ಯೆಶಾಯ
62 ಎಲ್ಲಿ ತನಕ ಪ್ರಕಾಶಮಾನವಾದ ಬೆಳಕಿನ ತರ ಚೀಯೋನಿನ ನೀತಿ ಪ್ರಜ್ವಲಿಸಲ್ವೋ+
ಅಲ್ಲಿ ತನಕ ನಾನು ಚೀಯೋನಿನ ಸಲುವಾಗಿ ಮೌನವಾಗಿರಲ್ಲ,+
ಎಲ್ಲಿ ತನಕ ಉರಿಯೋ ಪಂಜಿನ ತರ ಯೆರೂಸಲೇಮಿನ ರಕ್ಷಣೆ ಕಂಡುಬರಲ್ವೋ+
ಅಲ್ಲಿ ತನಕ ನಾನು ಯೆರೂಸಲೇಮಿನ ಸಲುವಾಗಿ ಶಾಂತಿಯಿಂದ ಕೂರಲ್ಲ.
ಸ್ವತಃ ಯೆಹೋವನೇ ಇಟ್ಟಿರೋ
ಹೊಸ ಹೆಸ್ರಿಂದ ನಿನ್ನನ್ನ ಕರೆಯಲಾಗುತ್ತೆ.+
3 ನೀನು ಯೆಹೋವನ ಕೈಯಲ್ಲಿ ಸುಂದರ ಕಿರೀಟ ಆಗ್ತೀಯ,
ನಿನ್ನ ದೇವರ ಕೈಯಲ್ಲಿ ನೀನು ರಾಜಪೇಟ ಆಗ್ತೀಯ.
4 ಇನ್ನು ಮುಂದೆ ನಿನ್ನನ್ನ ತೊರೆದುಬಿಟ್ಟಿರೋ ಸ್ತ್ರೀ ಅಂತ ಕರಿಯಲ್ಲ,+
ಇನ್ನು ಮುಂದೆ ನಿನ್ನ ದೇಶವನ್ನ ನಿರ್ಜನ ಪ್ರದೇಶ ಅಂತ ಹೇಳಲಾಗಲ್ಲ.+
ಆದ್ರೆ ನಿನ್ನನ್ನ ‘ಅವಳಲ್ಲೇ ನನ್ನ ಸಂತೋಷ ಇದೆ’ ಅಂತ,+
ನಿನ್ನ ದೇಶವನ್ನ ‘ವಿವಾಹಿತೆ’ ಅಂತ ಕರೆಯಲಾಗುತ್ತೆ.
ಯಾಕಂದ್ರೆ ಯೆಹೋವ ನಿನ್ನಲ್ಲಿ ಸಂತೋಷವನ್ನ ಕಂಡ್ಕೊಳ್ತಾನೆ.
ನಿನ್ನ ದೇಶ ಮದುವೆ ಆಗಿರೋ ಸ್ತ್ರೀ ತರ ಇರುತ್ತೆ.
5 ಒಬ್ಬ ಯುವಕ ಕನ್ಯೆಯನ್ನ ಮದುವೆಯಾಗೋ ತರ
ನಿನ್ನ ನಿವಾಸಿಗಳು ನಿನ್ನನ್ನ ಮದುವೆ ಆಗ್ತಾರೆ.
ಮದುಮಗ ಮದುಮಗಳಲ್ಲಿ ಸಂತೋಷಿಸೋ ತರ
ನಿನ್ನ ದೇವರು ನಿನ್ನ ವಿಷ್ಯದಲ್ಲಿ ಸಂತೋಷಪಡ್ತಾನೆ.+
6 ಯೆರೂಸಲೇಮೇ, ನಿನ್ನ ಗೋಡೆಗಳ ಮೇಲೆ ನಾನು ಕಾವಲುಗಾರರನ್ನ ನೇಮಿಸಿದ್ದೀನಿ.
ಹಗಲಲ್ಲಾಗಲಿ ರಾತ್ರಿಯಲ್ಲಾಗಲಿ ಒಂದು ಕ್ಷಣನೂ ಅವರು ಸುಮ್ಮನಿರಬಾರದು.
ಯೆಹೋವನ ಗುಣಗಾನ ಮಾಡುವವರೇ,
ವಿಶ್ರಾಂತಿ ಪಡಿಬೇಡಿ.
7 ಆತನು ಯೆರೂಸಲೇಮನ್ನ ದೃಢವಾಗಿ ಸ್ಥಾಪಿಸೋ ತನಕ
ಹೌದು, ಇಡೀ ಭೂಮಿಯಲ್ಲಿ ಅದನ್ನ ಹಾಡಿಹೊಗಳೋ ತನಕ ಆತನಿಗೆ ಪ್ರಾರ್ಥಿಸ್ತಾ ಇರಿ.”+
8 ಯೆಹೋವ ತನ್ನ ಬಲಗೈಯಿಂದ, ತನ್ನ ಬಲಿಷ್ಠ ಬಾಹುವಿಂದ ಆಣೆ ಮಾಡ್ತಾ ಹೀಗೆ ಹೇಳಿದನು
“ಇನ್ನು ಮುಂದೆ ನಾನು ನಿಮ್ಮ ಧಾನ್ಯವನ್ನ ನಿಮ್ಮ ಶತ್ರುಗಳಿಗೆ ಆಹಾರವಾಗಿ ಕೊಡಲ್ಲ,
ನೀವು ಕಷ್ಟಪಟ್ಟು ಮಾಡಿದ ಹೊಸ ದ್ರಾಕ್ಷಾಮದ್ಯವನ್ನ ವಿದೇಶಿಯರು ಕುಡಿಯಲ್ಲ.+
9 ಆದ್ರೆ ಆ ಧಾನ್ಯವನ್ನ ಕೂಡಿಸುವವರು ಅದನ್ನ ತಿಂದು ಯೆಹೋವನನ್ನ ಹೊಗಳ್ತಾರೆ,
ಆ ದ್ರಾಕ್ಷಾಮದ್ಯವನ್ನ ಶೇಖರಿಸುವವರು ಅದನ್ನ ನನ್ನ ಪವಿತ್ರ ಅಂಗಳಗಳಲ್ಲಿ ಕುಡಿತಾರೆ.”+
10 ಹಾದು ಬನ್ನಿ, ಬಾಗಿಲುಗಳ ಮೂಲಕ ಹಾದು ಬನ್ನಿ.
ಜನ್ರಿಗಾಗಿ ದಾರಿಯಲ್ಲಿರೋ ಅಡ್ಡಿತಡೆಗಳನ್ನ ತೆಗೆದುಹಾಕಿ,+
ಎತ್ರ ಮಾಡಿ, ಹೆದ್ದಾರಿಗಳನ್ನ ಎತ್ರ ಮಾಡಿ.
ಕಲ್ಲುಗಳನ್ನ ತೆಗಿರಿ.+
11 ಇಗೋ! ಯೆಹೋವ ಭೂಮಿಯ ಮೂಲೆ ಮೂಲೆಯ ತನಕ ಹೀಗೆ ಹೇಳ್ತಿದ್ದಾನೆ,
“ಚೀಯೋನ್‌ ಪಟ್ಟಣಕ್ಕೆ ಹೀಗೆ ಹೇಳಿ,
‘ನೋಡು! ನಿನ್ನ ರಕ್ಷಣೆ ಬರ್ತಿದೆ.+
ನೋಡು! ದೇವರು ಕೊಡೋ ಪ್ರತಿಫಲ ದೇವರ ಹತ್ರನೇ ಇದೆ,
ಆತನು ಕೊಡೋ ಸಂಬಳ ಆತನ ಮುಂದೆನೇ ಇದೆ.’”+