Gelo Lazim e Kesên Pîrozra Dua Bikin?

Caba Kitêba Pîroz

Na. Kitêba Pîroz dibêje ku em gerekê tenê Xwedêra dua bikin, bi navê Îsa Mesîh. Îsa gote şagirtên xwe: “Hûn aha dua bikin: Bavê meyî ezmana! Navê te pîroz be” (Metta 6:9). Ewî ne digot ku xêncî Xwedê em dîsa kesekîra gerekê dua bikin, mesele kesên pîrozra, yan melekara.

Usa jî Îsa şagirtên xwera got: “Ez im, rê, rastî û jiyîn. Tenê pê min yek dikare bê cem Bavê (Yûhenna 14:6). Xwedê tenê Îsa kifş kir “Ku bona me lava-navçêtiyê bike” (Îbranî 7:25).

Lê heger ez hin Xwedêra, hin jî yên pîrozra dua dikim?

Çaxê Şeytan dixwest Îsa bicêribîne, Îsa usa caba xwe da: “Serê xwe li ber Xudan Xwedêyê xwe dayne û tenê wî bihebîne!” (Metta 4:10). Xwedê dixwaze wekî em tenê wî bih′ebînin û tenê wîra dua bikin (Îşaya 48:11).

Em Xwedê bêhurmet dikin çaxê xêncî wî kesekî dinra dua dikin, firqî tune ew melek in yan kesên Pîroz in. Çaxê Yûhennayê şandî dixwest serê xwe ber melek dayne, ewî caba wî da: “Vê yekê neke! Ez jî heval-xulamekî mîna te û wan xûşk-birêd te me, kîjan elametiya Îsaye rast xwey dikin. Serê xwe li ber Xwedê dayne” (Eyantî 19:10)