ಬೈಬಲಿನಲ್ಲಿರುವ ರತ್ನಗಳು | ಮತ್ತಾಯ 12-13

ಗೋದಿ ಮತ್ತು ಕಳೆಗಳ ದೃಷ್ಟಾಂತ

ಯೇಸು ಗೋದಿ ವರ್ಗಕ್ಕೆ ಸೇರಿದ ಎಲ್ಲಾ ಅಭಿಷಿಕ್ತ ಕ್ರೈಸ್ತರನ್ನು ಹೇಗೆ ಮತ್ತು ಯಾವಾಗ ಮಾನವಕುಲದಿಂದ ಬೇರ್ಪಡಿಸುವನು ಎಂದು ತೋರಿಸಲು ಅವನು ಗೋದಿ ಮತ್ತು ಕಳೆಗಳ ದೃಷ್ಟಾಂತವನ್ನು ಉಪಯೋಗಿಸಿದನು. ಈ ಕೆಲಸ ಕ್ರಿ.ಶ. 33ರಲ್ಲಿ ಆರಂಭವಾಯಿತು.

ಬಿತ್ತನೆ, ಕೊಯ್ಲು, ಕಣಜಕ್ಕೆ ತುಂಬಿಸುವುದನ್ನು ತೋರಿಸುತ್ತಿರುವ ಕಾಲಗಣನ ರೇಖೆ

13:24

‘ಒಬ್ಬ ಮನುಷ್ಯ ತನ್ನ ಹೊಲದಲ್ಲಿ ಒಳ್ಳೇ ಬೀಜವನ್ನು ಬಿತ್ತಿದನು’

ಬಿತ್ತುವವನು: ಯೇಸು ಕ್ರಿಸ್ತ
ಒಳ್ಳೇ ಬೀಜ ಬಿತ್ತನೆ: ಯೇಸುವಿನ ಶಿಷ್ಯರನ್ನು ಪವಿತ್ರಾತ್ಮದಿಂದ ಅಭಿಷೇಕಿಸಿದ್ದು
ಹೊಲ: ಲೋಕವೆಂಬ ಮಾನವಕುಲ

13:25

“ಜನರು ನಿದ್ರೆಮಾಡುತ್ತಿದ್ದಾಗ ಅವನ ವೈರಿಯು ಬಂದು ಗೋದಿಯ ಮಧ್ಯೆ ಕಳೆಯನ್ನು ಬಿತ್ತಿ ಹೋದನು”

ವೈರಿ: ಸೈತಾನ
ಜನರು ನಿದ್ರೆಮಾಡುತ್ತಿದ್ದ ಸಮಯ: ಅಪೊಸ್ತಲರ ಮರಣ

13:30

“ಕೊಯ್ಲಿನ ವರೆಗೆ ಎರಡೂ ಒಟ್ಟಿಗೆ ಬೆಳೆಯಲಿ”

ಗೋದಿ: ಅಭಿಷಿಕ್ತ ಕ್ರೈಸ್ತರು
ಕಳೆಗಳು: ನಕಲಿ ಕ್ರೈಸ್ತರು

‘ಮೊದಲು ಕಳೆಗಳನ್ನು ಒಟ್ಟುಗೂಡಿಸಿ, ನಂತರ ಗೋದಿಯನ್ನು ಕಣಜಕ್ಕೆ ತುಂಬಿಸಿ’

ಆಳುಗಳು/ಕೊಯ್ಯುವವರು: ದೇವದೂತರು
ಕಳೆಗಳ ಒಟ್ಟುಗೂಡಿಸುವುದು: ನಕಲಿ ಕ್ರೈಸ್ತರನ್ನು ಅಭಿಷಿಕ್ತ ಕ್ರೈಸ್ತರಿಂದ ಬೇರ್ಪಡಿಸುವುದು
ಕಣಜಕ್ಕೆ ತುಂಬಿಸುವುದು: ಅಭಿಷಿಕ್ತ ಕ್ರೈಸ್ತರನ್ನು ಪುನಃಸ್ಥಾಪಿಸಲಾದ ಸಭೆಯಲ್ಲಿ ಒಟ್ಟುಗೂಡಿಸುವುದು

ಕೊಯ್ಲಿನ ಕಾಲ ಆರಂಭವಾದಾಗ ಸತ್ಯ ಕ್ರೈಸ್ತರನ್ನು ಯಾವುದು ನಕಲಿ ಕ್ರೈಸ್ತರಿಂದ ಬೇರ್ಪಡಿಸಿತು?

ಈ ದೃಷ್ಟಾಂತವನ್ನು ಅರ್ಥಮಾಡಿಕೊಳ್ಳುವುದರಿಂದ ನನಗೆ ಯಾವ ಪ್ರಯೋಜನವಿದೆ?

ನಿಮಗೆ ಗೊತ್ತಿತ್ತಾ?

ಈ ದೃಷ್ಟಾಂತದಲ್ಲಿ ತಿಳಿಸಲಾಗಿರುವ ಕಳೆಗಳು ಕಳೆಹುಲ್ಲನ್ನು ಸೂಚಿಸುತ್ತದೆ ಎಂದು ಸಾಮಾನ್ಯವಾಗಿ ನಂಬಲಾಗುತ್ತದೆ. ಈ ವಿಷಕಾರಿ ಸಸ್ಯ ಬೆಳೆಯುತ್ತಿರುವಾಗ ನೋಡಲು ಗೋದಿ ಪೈರಿನಂತೆ ಕಾಣುತ್ತದೆ. ಗೋದಿ ಮತ್ತು ಕಳೆಹುಲ್ಲು ಒಟ್ಟೊಟ್ಟಿಗೆ ಬೆಳೆಯುವಾಗ ಅದರ ಬೇರುಗಳು ಒಂದಕ್ಕೊಂದು ಹೆಣೆದುಕೊಳ್ಳುತ್ತವೆ. ಇದರಿಂದ ಕಳೆಗಳನ್ನು ಮಾತ್ರ ಕೀಳಲು ಸಾಧ್ಯವಾಗುವುದಿಲ್ಲ. ಕೀಳಲು ಪ್ರಯತ್ನಿಸಿದರೆ ಅದರೊಟ್ಟಿಗೆ ಗೋದಿಯ ಪೈರೂ ಕಿತ್ತುಹೋಗುತ್ತದೆ. ಈ ಕಳೆಹುಲ್ಲು ಪೂರ್ತಿ ಬೆಳೆದಾಗ ಅದನ್ನು ಸುಲಭವಾಗಿ ಗುರುತಿಸಿ ಕಿತ್ತುಹಾಕಬಹುದು.