ನಹೂಮ

ಹೋಗು, ಹೋಗಿ ನಿನ್ನ ಭದ್ರ ಕೋಟೆಗಳನ್ನ ಕಾಪಾಡ್ಕೊ,

ದಾರಿ ಮೇಲೆ ಕಣ್ಣಿಡು,

ನಿನ್ನ ಶಕ್ತಿನೆಲ್ಲ ಸೇರಿಸ್ಕೊಂಡು* ಯುದ್ಧಕ್ಕೆ ತಯಾರಾಗು.

 2 ಯೆಹೋವ ಯಾಕೋಬನ ವೈಭವವನ್ನ,

ಇಸ್ರಾಯೇಲಿನ ವೈಭವವನ್ನೂ ವಾಪಸ್‌ ಕೊಡ್ತಾನೆ,

ಯಾಕಂದ್ರೆ ನಾಶಕರು ಅವ್ರನ್ನ ನಾಶ ಮಾಡಿದ್ರು,+

ಅವ್ರ ಕೊಂಬೆಗಳನ್ನ ಹಾಳು ಮಾಡಿದ್ರು.

ಯುದ್ಧಕ್ಕೆ ಅವರು ತಯಾರಾಗೋ ದಿನ,

ಅವ್ರ ಯುದ್ಧ ರಥಗಳ ಕಬ್ಬಿಣದ ಭಾಗಗಳು ಬೆಂಕಿ ತರ ಹೊಳಿಯುತ್ತೆ.

ಅವರು ಆ ಪಟ್ಟಣದ ಗೋಡೆ ಕಡೆ ಓಡ್ತಾರೆ,

ಎದ್ದು ಬಿದ್ದು ಅಲ್ಲಿಗೆ ಹೋಗಿ,

ಅದ್ರ ಕಾವಲು ಕಾಯ್ತಾರೆ.

 6 ನದಿಗಳ ಬಾಗಿಲು ತೆರೀತಾರೆ,

ರಾಜನ ಅರಮನೆ ಬಿದ್ದು ಹೋಗುತ್ತೆ.*

ಪಟ್ಟಣದ ಜನ್ರು ಎಲ್ರ ಮುಂದೆ ತಲೆ ತಗ್ಗಿಸ್ತಾರೆ,

ಅವ್ರನ್ನ ಕೈದಿಗಳಾಗಿ ಹಿಡ್ಕೊಂಡು ಹೋಗ್ತಾರೆ, ಅವ್ರ ದಾಸಿಯರು ಗೋಳಾಡ್ತಾರೆ.

 8 ನಿನೆವೆ+ ಯಾವಾಗಿಂದ ಇದ್ಯೋ ಅವಾಗಿಂದ ನೀರಿನ ಕೊಳದ ತರ ಇತ್ತು,

ಆದ್ರೆ ಈಗ ಜನ ಅದ್ರಿಂದ ದೂರ ಓಡ್ತಿದ್ದಾರೆ.

“ನಿಲ್ಲಿ! ನಿಲ್ಲಿ!” ಅಂತ ಕರೆದ್ರೂ

ಯಾರೂ ಹಿಂದೆ ತಿರುಗಿ ನೋಡ್ತಿಲ್ಲ.+

ಜನ್ರ ಹೃದಯ ಭಯದಿಂದ ಕರಗಿ ಹೋಗಿದೆ, ಮಂಡಿಯೂರಿ ಅದರುತ್ತಿದೆ, ಸೊಂಟ ನಡುಗ್ತಿದೆ,

ಅವ್ರೆಲ್ರ ಮುಖ ಬಿಳಿಚಿಕೊಂಡಿದೆ.

ಸಿಂಹ ಯಾರಿಗೂ ಭಯಪಡದೆ,

ತನ್ನ ಮರಿಗಳ ಜೊತೆ ಸುತ್ತೋ ಜಾಗ ಯಾವುದು?

12 ಸಿಂಹ ತನ್ನ ಮರಿಗಳಿಗಾಗಿ ಬೇಕಾದಷ್ಟು ಬೇಟೆಯನ್ನ ಸೀಳಿ ತರ್ತಿತ್ತು,

ತನ್ನ ಸಿಂಹಿಣಿಗಳಿಗೋಸ್ಕರ ಬೇಟೆಯ ಕುತ್ತಿಗೆ ಮೇಲೆ ಕಾಲಿಡ್ತಿತ್ತು,

ಬೇಟೆ ಆಡಿ ಪ್ರಾಣಿಗಳಿಂದ ತನ್ನ ಗುಹೆಗಳನ್ನ ತುಂಬಿಸಿತ್ತು,

ಹೌದು ತನ್ನ ಗವಿಗಳನ್ನ ಸೀಳಿದ ಪ್ರಾಣಿಗಳಿಂದ ತುಂಬಿಸಿತ್ತು.

“ನೋಡು! ನಾನು ನಿನಗೆ ವಿರುದ್ಧವಾಗಿದ್ದೀನಿ,+

ನಿನ್ನ ಯುದ್ಧರಥಗಳನ್ನ ಪೂರ್ತಿ ಬೆಂಕಿಯಿಂದ ಸುಟ್ಟುಹಾಕ್ತೀನಿ,+

ನಿನ್ನ ಎಳೇ ಸಿಂಹಗಳನ್ನ ಕತ್ತಿ ನುಂಗಿಬಿಡುತ್ತೆ.

ಭೂಮಿ ಮೇಲೆ ನಿನಗೆ ಬೇಟೆ ಸಿಗದ ಹಾಗೆ ಮಾಡ್ತೀನಿ,

ನಿನ್ನ ಸಂದೇಶವಾಹಕರ ಶಬ್ದ ಇನ್ಮುಂದೆ ಕೇಳಿಸದ ಹಾಗೆ ಮಾಡ್ತೀನಿ.”+