ವಿಜ್ಞಾನಿಗಳಿಗೆ ಗೊತ್ತಿಲ್ಲದ ವಿಷಯ ಯಾವುದು?

ಈ ವಿಶ್ವದಲ್ಲಿರೋ ಪ್ರತಿಯೊಂದು ವಿಷಯದ ಬಗ್ಗೆ ವಿಜ್ಞಾನಿಗಳು ಸಾಕಷ್ಟು ಅಧ್ಯಯನ ಮಾಡಿದ್ದಾರೆ. ಆದರೆ ಅವರಿಗೆ ಪ್ರಾಮುಖ್ಯವಾಗಿರೋ ಎಷ್ಟೋ ಪ್ರಶ್ನೆಗಳಿಗೆ ಉತ್ತರಿಸೋಕೆ ಆಗಲಿಲ್ಲ.

ವಿಶ್ವ ಮತ್ತು ಜೀವ ಹೇಗೆ ಬಂತು ಅಂತ ವಿಜ್ಞಾನಿಗಳಿಗೆ ಹೇಳೋಕಾಗಿದ್ಯಾ? ಇಲ್ಲ. ವಿಶ್ವ ಹೇಗೆ ಬಂತು ಅನ್ನೋದ್ರ ಬಗ್ಗೆ ಕ಼ಾಸ್ಮಾಲಜಿ ಹೇಳುತ್ತೆ ಅಂತ ಕೆಲವರು ಹೇಳುತ್ತಾರೆ. ಡಾರ್ಟ್‌ಮೌತ್‌ ಕ಼ಾಲೇಜಿನ ಖಗೋಳಶಾಸ್ತ್ರ ಪ್ರೋಫೆಸರ್‌ ಮಾರ್ಸೆಲ್ಲೋ ಗ್ಲೀಸರ್‌ ದೇವರನ್ನು ನಂಬ್ತಿರಲಿಲ್ಲ. ಅವರು ಹೇಳಿದ್ದು “ವಿಶ್ವ ಹೇಗೆ ಬಂತು ಅನ್ನೋದರ ಬಗ್ಗೆ ನಾವು ಮಾತೇ ಎತ್ತಿಲ್ಲ.”

ಜೀವ ಹೇಗೆ ಬಂತು ಅನ್ನೋದರ ಬಗ್ಗೆ ಸೈನ್ಸ್‌ ನ್ಯೂಸ್‌ ಮ್ಯಾಗಜ಼ಿನ್‌ನ ಒಂದು ಲೇಖನ ಹೀಗೆ ಹೇಳುತ್ತೆ: “ಈ ಭೂಮಿಯಲ್ಲಿ ಜೀವ ಹೇಗೆ ಬಂತು ಅಂತ ಹೇಳೋದು ಅಸಾಧ್ಯ. ಯಾಕಂದ್ರೆ ಭೂಮಿಯ ಆರಂಭದ ದಿನಗಳಲ್ಲಿದ್ದ ಭೂವಿಜ್ಞಾನದ ದಾಖಲೆಗಳು ಅಂದ್ರೆ, ಬಂಡೆಗಳು ಮತ್ತು ಪಳೆಯುಳಿಕೆಗಳು ಈಗ ಕಣ್ಮರೆಯಾಗಿವೆ.” ಈ ಹೇಳಿಕೆ ಏನು ತೋರಿಸುತ್ತಂದ್ರೆ ಜೀವ ಮತ್ತು ವಿಶ್ವ ಹೇಗೆ ಬಂತು ಅನ್ನೋ ಪ್ರಶ್ನೆಗೆ ವಿಜ್ಞಾನಕ್ಕೆ ಇನ್ನೂ ಉತ್ತರಿಸೋಕೆ ಆಗಿಲ್ಲ.

ಒಂದುವೇಳೆ ಭೂಮಿ ವಿನ್ಯಾಸವಾಗಿದ್ದರೆ ಅದನ್ನು ಯಾರು ವಿನ್ಯಾಸಿಸಿದ್ರು? ಅಂತ ನೀವು ಯೋಚಿಸಿರಬಹುದು. ವಿವೇಕ ಇರೋ ಒಬ್ಬ ಪ್ರೀತಿಯ ಸೃಷ್ಟಿಕರ್ತ ಇರೋದಾದ್ರೆ ಜನರು ಇಷ್ಟು ಕಷ್ಟ ಅನುಭವಿಸುವಂತೆ ಯಾಕೆ ಬಿಟ್ಟಿದ್ದಾನೆ? ಇಷ್ಟೊಂದು ಧರ್ಮಗಳು ಇರುವಂತೆ ಆತನು ಯಾಕೆ ಅನುಮತಿಸಿದ್ದಾನೆ? ಜನರು ಕೆಟ್ಟ ಕೆಲಸ ಮಾಡುವಾಗ ದೇವರು ಯಾಕೆ ಸುಮ್ಮನಿದ್ದಾನೆ? ಇಂಥ ಪ್ರಶ್ನೆಗಳು ನಿಮ್ಮ ಮನಸ್ಸಲ್ಲಿ ಬರಬಹುದು.

ಈ ಪ್ರಶ್ನೆಗಳಿಗೆ ವಿಜ್ಞಾನಕ್ಕೆ ಉತ್ತರ ಕೊಡೋಕ್ಕಾಗಿಲ್ಲ. ಹಾಗಂತ ಈ ಪ್ರಶ್ನೆಗಳಿಗೆ ಉತ್ತರನೇ ಸಿಗಲ್ಲ ಅಂತಲ್ಲ. ಯಾಕಂದ್ರೆ ಎಷ್ಟೋ ಜನ ಬೈಬಲಿಂದ ಇದಕ್ಕೆ ಉತ್ತರ ಕಂಡ್ಕೊಂಡಿದ್ದಾರೆ.

ಬೈಬಲನ್ನು ಅಧ್ಯಯನ ಮಾಡಿದ ಕೆಲವು ವಿಜ್ಞಾನಿಗಳು ಒಬ್ಬ ಸೃಷ್ಟಿಕರ್ತ ಇದ್ದಾನೆ ಅಂತ ನಂಬಿದ್ದಾರೆ. ಅವರು ಹೇಳಿದ್ದನ್ನು ತಿಳಿಯಲು jw.orgನಲ್ಲಿ ಜೀವದ ಉಗಮದ ಬಗ್ಗೆ ಅಭಿಪ್ರಾಯ ಅನ್ನೋ ವಿಡಿಯೋ ಸರಣಿಯನ್ನು ನೋಡಿ.

ಅವರ ಮನವೊಲಿಸಿದ ವಿಜ್ಞಾನ ಮತ್ತು ಬೈಬಲ್‌

ಜಾರ್ಜಿ ಎನ್‌. ಕೊಯ್ಡನ್‌, ರಸಾಯನ ಶಾಸ್ತ್ರಜ್ಞ

“ನಾನು ಅಣುಗಳನ್ನು ಜೋಡಿಸೋ ಕೆಲಸ ಮಾಡ್ತಿನಿ. ಇದು ಚೆಸ್‌ ಆಡೋ ತರ. ಆಡುವಾಗ ನಾವು ಚೆನ್ನಾಗಿ ಯೋಚನೆ ಮಾಡಿ ಆಡಬೇಕಾಗುತ್ತೆ. ಅದೇ ತರ ಅಣುಗಳನ್ನು ಜೋಡಿಸುವಾಗ ತುಂಬ ಜಾಗ್ರತೆ ವಹಿಸಬೇಕು. ಇಲ್ಲಾಂದ್ರೆ ಅವುಗಳು ಬೇರೆಬೇರೆ ಆಗುತ್ತೆ. ಜಟಿಲವಾಗಿರೋ ರಾಸಾಯನಿಕ ಅಣುಗಳನ್ನು ಉತ್ಪಾದಿಸೋಕೆ ಜೀವಕೋಶದ ಒಳಗೆ ಸಾವಿರಾರು ರಾಸಾಯನಿಕ ಪ್ರಕ್ರಿಯೆಗಳು ನಡಿಬೇಕು. ನನ್ನ ಕೆಲಸ ಕಷ್ಟನೇ ಆದ್ರೂ ಈ ಪ್ರಕ್ರಿಯೆಗೆ ಹೋಲಿಸಿದರೆ ಸುಲಭ ಅಂತಾನೇ ಹೇಳಬಹುದು. ಇದನ್ನೆಲ್ಲ ನೋಡುವಾಗ ರಸಾಯನ ಶಾಸ್ತ್ರದ ಬಗ್ಗೆ ನಮಗಿಂತ ಚೆನ್ನಾಗಿ ಗೊತ್ತಿರೋ ಒಬ್ಬ ಸೃಷ್ಟಿಕರ್ತ ಇದ್ದಾನೆ ಅಂತ ಅರ್ಥ ಆಗುತ್ತೆ.”

“ನಾನು ಬೈಬಲನ್ನು ಓದಿದಾಗ ಇದೊಂದು ಸಾಮಾನ್ಯ ಪುಸ್ತಕ ಅಲ್ಲ ಅಂತ ಗೊತ್ತಾಯ್ತು. ಇದನ್ನು ಸುಮಾರು 2000 ವರ್ಷಗಳ ಹಿಂದೆ ಬರೆದಿದ್ದರೂ ಇದರಲ್ಲಿರೋ ಸಲಹೆಗಳು ಇವತ್ತಿಗೂ ಅಮೂಲ್ಯ. ಕುಟುಂಬದಲ್ಲಿ, ಕೆಲಸದಲ್ಲಿ ಮತ್ತು ನೆರೆಯವರ ಜೊತೆ ಸಮಸ್ಯೆಗಳಾದಾಗ ಹೇಗೆ ಬಗೆಹರಿಸಬೇಕು ಅಂತನೂ ಹೇಳುತ್ತೆ. ಇಂಥ ಒಳ್ಳೇ ಸಲಹೆಗಳನ್ನು ಸಾಮಾನ್ಯ ಮನುಷ್ಯರಿಗಿಂತ ಹೆಚ್ಚು ವಿವೇಕಿಯಾಗಿರೋ ಒಬ್ಬ ವ್ಯಕ್ತಿಗೆ ಮಾತ್ರ ಕೊಡೋಕ್ಕಾಗೋದು.”

ಯಾನ್‌-ಡೆ ಸ್ಯೂ, ಭ್ರೂಣ ಶಾಸ್ತ್ರಜ್ಞ

“ಭ್ರೂಣ ಬೆಳೆಯುವಾಗ ಜೀವಕೋಶಗಳೆಲ್ಲ ಒಟ್ಟಿಗೆ ಸಹಕರಿಸುತ್ತೆ. ಹೀಗೆ ಕೆಲವು ಜೀವಕೋಶಗಳು ನರ, ಸ್ನಾಯು, ಮೂಳೆ, ರಕ್ತ ಮತ್ತು ಇತರ ಅಂಗಾಂಶಗಳನ್ನ ಪರಿವರ್ತಿಸಿ ಒಬ್ಬ ವ್ಯಕ್ತಿಯನ್ನು ರೂಪಿಸುತ್ತೆ. ಈ ಜೀವಕೋಶಗಳು ಹೇಗೆ ಒಂದು ಭ್ರೂಣ ಆಗುತ್ತೆ ಅನ್ನೋದು ನಮ್ಮ ಯೋಚನೆಗೆ ಮೀರಿರೋ ವಿಷಯ. ಇದನ್ನು ನೋಡುವಾಗ ಜೀವವನ್ನು ಅತ್ಯಂತ ವಿವೇಕಿಯಾಗಿರೋ ಒಬ್ಬ ವಿನ್ಯಾಸಗಾರನೇ ರಚಿಸಿದ್ದು ಅಂತ ಅರ್ಥ ಆಗುತ್ತೆ.”

“ಬೈಬಲಿನ ಕೀರ್ತನೆ 139: 15,16 ರಲ್ಲಿ ತಾಯಿಯ ಗರ್ಭದಲ್ಲಿ ಬೆಳೆಯೋ ಭ್ರೂಣದ ಬಗ್ಗೆ ಹೇಳಿರೋದು ಮತ್ತು ಇದರ ಬಗ್ಗೆ ಇತ್ತೀಚಿನ ದಶಕಗಳಲ್ಲಿ ವಿಜ್ಞಾನಿಗಳು ಕಂಡುಹಿಡಿದಿರೋದು ಒಂದೇ ಅಂತ ನನಗೆ ಅನಿಸುತ್ತೆ. ಇಷ್ಟು ನಿಖರವಾಗಿರೋ ಮಾಹಿತಿಯನ್ನು ಸಾವಿರಾರು ವರ್ಷಗಳ ಹಿಂದೆ ಸೃಷ್ಟಿಕರ್ತನು ಹೇಳಿಕೊಡದೇ ಬರಹಗಾರನಿಗೆ ಬರಿಯೋಕೆ ಆಗ್ತಿತ್ತಾ?”

jw.orgಯಲ್ಲಿ ರೊಸಿಯೋ ಪಿಕಾಡೋ ಹೆರೆರೊ: ರಸಾಯನಶಾಸ್ತ್ರ ಟೀಚರ್‌ ತನ್ನ ನಂಬಿಕೆಯ ಬಗ್ಗೆ ಮಾತಾಡುತ್ತಾರೆ ಅನ್ನೋ ವಿಡಿಯೋ ನೋಡಿ.