, әԝи гәләк тьшт дәрһәԛа ве мьзгинийе мәрьварʹа гьли дькьр. Әԝи ԝанрʹа гот, кӧ әв мьзгини дәрһәԛа Пʹадшатийа Хԝәде бу. Иса ԝанрʹа дьгот кӧ дӧа бькьн, ԝәки әв Пʹадшати бе. Чьмки әв Пʹадшати ԝе әʹрде бькә щьнәт.

Гава тӧ дәрһәԛа ве мьзгинийе пеһʹәсийайи, әв тә хԝәш һат?— Бира хԝәда хԝәй кә, ԝәки тʹәне әԝ мәрьв ԝе Щьнәтеда бьжин, йед кӧ гӧрʹа Йаһоԝа дькьн. Кʹьтеба Пироз мәрʹа гәләк сәрһатийа гьли дькә дәрһәԛа ԝан жьн у мера, йед кӧ гӧрʹа Йаһоԝа дькьрьн. Тӧ дьхԝази дәрһәԛа ԝан пебьһʹәси?— Ԝәре әм дәрһәԛа һьнәка жь ԝан пебьһʹәсьн, у бьзаньбьн кӧ чаԝа әм дькарьн чʹәʹв бьдьнә ԝан.