ಪರಮಗೀತ

6 “ಸ್ತ್ರೀಯರಲ್ಲಿ ಬಲು ಸುಂದರಿಯೇ,

ನಿನ್ನ ಪ್ರಿಯತಮ ಎಲ್ಲಿ ಹೋದ?

 2 “ನನ್ನ ಪ್ರಿಯತಮ ತನ್ನ ತೋಟಕ್ಕೆ,

ಸುಗಂಧ ಸಸ್ಯಗಳ ಹಾಸಿಗೆಯಂತಿರೋ ವನಕ್ಕೆ ಹೋಗಿದ್ದಾನೆ,

ತೋಟಗಳಲ್ಲಿ ಹಿಂಡನ್ನ ಮೇಯಿಸೋಕೆ,

ಲಿಲಿ ಹೂಗಳನ್ನ ಕೂಡಿಸೋಕೆ ಹೋಗಿದ್ದಾನೆ.+

 3 ನಾನು ನನ್ನ ನಲ್ಲನ ಆಸ್ತಿ,

ನನ್ನ ನಲ್ಲ ನನ್ನ ಆಸ್ತಿ.+

 4 “ನನ್ನ ಪ್ರೇಯಸಿಯೇ, ನೀನು ತಿರ್ಚದಷ್ಟು*+ ಅಂದ,+

ಯೆರೂಸಲೇಮಿನಷ್ಟು ರಮಣೀಯ,+

ಧ್ವಜಗಳ ಸುತ್ತ ನಿಂತಿರೋ ಸೈನ್ಯದಂಥ ನಿನ್ನ ಚೆಲುವಿಗೆ ನಾ ಮೂಕವಿಸ್ಮಿತ.+

ನಿನ್ನ ಕೂದಲು ಗಿಲ್ಯಾದಿನ ಇಳಿಜಾರುಗಳಿಂದ

ಇಳಿದುಬರೋ ಆಡುಗಳ ಹಿಂಡಿನ ತರ ಇದೆ.+

 6 ನಿನ್ನ ಹಲ್ಲುಗಳು ಸ್ನಾನವಾಗಿ ಬಂದಿರೋ ಕುರಿಗಳ ಹಿಂಡಿನ ತರ ಇವೆ,

ಎಲ್ಲವೂ ಜೋಡಿಜೋಡಿಯಾಗಿವೆ,

ಯಾವುದೂ ಒಂಟಿಯಾಗಿಲ್ಲ.

 7 ಮುಸುಕಿನೊಳಗಿರೋ ನಿನ್ನ ಕೆನ್ನೆಗಳು

ದಾಳಿಂಬೆ ಹಣ್ಣಿನ ಎರಡು ಹೋಳುಗಳ ತರ ಇವೆ.

 8 ನನಗೆ 60 ರಾಣಿಯರು, 80 ಉಪಪತ್ನಿಯರು,

ಲೆಕ್ಕವಿಲ್ಲದಷ್ಟು ಯುವತಿಯರು ಇದ್ರೂ+

 9 ಅವಳೊಬ್ಬಳೇ ನನ್ನ ಪಾರಿವಾಳ,+

ಅವಳಲ್ಲಿ ದೋಷವೇನೂ ಇಲ್ಲ.

ಅವಳ ತಾಯಿಗೆ ಅವಳೊಬ್ಬಳೇ ಮಗಳು,

ಹೆತ್ತವಳಿಗೆ ಅಚ್ಚುಮೆಚ್ಚಿನವಳು.

ಪೂರ್ಣಚಂದ್ರನ ತರ ಕಂಗೊಳಿಸೋ,

ಸೂರ್ಯರಶ್ಮಿ ತರ ನಿಷ್ಕಳಂಕವಾಗಿರೋ,

ಧ್ವಜ ಎತ್ತಿ ಹಿಡಿದಿರೋ ಸೈನ್ಯ ತರ ಮೂಕವಿಸ್ಮಯಗೊಳಿಸೋ ಇವಳ್ಯಾರು?’”+

ಕಣಿವೆಯ* ಮರಗಿಡಗಳು ಮೊಗ್ಗು ಬಿಟ್ಟಿವೆಯಾ,

ದ್ರಾಕ್ಷಿ ಬಳ್ಳಿಗಳು ಚಿಗುರೊಡೆದಿವೆಯಾ,*

ದಾಳಿಂಬೆ ಮರಗಳು ಹೂಬಿಟ್ಟಿವೆಯಾ ಅಂತ ನೋಡೋಕೆ ಹೋದೆ.

12 ಅದನ್ನೆಲ್ಲ ನೋಡೋ ಆಸೆಯಿಂದ

ನನಗೇ ಗೊತ್ತಿಲ್ಲದೆ ನಾನು ರಾಜನ ರಥಗಳ ಹತ್ರ ಹೋಗಿದ್ದೆ.”

13 “ಬಾ, ಶೂಲಮ್ಯಳೇ ಬಾ,

ತಿರುಗಿ ಬಾ, ನಾವು ನಿನ್ನನ್ನ ನೋಡಬೇಕು, ವಾಪಸ್‌ ಬಾ!”