Хорте Мерхас

Ԝәре әм пебьһʹәсьн дәрһәԛа хортәки, йе кӧ әʹмьре хале хԝә хьлаз кьр. Наве хале ԝи Паԝлос бу. Әм наве ви хорти ньзаньн, ле әм заньн кӧ әԝи тьштәк бь мерхаси кьр. Тӧ дьхԝази пебьһʹәси ԝәки әԝи чь кьр?—

Паԝлос шәһәре Оршәлимеда, кәледа бу. Паԝлос һатә гьртьне, чьмки әԝи дәрһәԛа Иса мьзгини бәла дькьр. Һьнә мәрьвед хьраб, Паԝлос һʹәз нәдькьрьн, ләма жи ԝана тьштәки хьраб сафи кьр кӧ бькьн. Ԝана гот: «Ԝәрен әм бежьнә мәзьне әскәра, ԝәки әскәред ԝи Паԝлос бьвьнә бал һʹакьм. Әме жи незики рʹе щики хԝә вәшерьн. У чахе әԝана ве рʹерʹа дәрбаз бьн, һьнге әме Паԝлос бьгьрьн у бькӧжьн!»

Һьнге кӧрʹе хушка Паԝлос дәрһәԛа шьхӧле ԝани хьраб бьһист. Ле әԝи чь кьр? Әԝ чу кәле у Паԝлосрʹа дәрһәԛа ве йәке гьли кьр. Паԝлос готә ԝи, ԝәки һәрʹә щәм мәзьне әскәра у һʹәму тьшти ԝирʹа бежә. Ча тӧ дьфькьри, ԝи хорте щаһьлрʹа һеса бу тʹәви мәзьне әскәра хәбәр дә?— На, һеса нибу, чьмки мәзьне әскәра йәки гьринг бу. Ле кӧрʹе хушка Паԝлос мерхас бу, у чу тʹәви мәзьне әскәра хәбәр да.

Мәзьне әскәра рʹьнд заньбу кӧ чь гәрәке бькә. Әԝи ԝәкә 500 әскәр шандьн, ԝәки Паԝлос хԝәй кьн! Әԝи готә әскәред хԝә, кӧ ве шәве Паԝлос һьлдьн у бьвьнә Ԛәйсәрйайе. Гәло Паԝлос һатә хьлазкьрьне?— Бәле, Паԝлос хьлаз бу. Мәрьвед хьраб жи нькарьбун әԝ бьгьртана! Сафикьрьна ԝанә хьраб нәһатә сери.

Ле тӧ чь дькари жь ве сәрһатийе һин би?— Тӧ жи дькари мина ԝи хорти мерхас би. Чахе әм тʹәви мәрьва дәрһәԛа Йаһоԝа хәбәр дьдьн, мәрʹа лазьм ә, ԝәки әм мерхас бьн. Тӧйе мерхас би, у тʹьме дәрһәԛа Йаһоԝа тʹәви мәрьва хәбәр ди?— Зани һәрге тӧ ӧса бьки, те жи бькарьби әʹмьре кәсәки хьлаз ки.