Xebitandina Broşûrê “Çi Em Dikarin Hîn Bin ji Xebera Xwedê”; Destpêkirina Xeberdanê
1. Kîjan haceta teze bona dannasînkirinê, me sitand?
1 Ça em dikarin evê haceta teze bidine xebatê, çaxê bona dannasînkirinê pêşanînê hazir dikin? Di van her têma Kitêba Pîrozda rêz hene, çawa di kitêba “Şêwirkirinêda” heye û ew dikare gelek kêrhatî be wekî xeberdanê destpêkin.
2. Ça em dikarin di dannasînkirinêda broşûra “Çi Em Dikarin Hîn Bin ji Xebera Xwedê”, bidine xebatê?
2 Mesele tu dikarî bidî xebatê pirsa 8 û bêjî: “Em îro têne bal meriya, çimkî gelek meriv dişirmîş dibin, ‘Gelo Xwedê ye neheq ku meriv diçerçirin?’ [Di hine têrîtoriyada hê baş e wekî xweyê malêra pirsê nîşan kî.] Lê hûn ça dişirmîş dibin? [Hîviyê be bira caba xwe bide.] Kitêba Pîroz caba wê pirsê dide”. Bixûne û şêwir ke yek yan hê zêde rêz ji Kitêba Pîroz ji wê têmê. Hergê xweyê malê hewasa xwe dide kifşê, tu dikarî wîra pirsa 20 vekî û nîşan kî pirsêd ku wêderê hene, û bira bijbêre pirsek, wekî wedê serlêdana dubare tu tevî wî şêwir kî. Yan jî dikarî bidî edebyeta bona hînbûnê kîderê ku hê zêde înformasya heye derheqa wê tême, ya ku we şêwir kiriye.
3. Em ça dikarin bidine xebatê broşûra “Çi Em Dikarin Hîn Bin ji Xebera Xwedê”, seva ku destpêkin xeberdanê tevî wan meriya, rêlîgiya kîjana ku ne ya mesîhtî ye?
3 Pirsêd 4 û 13 heta 17, dikarin gelek kêrhatî bin çaxê dannasîn dikin di wan mihalada kîderê ku rêlîgiya meriya, ne ya mesîhtî ye. Mesele, tu dikarî bidî xebatê înformasya ji pirsa 17 û bêjî: “Em îro xeber didin tevî malbeta. Dixwazin ji we pirs kin, hûn qayîl in ku malbet îro rastî gelek çetinaya tê? [Hîviyê be bira caba xwe bide.] Seva gelek cotêd zewicî evan giliyê han gelek kêrhatî bûn: “Jin ji mêrê xwe xof bike [qedir bigire, DT]” [Eseyî nîne evan giliya ji Efesî 5:33 nîşan kî. Hergê tu tevî kulfetê xeber didî tu dikarî bi ezberî bêjî giliyê ji Efesî 5:28.] Ça hûn dişirmîş dibin, xebitandina ewê şîretê dikare kêrhatî be bona zewacê?”
4. Tu çi dikarî bikî xilaziya xeberdana xwe, çaxê xeber didî tevî merivî ku di rêlîgiya mesîhtîda nîne?
4 Xilaziya xeberdana xwe, hîm dayne seva ku careke din şêwirkirinê berdewan kî. Tu dikarî safî kî wekî xeberdî derheqa rêzêd din, ji wê pirsê ku te daye xebatê. Wedê xweda xweyê malêra bide kifşê ku ew xeberêd bîlan, kîjanî te wîra gilî kir, ji Kitêba Pîroz in. Li ser hîmê şêwirkirina xwe tevî merivî û li ser hîmê nihêrandina wî derheqa Kitêba Pîroz, dikarî ewê edebyetê wîra bihêlî, ya ku bi dişirmîşbûna te seva wî lazim be. (Binihêre “Qulixikirina Meye Padşatiyê” ya meha Kanûna Pêşin, sala 2013 (ru).)