ಕೀರ್ತನೆ

ಒಂದನೇ ಪುಸ್ತಕ

(ಕೀರ್ತನೆ 1-41)

1 ಕೆಟ್ಟವನ ಮಾತು ಕೇಳದೆ,

ಪಾಪಿಗಳ ದಾರಿಯಲ್ಲಿ ಹೋಗದೆ,+

ಗೇಲಿ ಮಾಡೋರ ಜೊತೆ ಕೂತುಕೊಳ್ಳದೆ+ ಇರೋನು ಸಂತೋಷವಾಗಿ ಇರ್ತಾನೆ.

2 ಅವನು ಯೆಹೋವನ ನಿಯಮಗಳನ್ನ ಪಾಲಿಸೋದ್ರಲ್ಲಿ ಖುಷಿಪಡ್ತಾನೆ,+

ಆತನ ನಿಯಮ ಪುಸ್ತಕವನ್ನ ಹಗಲೂರಾತ್ರಿ ಓದಿ ಧ್ಯಾನಿಸ್ತಾನೆ.*+

3 ಅವನು ನೀರಿನ ಕಾಲುವೆಗಳ ಹತ್ರ ಇರೋ ಮರದ ತರ ಇದ್ದಾನೆ,

ಅಂಥ ಮರ ಸರಿಯಾದ ಸಮಯಕ್ಕೆ ಹಣ್ಣು ಕೊಡುತ್ತೆ,

ಅದರ ಎಲೆ ಯಾವತ್ತೂ ಒಣಗಿ ಹೋಗಲ್ಲ.

ಅವನು ಕೈಹಾಕೋ ಎಲ್ಲ ಕೆಲಸ ಚೆನ್ನಾಗಿ ನಡಿಯುತ್ತೆ.+

4 ಆದ್ರೆ ದುಷ್ಟರು ಹಾಗಿರಲ್ಲ,

ಅವರು ಗಾಳಿಗೆ ಹಾರಿ ಹೋಗೋ ಹೊಟ್ಟಿನ ತರ ಇದ್ದಾರೆ.

5 ಹಾಗಾಗಿ ತೀರ್ಪಿನ ದಿನ ಬಂದಾಗ ದುಷ್ಟರಿಗೆ ನಿಲ್ಲಕ್ಕಾಗಲ್ಲ,+

ಪಾಪಿಗಳು ನೀತಿವಂತರ ಗುಂಪಲ್ಲಿ ಇರಕ್ಕಾಗಲ್ಲ.+

6 ಯಾಕಂದ್ರೆ ನೀತಿವಂತನ ದಾರಿ ಬಗ್ಗೆ ಯೆಹೋವಗೆ ಚೆನ್ನಾಗಿ ಗೊತ್ತು.+

ಆದ್ರೆ ದುಷ್ಟನ ದಾರಿ ನಾಶವಾಗಿ ಹೋಗುತ್ತೆ.+