Кани бона Бәрнама Щьвине, Бьжин у Хьзмәт кьн” — К′ЬТЕБХАНӘЙА ОНЛАЙН йа Бьрща Qәрәwьлийе

Кани бона Бәрнама Щьвине, Бьжин у Хьзмәт кьн

2-8 АДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 41-42

«Нәтьрсә»

(Ишайа 41:2)

2 «Гәло кʹе ль рʹоһьлат . . . [һәԛийе] рʹакьр сәр ньга у гази хьзмәткʹаре хԝә кьр? Әԝ мьләта тинә бәр ԝи кӧ пʹадшайа бьтәԝинә. Әԝ ԝан мина тʹозәке давежә бәр шуре ԝи, мина . . . [гиһе] ба дьбә, дьдә бәр кәване ԝи.

(Ишайа 41:5)

5 [Гьравед бәʹре] . . . әв дит у тьрсийан, бьне дьнйайе дьләрьзьн. Незик дьбьн у тен.

(Ишайа 41:10)

10 Нәтьрсә, чьмки әз тʹәви тә мә. Бәр хԝә нәкʹәвә, чьмки әз ьм Хԝәдайе тә. Әзе тә хԝәй кьм, бәле, әзе али тә бькьм, әзе дәсте рʹасте бьгьрьм.

(Ишайа 41:13)

13 Чьмки әз, Хԝәдайе тә Хӧдан дәсте тәйе рʹасте дьгьрьм. Йе кӧ тәрʹа дьбежә: ‹Нәтьрсә, әзе тәрʹа бьбьм аликʹар› әз ьм.

Хьзна Кʹьтеба Пироз

(Ишайа 41:8)

8 «Ле тӧ, Исраеле хӧламе мьн, Аԛубе кӧ мьн һьлбьжарт, зӧрʹәта Бьраһиме досте мьн

9-15 АДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 43-44

Пʹехәмбәртийа кӧ 200 Сал Шунда Һатә Сери

it «Корәш» ¶7

Корәш

Һʹьщумкьрьна сәр Бабилоне. Чахе Корәш Пʹадша хԝә һазьр кьр ԝәки һʹьщуми сәр Бабилоне кә, әԝи дәстпекьр пʹехәмбәртийа Кʹьтеба Пироз бинә сери. Пʹехәмбәртийа Ишайада дәрһәԛа тʹәзәкьрьна Оршәлиме у пʹарьстгәһе, Корәш һатийә навкьрьне ча кәсе кӧ жь алийе Йаһоԝава һатьбу кʹьфшкьрьне, сәва кӧ Бабилоне алт кә у Щьһуйед кӧ дилтийеда бун, аза кә (Иш. 44:26–45:7). Рʹаст ә 200 сал пешда һатьбу пʹехәмбәртикьрьне, ԝәки Корәш ԝе бьбә пʹадша, у ча кʹьфш ә Щьһуда пешийа буйина ԝи һатьбу валакьрьне, Йаһоԝа әʹлам кьр ԝәки Корәш ԝе ча шьване ԝи бона кʹара Щьһудайе кʹар бькә (Иш. 44:28; бәрамбәр кә Рʹм. 4:17). Жь бо ве йәке кӧ Корәш пешда һатьбу кʹьфшкьрьне, әԝ һатә навкьрьне ча Мәсиһийе Йаһоԝа (Иш. 45:1). Әв йәк кӧ Хԝәде пешда бәʹса Корәш кьр, найе һʹәсабе ԝәки ԝәʹде буйина ԝи, Хԝәде әԝ нав да сәр ԝи (Иш. 45:4). Әв йәк дьдә кʹьфше, ԝәки Йаһоԝа заньбу кӧ мәрьвәки бь ви нави ԝе бе буйине у әԝе хут ԝи мәрьви бьдә хәбате.

(Ишайа 44:27)

27 Йе кӧ кʹурайерʹа дьбежә: ‹Зьһа бә! Әзе чʹәмед тә зьһа бькьм›

(Ишайа 44:28)

28 У жь бо Корәш дьбежә: ‹Әԝ шьване мьн ә, ԝе һʹәму . . . [нетед] мьн пек бинә› әз ьм. Йе кӧ жь бо Оршәлиме дьбежә: ‹Ԝе бе авакьрьн› у Пʹарьстгәһерʹа дьбежә: ‹Ԝе бьнгәһе тә бе данин› жи диса әз ьм».

Хьзна Кʹьтеба Пироз

(Ишайа 44:28)

16-22 АДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 45-47

«Әз Хԝәде мә у Йәки Мина Мьн Тʹӧнә йә»

(Ишайа 46:9)

9 Тьштед дәмед бәреда бунә бь бир биньн, чьмки әз Хԝәде мә у йәки дьн тʹӧнә йә. Әз Хԝәде мә у йәки мина мьн тʹӧнә йә.

(Ишайа 46:10, 11)

10 Әз сәре-серида дьбежьм ве йәке, чь кӧ ве хьлазийеда бьбә, у жь бәреда ве йәке, чь кӧ һе нәбуйә. Әз дьбежьм: ‹Ԛьрара мьн ԝе бе сери у чь кӧ мьн сафи кьрийә, әзе бькьм› 11 Йе кӧ жь рʹоһьлат гази тәйрәде дьр, жь ԝәлате дур гази зьламе кӧ . . . [нета] мьн пек бинә дькә, әз ьм. Әре, мьн гот у әзе биньм щи, мьн ширәт кьр, әзе ԝе чекьм.

(Ишайа 46:6, 7)

6 Кәсед кӧ зерʹ жь кʹиське вала дькьн у зив мезинеда дькʹьшиньн, . . . зерʹкәр дьгьрьн. Әԝ жи, жь ве . . . [хӧданәки] чедькә, дәвәрʹу дьчьн әʹрде у . . . [сәре хԝә датиньн]! 7 Әԝ ԝи ль сәр пьшта хԝә һьлдьгьрьн, бар дькьн у дьбьн ль щийе ԝи датиньн. Әԝ ль щийе хԝә дьсәкьнә у нальпьтә. Чахе йәк жерʹа дькә . . . [гази щабе] надә, ԝи жь тәнгасийа ԝи хьлаз накә.

ԝ99 15/5 14 ¶18-19

Йаһоԝа Ԝан Мәрьва Кʹәрәм Дькә, йед кӧ Рʹийа Ԝида Дьчьн

¹⁸ Сәва кӧ әм бәрдәԝам кьн рʹийа Йаһоԝада бьмәшьн, әм гәрәке жерʹа амьн бьминьн у нет дайньн пешийа хԝә, кӧ тʹәне ԝирʹа хьзмәт кьн. У бона ве йәке итʹбари у баԝәрийа ԛәԝи лазьм ә, кӧ һʹәму созед Йаһоԝа бь итʹбар ьн у ԝе әʹсәйи бенә сери. Сәва кӧ тʹьме хԝә ль рʹийа Хԝәде бьгьрьн әм гәрәке гӧһ бьдьнә ԝи, ԛанун у принсипед ԝи биньн сери, жь ван дур нәкʹәвьн у хԝә ль нормед ԝийә нав-намусийе бьгьрьн. «Чьмки Хӧдан рʹаст ә, рʹастийе һʹьз дькә у йе рʹаст ԝе нур-нәдәра Ԝи бьбинә» (Зәбур 11:7).

¹⁹ Аһаз пʹарастьне щәм хӧданед Сурйайе дьгәрʹийа. Исраелийед Мьсьреда баԝәр дькьрьн, ԝәки хӧдана әʹзмана, йа кӧ Рʹоһьлата Навинда бәлабуйи бу, ԝе алийе материалида ԝана дәԝләти кә. Рʹожа иройин, гәләк хӧдан пʹутед реали ниньн. Иса гот кӧ чахе мәрьв «һәбукерʹа» хьзмәт дькьн, әв йәк дькарә ԝана жь Йаһоԝа дур хә (Мәтта 6:24). Паԝлосе шанди дьгот дәрһәԛа «тьмайе, чь кӧ пʹутпʹарьсти йә» (Колоси 3:5). Әԝи ӧса жи дәрһәԛа ԝан мәрьва дьгот, хӧдане кʹижана «зьке ԝан ә» (Филипи 3:19). Бәле, пʹәрә у тьштед материали иро ча бежи хӧданед сәрәкә нә, кʹижана кӧ дьһʹәбиньн. Бь рʹасти һʹәчʹи зәʹф мәрьв, ӧса жи әндәмед щурʹә-щурʹә религийа, гӧмана хԝә дьдьнә «сәр һәбуке, кӧ иро һәйә, сьбе тʹӧнә йә» (1 Тимотʹейо 6:17). Гәләк мәрьв ԛәԝате хәрщ дькьн, ԝәки хӧламтийе ԝан хӧданарʹа бькьн у һьнәк жь ԝан дьгьһижьнә нета хԝә, мәсәлә әԝана малед бәдәԝда дьжин, һур-муред ԝанә бьһа һәнә у сәр сьфьред ԝан щурʹә-щурʹә тәʹмәтиск һәнә. Ле диса жи һеди-һеди мәрьв фәʹм дькьн кӧ бь рʹасти шабун ве йәкеда тʹӧнә йә. Гәрәке итʹбарийа хԝә һәбуке нәйньн, чьмки әве пʹучʹ бә у нә жи дькарә али мә бькә һʹәԝще хԝәйә рʹӧһʹани рʹази кьн (Мәтта 5:3).

Хьзна Кʹьтеба Пироз

(Ишайа 46:10)

10 Әз сәре-серида дьбежьм ве йәке, чь кӧ ве хьлазийеда бьбә, у жь бәреда ве йәке, чь кӧ һе нәбуйә. Әз дьбежьм: ‹Ԛьрара мьн ԝе бе сери у чь кӧ мьн сафи кьрийә, әзе бькьм›

(Зәбур 55:22)

22 Тӧ баре хԝә бьдә Хӧдан әԝе һьлгьрә дәԝса тә. Әԝе тʹӧ щар нәһелә, ԝәки йе рʹаст бьлькʹӧмә.

23-29 АДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 48-49

Пебьһʹәсә Чь кӧ Йаһоԝа Тә Һин Дькә у Ве Йәке Әʹмьре Хԝәда Бьдә Хәбате

(Ишайа 48:17)

17 Аһа дьбежә Йаһоԝа, Хьлазкʹаре тә, Пирозе Исраеле: «Әз Йаһоԝа, Хԝәдайе тә мә, кʹижан кӧ тьштед ԛәнщ тә һин дькә у ве рʹерʹа тә дьбә, ль сәр кʹижани тӧ гәрәке һәрʹи».

(Ишайа 48:18)

18 Хԝази тә гӧһ бьда ԛанунед мьн! Һьнге ԝе әʹдьлайа тә мина чʹем буйа у рʹастийа тә мина пʹелед бәʹре

Хьзна Кʹьтеба Пироз

(Ишайа 48:17)

6-12 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 50-51

Гӧһ Бьдьнә Ԝи, Йе кӧ жь Хԝәде Һатьбу Һинкьрьне

(Ишайа 50:4)

4 Рʹәб Хӧдан зьмане шагьрта да мьн кӧ әз бьзаньбьм бь . . . [гьлийед] хԝә зьламе ԝәстийайирʹа бьбьм аликʹар. Һәр сьбәһ мьн һʹьшйар дькә, әԝ гӧһе мьн һʹьшйар дькә кӧ әз мина шагьрта гӧһдари бькьм.

(Ишайа 50:5)

5 Рʹәб Хӧдан гӧһе мьн вәкьр у әз нәбум . . . [сәрһʹьшк]. Мьн хԝә нәда али.

(Ишайа 50:10)

10 Кʹи нав ԝәда Хӧдан дьтьрсә у гӧһдарийа дәнге хӧламе ԝи дькә? Кәсе кӧ тәʹрийеда дьчә у рʹонайа ԝи тʹӧнә йә, бьра бь наве Хӧдан . . . [итʹбар] бә у хԝә бьсперә Хӧдан.

kr 182 ¶5

Һинкьрьна Хьзмәткʹаред Хԝәде

⁵ Гава ԝәʹдә һат, Йаһоԝа Кӧрʹе хԝәрʹа шьровәкьр кӧ хьзмәтийа ԝийә сәр әʹрде ԝе чь щурʹәйи бә. Ԝәрә әм дина хԝә бьдьнә ве пʹехәмбәртийе, жь кʹижани һәләԛәтийа ортʹа Мамостәйе Мәзьн у Ньхӧрийе ԝи те кʹьфше (Бьхунә Ишайа 50:4, 5). Пʹехәмбәртийеда те готьне, ԝәки Йаһоԝа Кӧрʹе хԝә «һәр сьбәһ . . . һʹьшйар дькә». Әв хәбәр ча бежи дьдьнә кʹьфше, ԝәки дәрсдар шагьрте хԝә сьбәһе зу һʹьшйар дькә, сәва кӧ ԝи һин кә. Каникида дәрһәԛа ԝе готьне ӧса ньвисар ә: «Йаһоԝа . . . ча бежи шагьрт дьбә мәкʹтәбе у ԝи һин дькә кӧ ча у дәрһәԛа чь шәʹдәтийе бьдә». «Мәкʹтәба» әʹзманида Йаһоԝа Кӧрʹе хԝә һин дькьр кӧ әԝ чь бежә у дәрһәԛа чь хәбәр дә (Йуһʹәнна 12:49). Бав ӧса жи Кӧрʹе хԝәрʹа рʹебәри да кӧ ча мәрьва һин кә. Ԝәʹде жийина хԝәйә сәр әʹрде Иса нә кӧ тʹәне әв занәбуна кӧ стандьбу да хәбате у хьзмәтийа хԝә ани сери, ле ӧса жи шагьртед хԝә һин дькьр ԝәки әԝана жи бькарьбьн хьзмәтийа хԝә биньн сери.

cf 133 ¶13

«Әз Бав Һʹәз Дькьм»

¹³ Ԝәʹде жийина хԝәйә сәр әʹзмана, Кӧрʹ бь шабуне жь Бав һин дьбу. Пʹехәмбәртийа кӧ Ишайа 50:4-6-да ньвисийә, әʹйан дькә ԝәки Йаһоԝа Кӧрʹе хԝә һин дькьр кӧ ча рола Мәсиһ бинә сери. Ԝәʹде һинбуне Кӧрʹ пеһʹәсийа, ԝәки әԝе ча Мәсиһе кʹьфшкьри рʹасти щерʹьбандьна бе, ле әве йәке ԝи нәда сәкьнандьне. Тʹәмамийа әʹмьре хԝәйә сәр әʹрде, Иса һʹәзкьрьн һьндава мала Баве хԝә у һьндава һʹәбандьна рʹаст хԝәй дькьр. Ӧса жи тʹьме хԝәстьна ԝи һәбу кӧ дәрһәԛа Йаһоԝа хәбәр дә. Жь Кʹьтеба Пироз әм педьһʹәсьн ԝәки Иса тʹьме дьчу пʹарьстгәһе у кʹьниште (Луԛа 4:16; 19:47). Һәрге әм жи дьхԝазьн һʹәзкьрьна хԝә һьндава Хԝәде хԝәй кьн, әм гәрәке щьвата нәһельн. Ԝедәре әм Йаһоԝа дьһʹәбиньн, занәбуна кʹур дәрһәԛа ԝи дьстиньн у дьһа незики ԝи дьбьн.

Хьзна Кʹьтеба Пироз

(Ишайа 51:3)

3 Чьмки ԝе Хӧдан Сийоне . . . [ԛәԝи] бькә, ԝе һʹәму ԝеранед ԝе . . . [ԛәԝи] бькә. Ԝе бәрʹийа ԝе бькә мина Еден, ԝе бәрʹи у дәштед ԝе бькә мина Бахче Хӧдан. Ԝе ԝедәре кʹеф у шайи, спаси у дәнге . . . [кʹьлама] һәбә.

13-19 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 52-53

Иса Һʹәзкьрьна Мәзьн Да Кʹьфше!

(Ишайа 53:3)

3 Жь алийе мәрьвава әԝ һат кемкьрьн у рʹәдкьрьн. Мәрьве еш у әʹләма бу, нәхԝәши нас кьрьн. Мина зьламе кӧ мәрьв рʹуйе хԝә же вәдьшерьн, әԝ һат кемкьрьн. Мә ԛәдьр нәда ԝи.

(Ишайа 53:7)

7 [Зӧлми у зерандьн] . . . ле һат кьрьн, ле ԝи дәве хԝә вәнәкьр. Мина бәрхәки кӧ дьбьн сәржекьрьне, мина мийа ль бәр һәврьнгкьрьне безьман ә, ԝи дәве хԝә вәнәкьр.

(Ишайа 53:10-12)

10 Ле Хӧдан жь пʹәрчʹьԛандьна ԝи рʹази бу, Ԝи хԝәст әԝ бе . . . [зерандьне]. Чьмки гава щане ԝи бу пʹешкʹеша бәрделе, ԝе зӧрʹәта хԝә бьвинә у әʹмьре ԝи дьреж бә. Ԝе . . . [нета] Хӧдан дәсте ԝида пешда һәрʹә. 11 Ԝе жь кʹәда рʹӧһʹе хԝә рʹонайе бьвинә у тʹер бьбә. Ԝе хӧламе мьне рʹаст, гәләка бь занәбуна хԝә рʹаст бькә у сущед ԝан һьлдә сәр хԝә. 12 Ләма әзе тʹәви мәзьна пʹарәке бьдьм ԝи, ԝе тʹалед тʹәви һездара пʹарәвәкә. Чьмки ԝи щане хԝә да бәр мьрьне, бь сәрһьлдерарʹа һат һәжмартьн. Ле ԝи гӧне гәләка һьлгьрт у бона ԝан сәрһьлдера лава кьр.

Хьзна Кʹьтеба Пироз

(Ишайа 53:5)

5 Ле әԝ бона нәһәԛийед мә бьриндар бу, жь бо сущед мә пʹәрчʹьԛи. Щәзайе бона . . . [әʹдьлайа] мә, сәр ԝида һат. Әм бь бьринед ԝи . . . [ԛәнщ бун].

20-26 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 54-55

Тӧ Һазьр и Чь Ԛӧрбан ки, сәва кӧ Щәм Йаһоԝа Һин би?

(Ишайа 54:13)

13 Ԝе һʹәму кӧрʹед тә шагьртед Хӧдан бьн, ԝе . . . [әʹдьлайа] кӧрʹед тә гәләк бә.

(Ишайа 55:1, 2)

1 «Йа һәр кәсед кӧ тʹи бунә, ԝәрьн аве! Йа кәсед бе пʹәрә! Ԝәрьн, бькʹьрʹьн у бьхԝьн! Ԝәрьн! Бе пʹәрә у бе бәргидан шир у шәраве бькʹьрʹьн! 2 Һун чьма пʹәре хԝә бона тьште кӧ нә нан ә дьдьн? Һун чьма кʹәда хԝә бона тьште кӧ тʹер накә дьрʹьжиньн? Баш мьн бьбьһизьн! Бьра һун тьштед ԛәнщ бьхԝьн, бьра бь хԝарьна дәԝләмәнда щане ԝә . . . [шабуне] бьстинә.

(Ишайа 55:3)

3 «Гӧһ бьдьн, ԝәрьн бал мьн. Бьбьһизьн кӧ щане ԝә бьжи! Әзе пәйманәкә һәрһәйи бь ԝәрʹа чекьм, бона хатьре дьлованийа мьнә дьлсоз йа жь Даԝьдрʹа.

Хьзна Кʹьтеба Пироз

(Ишайа 54:17)

17 Тʹӧ чʹәкәкә кӧ ль дьжи тә бе чекьрьн ԝе кер нәйе. Һʹәму зьмане кӧ . . . [диԝанеда] ль дьжи тә рʹабә те сущдар дәрхи. Әв ә мираса кәсед Хӧданрʹа хӧламтийе дькьн, рʹуспитийа ԝан жь мьн ә». Әв ә готьна Хӧдан.

27 НИСАНЕ–3 ГӦЛАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ ИШАЙА 56-57

Әм Бәхтәԝар ьн кӧ Йаһоԝа Хԝәдайе Мә йә

(Ишайа 57:13)

13 Гава тә кьр һәԝар, пʹутед . . . [кӧ тә тʹоп кьрийә, бьра тә хьлаз кьн]. Ԝе ба ԝан һʹәмуйа һьлинә, ԝе һӧлмәк ԝан хԝәрʹа бьвә. Ле кәсе хԝә дьсперә мьн, ԝе ԝәлат хԝәрʹа бькә мьлкʹ у чʹийайе мьне пироз мирас бьстинә.

(Ишайа 57:20)

20 Ле хьраб мина . . . [бәʹре] нә кӧ дьчәльԛә у насәкьнә. Ава ԝе һʹәрʹи у пʹисийе давежә дәрва.

(Ишайа 57:21)

21 Хԝәдайе мьн дьбежә: «[Әʹдьлайи] . . . хьрабарʹа тʹӧнә йә.

ip-2 269 ¶14-16

Йаһоԝа Мәрьвед Дьлшкәсти Ԛәԝи Дькә

¹⁴ Ԝе бе әв ԝәʹдә, гава сәбьра Хԝәде хьлаз бә. Йаһоԝа дәрһәԛа ԝи ԝәʹдәйи ӧса дьбежә: «Әзе рʹасти у кʹаред тә биньм бәр чʹәʹвед хԝә, ле ԝе кери тә нәйен. Гава тә кьр һәԝар, пʹутед . . . [кӧ тә тʹоп кьрийә, бьра тә хьлаз кьн]. Ԝе ба ԝан һʹәмуйа һьлинә, ԝе һӧлмәк ԝан хԝәрʹа бьвә» (Ишайа 57:12, 13а). Йаһоԝа ԝе дӧрʹутийа Щьһуйа әʹйан кә. Кьред ԝанә дӧрʹу ԝе пʹучʹ бьн. Гәләк пʹут кӧ ԝана хԝәрʹа тʹоп кьрьбу, ԝе ԝана хьлаз нәкьн. Чахе әԝана рʹасти тәнгасийа бен, хӧданед ԛәлп кӧ әԝана итʹбарийа хԝә ԝана тиньн, ԝе ӧнда бьн, ча бежи ба ԝе ԝана бьвә.

¹⁵ Гьлийед Йаһоԝа сала 607 Б.Д.М. һатьнә сери. Ве сале Пʹадше Бабилоне, Нәбукәднәсәр Оршәлим ԝеран кьр, пʹарьстгәһ шәԝьтанд у һʹәчʹи зәʹф бьнәли бьрә дилтийе. Бь ви щурʹәйи Щьһуда, жь ԝәлате хԝә һатә аксоркьрьне (2 Пʹадшати 25:1-21).

¹⁶ Мина ве йәке, гәләк пʹутед кӧ Мәсиһийед ве дьнйайе хԝәрʹа тʹоп кьрьнә, ԝе рʹожа диԝана Йаһоԝа ԝана хьлаз нәкьн (Ишайа 2:19-22; 2 Тʹесалоники 1:6-10). Мәсиһийед ԛәлп тʹәви пʹаред дьнә Бабилона Мәзьн, ԝе бенә кʹӧтакьрьне. Щәʹнәԝьре соре гәвәзә симболик у дәһә стьруйед симболик ԝе «дәсте [Бабилона Мәзьн] жь һәр тьшти бькьн, ԝе тәʹзи кьн у гоште ԝе бьхԝьн, егьрда бьшәԝьтиньн» (Әʹйанти 17:3, 16, 17). Ча баш ә кӧ мә гӧһ дайә ԝе тʹәмийе: «Жь нава ԝе дәркʹәвьн, щьмәʹта мьн, ԝәки һун нәбьнә һәвал-пʹаред гӧнед ԝе у жь бәлайед ԝе пʹаре нәстиньн»! (Әʹйанти 18:4, 5) Ԝәрә әм тʹӧ щара пашда вәнәгәрʹьн сәр рʹийа дине ԛәлп.

Хьзна Кʹьтеба Пироз

(Ишайа 57:15)

15 Чьмки Йе бәрз у бьльнд, йе кӧ һәр у һәр һәйә у наве ԝи пироз ә, ӧса дьбежә: «Әз һьм ль дәра бьльнд у пироз . . . [дьжим] у һьм жи бь кәсед шькәсти у . . . [мьлукарʹа] мә. Әз рʹӧһʹе . . . [мьлука] у дьлшькәстийа ну бькьм.