ಕೀರ್ತನೆ

ಯಾತ್ರೆ ಗೀತೆ.

121 ನಾನು ಬೆಟ್ಟದ ಕಡೆ ಕಣ್ಣೆತ್ತಿ ನೋಡ್ತೀನಿ.+

ನನಗೆ ಎಲ್ಲಿಂದ ಸಹಾಯ ಸಿಗುತ್ತೆ?

2 ಭೂಮಿ ಆಕಾಶಗಳನ್ನ ಮಾಡಿದ

ಯೆಹೋವನಿಂದ ನನಗೆ ಸಹಾಯ ಸಿಗುತ್ತೆ.+

3 ಆತನು ಯಾವತ್ತೂ ನಿನ್ನ ಕಾಲು ಜಾರೋಕೆ ಬಿಡಲ್ಲ.*+

ನಿನ್ನನ್ನ ಕಾಯೋ ದೇವರು ಯಾವತ್ತೂ ಮಂಪರಿನಲ್ಲಿ ಇರಲ್ಲ.

4 ಇಗೋ! ಇಸ್ರಾಯೇಲನ್ನ ಕಾಯೋ ದೇವರು,

ತೂಕಡಿಸ್ತಾ ಇರೋದೂ ಇಲ್ಲ, ನಿದ್ದೆಗೆ ಜಾರೋದೂ ಇಲ್ಲ.+

5 ಯೆಹೋವ ನಿನ್ನನ್ನ ಕಾದು ಕಾಪಾಡ್ತಾನೆ.

ಯೆಹೋವ ನಿನ್ನ ಬಲಗಡೆನೇ ಇದ್ದು+ ನಿನ್ನನ್ನ ಸಂರಕ್ಷಿಸೋ ನೆರಳಾಗಿ ಇರ್ತಾನೆ.+

6 ಹಗಲಲ್ಲಿ ಸೂರ್ಯನಾಗಲಿ,+

ಇರುಳಲ್ಲಿ ಚಂದ್ರನಾಗಲಿ ನಿನಗೆ ಹಾನಿ ಮಾಡಲ್ಲ.+

7 ಎಲ್ಲ ಅಪಾಯಗಳಿಂದ ಯೆಹೋವ ನಿನ್ನನ್ನ ರಕ್ಷಿಸ್ತಾನೆ.+

ನಿನ್ನ ಪ್ರಾಣವನ್ನ ಕಾದು ಕಾಪಾಡ್ತಾನೆ.+

8 ನೀನು ಮಾಡೋ ಎಲ್ಲ ಕೆಲಸಗಳಲ್ಲಿ* ಯೆಹೋವ ನಿನ್ನನ್ನ ರಕ್ಷಿಸ್ತಾನೆ,

ಇವತ್ತಿಂದ ಯಾವತ್ತಿಗೂ ಕಾಪಾಡ್ತಾನೆ.