Һәвалед Йошийайи Баш Һәбун

Ча тӧ дьфькьри, чәтьн ә бьки әԝ чь кӧ рʹаст ә?— Гәләк мәрьв дьфькьрьн, ԝәки чәтьн ә. Мәсәлә, Кʹьтеба Пирозда те гьликьрьне дәрһәԛа гәдәки, кʹижанирʹа гәләк чәтьн бу тьштед рʹаст бькә. Наве ԝи Йошийа бу. Ле һәвалед Йошийайи баш һәбун, у әԝана али ԝи дькьрьн. Ԝәре әм һе зедә дәрһәԛа Йошийа у һәвалед ԝи пебьһʹәсьн.

Баве Йошийа, Амон бу. Амон пʹадше Щьһудайе бу. Амон йәки гәләк зӧлм бу у сәре хԝә бәр пʹута датани. Чахе Амон мьр, кӧрʹе ԝи Йошийа бу пʹадше Щьһудайе. Ле һьнге Йошийа һʹәйшт сали бу! Ча тӧ дьфькьри, Йошийа жи мина баве хԝә йәки зӧлм бу?— На, әԝ йәки ӧса нибу!

Рʹаст ә Йошийа һе зарʹ бу, ле йәкә әԝи дьхԝәст гӧрʹа Йаһоԝа бькә. Ләма жи Йошийа һәвалед ӧса хԝәрʹа дьжбарт, йед кӧ Йаһоԝа һʹәз дькьрьн. Ԝана али Йошийа дькьр, ԝәки әԝ йәк бькьра, чь кӧ рʹаст бу. Ле гәло һәвалед ԝи кʹи бун?

Йәк жь ԝан Сефанйа пʹехәмбәр бу. Сефанйа әʹлами мәрьвед Щьһудайе дькьр, ԝәки сәре хԝә бәр пʹута данәйньн, йан на, ԝе тьштәки хьраб бе сәре ԝан. Йошийа гӧһ да Сефанйа у сәре хԝә бәр Йаһоԝа датани, нә кӧ бәр пʹута.

Ле һәвале Йошийайи дьн жи, Йерәмйа бу. Йерәмйа у Йошийа, әʹмьрда ԝәкә һәв бун. Әԝана ӧса жи незики һәв дьман у тʹәвайи мәзьн дьбун. Бь рʹасти жи әԝана һәвалед гәләк баш бун. Чьмки чахе Йошийа мьр, Йерәмйа кʹьлам сәр ԝи ньвиси дәрһәԛа ԝе йәке, кӧ чьԛас дьле ԝи сәр Йошийа дьшәԝьтә. Йерәмйа у Йошийа али һәв дькьрьн, ԝәки ве йәке бькьн, чь кӧ рʹаст ә. Ԝана ӧса жи гӧрʹа Йаһоԝа дькьр.

Тӧ чь дькари жь Йошийа һин би?— Рʹаст ә Йошийа һе бьчʹук бу, ле йәкә әԝи дьхԝәст тьштед рʹаст бькә. Әԝи ӧса жи заньбу, ԝәки тʹәви ԝан мәрийа гәрәке һәвалтийе бькә, йед кӧ Йаһоԝа һʹәз дькьн. Тӧ жи һәвалед ӧса хԝәрʹа бьжберә, йед кӧ Йаһоԝа һʹәз дькьн у дькарьн али тә бькьн, ԝәки тьштед рʹаст бьки!