ಗೀತೆ 75

“ನನ್ನ ನೀ ಕಳುಹಿಸು”

(ಯೆಶಾಯ 6:8)

1. ಈ ಲೋಕದಲ್ಲಿ ಜನರು

‘ನೀ ಕ್ರೂರಿ ದೇವ’ ಎಂದರು;

ಯೆಹೋವ ನಾಮ ನಿಂದಿಸಿ

‘ಆ ದೇವರಿಲ್ಲ’ ಎಂದರು.

ಯಾರೀಗ ಮುಂದೆ ಹೋಗುವ?

ಆ ನಾಮ ಶುದ್ಧ ಮಾಡುವ?

(ಪಲ್ಲವಿ 1)

“ದೇವಾ ಇಗೋ ನಾ ಹೋಗುವೆ;

ಆ ನಾಮವ ಕೊಂಡಾಡುವೆ.

ಎಂಥಾ ಸುಯೋಗ ನಿನ್ನ ಸೇವೆ

ನನ್ನ ನೀ ಕಳುಹಿಸು!”
2. ಕಲ್ಲನ್ನು ‘ದೇವಾ’ ಎಂದರು

ಸುಳ್ಳನ್ನು ನಂಬೋ ಜನರು;

ಈ ಭೂಮಿಯನ್ನು ಆಳಲು

ಭೂರಾಜರ ನಂಬಿದರು.

ಯಾರೀಗ ಮುಂದೆ ಹೋಗುವ?

ಲೋಕಾಂತ್ಯವನ್ನು ಸಾರುವ?

(ಪಲ್ಲವಿ 2)

“ದೇವಾ ಇಗೋ ನಾ ಹೋಗುವೆ;

ಲೋಕಾಂತ್ಯವ ನಾ ಸಾರುವೆ.

ಎಂಥಾ ಸುಯೋಗ ನಿನ್ನ ಸೇವೆ

ನನ್ನ ನೀ ಕಳುಹಿಸು!”
3. ಕಣ್ಣೀರಲಿ ನೊಂದವರು,

ಅನ್ಯಾಯ ತಾಳೋ ದೀನರು,

ಮುಂದೆ ನಿರೀಕ್ಷೆ ಇಲ್ಲದೆ

ಸೋತು ನಿರಾಶೆಯಾದರು.

ಯಾರೀಗ ಮುಂದೆ ಹೋಗುವ?

ನಿನ್ನ ವಾಗ್ದಾನ ಸಾರುವ?

(ಪಲ್ಲವಿ 3)

“ದೇವಾ ಇಗೋ ನಾ ಹೋಗುವೆ;

ವಾಗ್ದಾನವ ನಾ ಸಾರುವೆ.

ಎಂಥಾ ಸುಯೋಗ ನಿನ್ನ ಸೇವೆ

ನನ್ನ ನೀ ಕಳುಹಿಸು!”

(ಕೀರ್ತ. 10:4; ಯೆಹೆ. 9:4 ಸಹ ನೋಡಿ.)