Endemê Teze ya Koma Rêberiyê

ŞEBEQÊ roja çarşemê, 24 Çileyê sala 2018, Beytela Amerîkayêda û Kanadayêda hate elamkirinê, wekî Kênêt Kûk Cr., bûye endemê Koma Rêberiyê ya Şedên Yehowa.

Kûk bira Pensîlvanyayêda, (Amerîka) hatiye bûyînê û mezinkirinê. Ew pêşiya ku mekteb xilaz kira, ji hevaldersxanê xwe derheqa rastiyê pêhesiya. Û ew hate nixumandinê 7 Hezîranê, sala 1980-da. Paşê, 1 Îlonê, sala 1982-da ewî destpêkir ça pêşengê hertim xizmet ke. Paşî du salên pêşengtiyê, 12 Cotmehê sala 1984 ew hate teglîfkirinê li Beytelê, pêşiyê Beytela Wolkîlêda, (Niyû York).

Paşê, Kûk bira 25 sala cûre-cûre kifşkirinada xizmet dikir îdara Neşirkirinêda û Byûroya Beytelêda. Ewî sala 1996 xûşkek bi navê Cêmî stand, û wana îda tevayî xizmet dikir Beytela Wolkîlêda. Meha Kanûna Pêşin sala 2009-da, ewana hatine kifşkirinê Patêrsonêda (Niyû York), kîderê mektebên teşkîleta me derbaz dibin. Wêderê ewî Îdara nemeşandinêda xizmet dikir. Meha Nîsanê sala 2016 çaxê ewana ser wedekî kin vegeriyan Wolkîlê, wana şandine Brûklînê, (Niyû York). Paşî pênc meha, ewana derbazî ofîsa sereke bûn Worwîkêda, (Niyû York). Meha Çileyê, sala 2017, Kûk bira hate kifşkirinê ça alîkarçiyê Komîtêya Nivîskariyê ya Koma Rêberiyê.