HER TIŞT BIHA DIBE ÇA EBÛRA XWE BIKIN?
Bi Rêalî ser Tişta Binihêrin
Çaxê her tişt hêdî-hêdî biha dibe, em dikarin vê yekê têdernexin, îlahî hergê heqê xebata me jî zêde dibe. Lê gava bahê her tiştî nişkêva bilind dibe û heqê xebata me zêde nakin, em dikarin ber xwe kevin û bikevine strêsê, îlahî hergê em gerekê ebûra malbeta xwe bikin.
Em nikarin hukum kin ser vê yekê, ku her tişt biha dibe. Lê hergê em bi rêalî ser tişta binihêrin, emê karê bistînin.
ÇIRA EV YEK FERZ E?
Wan merivara, yên ku bi rêalî ser her tiştî dinihêrin, diha hêsa ye . . .
dilrihetiyê xwey kin. Çaxê dilê me rihet e, em diha zelal difikirin û safîkirinên diha baş dikin.
xwe ji tiştên bêkêr dûr bigirin. Mesele, wê ne bi bîlanî be xercên dewletê nedin, yan jî ser tiştên nelazim pera xerc kin.
tevî neferên xwe ji bo pera nekevine dewê.
têderxin ku ça ebûra xwe bikin, mesele perê xwe ser çi xerc kin û ser çi na.
TU ÇI DIKARÎ BIKÎ?
Hazir bin li gora dereca xwe guhastina bikin. Çaxê bahê her tiştî nişkêva bilind dibe, wê bi bîlanî be xercên xwe kêm kin. Hine merivên destteng her tiştî dikin, seva ku bi emirekî usa bijîn, wekî çevê xwe tiştekîda nehêlin û ev yek emirê wan diha çetin dike. Axiriyêda ewana ji bo vê yekê qidûm dikevin! Hergê malbeta te heye, dibeke tu ber xwe dikevî ku ça ebûra wan bikî. Lê dîsa jî bîr neke, wekî ji her tiştî zêdetir malbeta te hewcê hezkirin û wedê te ye.
Gava meriv her tiştî dikin, wekî çevê xwe tiştekîda nehêlin, ev yek emirê wana diha çetin dike