2 ಅವನು ತಲೆಯೆತ್ತಿ ನೋಡಿದಾಗ ಸ್ವಲ್ಪ ದೂರದಲ್ಲಿ ಮೂರು ಗಂಡಸರು ನಿಂತಿದ್ರು.+ ಕೂಡಲೇ ಅವನು ಡೇರೆ ಬಾಗಿಲಿಂದ ಓಡಿಹೋಗಿ ನೆಲದ ತನಕ ಬಗ್ಗಿ ಅವರಿಗೆ ನಮಸ್ಕಾರ ಮಾಡಿದ. 3 ಆಮೇಲೆ ಅಬ್ರಹಾಮ “ಯೆಹೋವನೇ,* ನಿನ್ನ ದಯೆ ನನ್ನ ಮೇಲಿರಲಿ. ದಯವಿಟ್ಟು ನಿನ್ನ ಸೇವಕನ ಡೇರೆಗೆ ಬರಬೇಕು.

19 ಆ ಇಬ್ಬರು ದೇವದೂತರು ಸಂಜೆ ಸೊದೋಮಿಗೆ ಬಂದ್ರು. ಲೋಟ ಸೊದೋಮ್‌ ಪಟ್ಟಣದ ಬಾಗಿಲ ಹತ್ರ ಕೂತಿದ್ದ. ಲೋಟ ಅವರನ್ನ ನೋಡಿದಾಗ ಎದ್ದು ಹತ್ರ ಹೋಗಿ ನೆಲದ ತನಕ ಬಗ್ಗಿ ನಮಸ್ಕಾರ ಮಾಡಿದ.+ 2 ಅವನು “ಸ್ವಾಮಿ, ದಯವಿಟ್ಟು ನಿಮ್ಮ ಸೇವಕನ ಮನೆಗೆ ಬನ್ನಿ. ನಿಮ್ಮ ಕಾಲು ತೊಳೆಯೋ ಅವಕಾಶ ಕೊಡಿ. ರಾತ್ರಿ ನಮ್ಮ ಮನೆಲೇ ಉಳ್ಕೊಂಡು ಬೆಳಿಗ್ಗೆ ಬೇಗ ಎದ್ದು ಪ್ರಯಾಣ ಮಾಡಬಹುದು” ಅಂದ. ಅವರು “ಇಲ್ಲ, ನಾವು ಪಟ್ಟಣದ ಮುಖ್ಯಸ್ಥಳದಲ್ಲೇ* ರಾತ್ರಿ ಕಳಿತೀವಿ” ಅಂದ್ರು. 3 ಆದ್ರೆ ಲೋಟ ತುಂಬ ಒತ್ತಾಯ ಮಾಡಿದ್ದಕ್ಕೆ ಅವನ ಜೊತೆ ಮನೆಗೆ ಹೋದ್ರು. ಅವನು ಅವರಿಗಾಗಿ ಅಡುಗೆ ಮಾಡಿಸಿ ಹುಳಿಯಿಲ್ಲದ ರೊಟ್ಟಿಗಳನ್ನ ಸುಟ್ಟು ಕೊಟ್ಟ. ಅವರು ತಿಂದ್ರು.