ಕೀರ್ತನೆ

ಯಾತ್ರೆ ಗೀತೆ. ದಾವೀದನ ಕೀರ್ತನೆ.

122 “ಯೆಹೋವನ ಆಲಯಕ್ಕೆ ಹೋಗೋಣ ಬಾ” ಅಂತ

ಜನ್ರು ಹೇಳಿದಾಗ ನನಗೆ ಖುಷಿಯೋ ಖುಷಿ.+

2 ಯೆರೂಸಲೇಮೇ, ಈಗ

ನಾವು ನಮ್ಮ ಪಾದಗಳನ್ನ ನಿನ್ನ ಬಾಗಿಲಿನ ಒಳಗೆ ಇಟ್ಟಿದ್ದೀವಿ.+

3 ಅಚ್ಚುಕಟ್ಟಾಗಿ ಒಟ್ಟುಸೇರಿಸಿ ಕಟ್ಟಿರೋ ಪಟ್ಟಣದ ಹಾಗೆ

ಯೆರೂಸಲೇಮನ್ನ ಕಟ್ಟಲಾಗಿದೆ.+

4 ಎಲ್ಲ ಕುಲಗಳು ಅಲ್ಲಿಗೆ ಹತ್ತಿ ಹೋಗಿವೆ,

ಇಸ್ರಾಯೇಲ್ಯರಿಗೆ ಕೊಟ್ಟ ಆಜ್ಞೆ ಪ್ರಕಾರ

ಯೆಹೋವನ ಹೆಸ್ರಿಗೆ ಕೃತಜ್ಞತೆ ಹೇಳೋಕೆ,

ಯಾಹುವಿನ* ಕುಲಗಳು ಅಲ್ಲಿಗೆ ಹೋಗಿವೆ.+

5 ಯಾಕಂದ್ರೆ ಅಲ್ಲಿ ನ್ಯಾಯಪೀಠಗಳನ್ನ,+

ದಾವೀದನ ಮನೆತನದ ಸಿಂಹಾಸನಗಳನ್ನ ಇಟ್ಟಿದ್ದಾರೆ.+

6 ಯೆರೂಸಲೇಮಿನ ಶಾಂತಿಗಾಗಿ ಪ್ರಾರ್ಥಿಸಿ.+

ಪಟ್ಟಣವೇ, ನಿನ್ನನ್ನ ಪ್ರೀತಿಸೋರು ಸುರಕ್ಷಿತವಾಗಿ ಇರ್ತಾರೆ.

7 ನಿನ್ನ ಭದ್ರ ಗೋಡೆ* ಒಳಗೆ ಶಾಂತಿ ಇರಲಿ,

ನಿನ್ನ ಭದ್ರ ಕೋಟೆಗಳ ಒಳಗೆ ಸಂರಕ್ಷಣೆ ನೆಲೆಸಲಿ.

8 ನನ್ನ ಸಹೋದರರನ್ನ, ನನ್ನ ಜೊತೆಗಾರರನ್ನ ಮನಸ್ಸಲ್ಲಿಟ್ಟು

“ನಿನ್ನಲ್ಲಿ ಸಮಾಧಾನ ಇರಲಿ” ಅಂತ ನಾನು ಹೇಳ್ತೀನಿ.

9 ನಮ್ಮ ದೇವರಾದ ಯೆಹೋವನ ಆಲಯದ ಸಲುವಾಗಿ,+

ನಾನು ನಿನಗೆ ಒಳ್ಳೇದಾಗಲಿ ಅಂತ ಬಯಸ್ತೀನಿ.