² Her sal, li seranserê dinyayê bi milyonan kes ji bo bîranîna Îsa Mesîh li hev top dibin (1. Petrûs 1:8). Em ji Îsa Mesîh pir hez dikin, û em tînin bîra xwe ku wî canê xwe wek fîdye daye, da ku me ji guneh û mirinê xelas bike (Metta 20:28). Jixwe, Îsa Mesîh dixwest ku şagirtên wî mirina wî bînin bîra xwe. Li şeva berî mirina xwe, wî nîşanî şandiyên xwe da ku gerek ew vê salvegera muhîm çawa pîroz bikin û wisa got: “Vê yekê ji bo bîranîna min bikin” (Lûqa 22:19).