ಜ್ಞಾನೋಕ್ತಿ
3 ಮನುಷ್ಯ ತನ್ನ ದಡ್ಡತನದಿಂದಾನೇ ದಾರಿ ತಪ್ತಾನೆ,
ಆಮೇಲೆ ಅವನ ಮನಸ್ಸು ಯೆಹೋವನ ಮೇಲೆ ರೇಗುತ್ತೆ.
4 ಶ್ರೀಮಂತನಿಗೆ ನೂರಾರು ಸ್ನೇಹಿತರು ಇರ್ತಾರೆ,
ಆದ್ರೆ ಬಡವನಿಗೆ ಒಬ್ಬನೇ ಒಬ್ಬ ಸ್ನೇಹಿತ ಇದ್ರೂ ಅವನೂ ಕೈಬಿಟ್ಟುಬಿಡ್ತಾನೆ.+
6 ದೊಡ್ಡ ವ್ಯಕ್ತಿಗಳ* ಮೆಚ್ಚುಗೆ ಪಡಿಯೋಕೆ ತುಂಬ ಜನ ಇಷ್ಟಪಡ್ತಾರೆ,
ಉಡುಗೊರೆಗಳನ್ನ ಕೊಡುವವನಿಗೆ ಎಲ್ರೂ ಸ್ನೇಹಿತರಾಗ್ತಾರೆ.
ಅವನು ಬೇಡ್ತಾ ಅವ್ರ ಹಿಂದೆ ಹೋಗ್ತಾನೆ, ಆದ್ರೆ ಯಾರೂ ಕ್ಯಾರೆ ಅನ್ನಲ್ಲ.
9 ಸುಳ್ಳುಸಾಕ್ಷಿ ಹೇಳುವವನಿಗೆ ಶಿಕ್ಷೆ ತಪ್ಪಿದ್ದಲ್ಲ,
ಬಾಯಿ ಬಿಟ್ರೆ ಸುಳ್ಳು ಹೇಳುವವನು ಮಣ್ಣುಪಾಲಾಗಿ ಹೋಗ್ತಾನೆ.+
10 ಐಷಾರಾಮಿ ಜೀವನ ಮೂರ್ಖನಿಗೆ ಸರಿಯಲ್ಲ ಅಂದ್ಮೇಲೆ,
ದೊಡ್ಡ ಅಧಿಕಾರಿಗಳ ಮೇಲೆ ಸೇವಕ ಆಳೋದು ಇನ್ನೆಷ್ಟು ಸರಿ.+
11 ವ್ಯಕ್ತಿಯಲ್ಲಿರೋ ತಿಳುವಳಿಕೆ* ಅವನ ಕೋಪ ಆರಿಸುತ್ತೆ,+
ಮತ್ತೊಬ್ರ ತಪ್ಪನ್ನ ಗಮನಿಸದೆ ಇರೋದು ಅವನಿಗೆ ಗೌರವ ತರುತ್ತೆ.+
12 ರಾಜನ ಕೋಪ ಸಿಂಹದ ಗರ್ಜನೆ ತರ,+
ಅವನ ಕೃಪೆ ಹುಲ್ಲು ಮೇಲೆ ಇರೋ ಇಬ್ಬನಿ ತರ.
14 ಒಬ್ಬನಿಗೆ ಮನೆ, ಆಸ್ತಿ ಅಪ್ಪನಿಂದ ಬರೋ ಸೊತ್ತು,
ಆದ್ರೆ ಬುದ್ಧಿ ಇರೋ ಹೆಂಡತಿ ಯೆಹೋವನಿಂದ ಸಿಗೋ ವರ.+
15 ಮೈಗಳ್ಳ ತುಂಬ ನಿದ್ದೆ ಮಾಡ್ತಾನೆ,
ಸೋಮಾರಿ ಹಸಿವಿಂದ ನರಳ್ತಾನೆ.+
19 ಕೋಪಿಷ್ಠ ದಂಡ ತೆರಬೇಕಾಗುತ್ತೆ,
ಅವನನ್ನ ಕಾಪಾಡೋಕೆ ಪ್ರಯತ್ನಿಸಿದ್ರೆ ಮತ್ತೆಮತ್ತೆ ಅದನ್ನೇ ಮಾಡಬೇಕಾಗುತ್ತೆ.+
22 ಮನುಷ್ಯನ ಶಾಶ್ವತ ಪ್ರೀತಿನೇ ಅವನ ಅಂದ,+
ಸುಳ್ಳುಗಾರನಾಗಿ ಇರೋದಕ್ಕಿಂತ ಬಡವನಾಗಿ ಇರೋದು ಒಳ್ಳೇದು.
24 ಸೋಮಾರಿ ತನ್ನ ಕೈಯನ್ನ ಮೃಷ್ಟಾನ್ನ ಊಟದ ಬಟ್ಟಲಲ್ಲಿ ಮುಳುಗಿಸ್ತಾನೆ,
ಆದ್ರೆ ಅದನ್ನ ಬಾಯಿ ತನಕ ತರೋಕ್ಕೂ ಮನಸ್ಸು ಮಾಡಲ್ಲ.+
25 ಅಣಕಿಸಿ ಮಾತಾಡುವವನನ್ನ ಹೊಡಿ,+ ಇದನ್ನ ನೋಡಿ ಅನುಭವ ಇಲ್ಲದವನು ಜಾಣ ಆಗ್ತಾನೆ.+
ಅರ್ಥ ಮಾಡ್ಕೊಳ್ಳೋನನ್ನ ಗದರಿಸು, ಆಗ ಅವನ ಜ್ಞಾನ ಜಾಸ್ತಿ ಆಗುತ್ತೆ.+
26 ಅಪ್ಪನ ಜೊತೆ ಕೆಟ್ಟದಾಗಿ ನಡ್ಕೊಳ್ಳುವವನು, ಅಮ್ಮನನ್ನ ಓಡಿಸಿಬಿಡ್ತಾನೆ,
ಅವನು ಅವಮಾನ, ಕೆಟ್ಟ ಹೆಸ್ರು ತರ್ತಾನೆ.+
27 ನನ್ನ ಮಗನೇ, ನೀನು ಶಿಸ್ತು ಪಡ್ಕೊಳ್ಳದಿದ್ರೆ,
ಜ್ಞಾನದ ದಾರಿ ಬಿಟ್ಟು ದಾರಿತಪ್ಪಿ ಹೋಗ್ತೀಯ.