ಲೋಟನ ಹೆಂಡತಿಯನ್ನು ಜ್ಞಾಪಕಮಾಡಿಕೊಳ್ಳಿರಿ

ಲೋಟನ ಹೆಂಡತಿ ಸೋದೋಮನ್ನು ಬಿಟ್ಟು ಓಡಿ ಹೋಗುತ್ತಿರುವಾಗ ಯಾಕೆ ಹಿಂದೆ ನೋಡಿದಳು? ಕಾರಣ ಏನು ಎಂದು ಬೈಬಲ್‌ ಹೇಳುವುದಿಲ್ಲ. (ಆದಿ 19:17, 26) ಯೇಸು ಈ ಮಾತುಗಳನ್ನು ಹೇಳಿದ ಸನ್ನಿವೇಶ ನೋಡುವುದಾದರೆ ಅವಳು ತಾನು ಬಿಟ್ಟುಬಂದ ವಿಷಯಗಳಿಗಾಗಿ ಹಾತೊರೆಯುತ್ತಿದ್ದಿರಬಹುದು ಎಂದು ಗೊತ್ತಾಗುತ್ತದೆ. (ಲೂಕ 17:31, 32) ಲೋಟನ ಹೆಂಡತಿಯಂತೆ ದೇವರ ಮೆಚ್ಚುಗೆಯನ್ನು ಕಳೆದುಕೊಳ್ಳಬಾರದೆಂದರೆ ನಾವು ಏನು ಮಾಡಬೇಕು? ನಮ್ಮ ಜೀವನದಲ್ಲಿ ಸುಖಸೌಕರ್ಯಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಕೊಡಬಾರದು. (ಮತ್ತಾ 6:33) ನಾವು ‘ದೇವರನ್ನೂ ಐಶ್ವರ್ಯವನ್ನೂ ಸೇವಿಸಲಾರೆವು’ ಎಂದು ಯೇಸು ಕಲಿಸಿದನು. (ಮತ್ತಾ 6:24) ಒಂದುವೇಳೆ ನಮ್ಮಲ್ಲಿರುವ ವಸ್ತುಗಳು ನಮ್ಮನ್ನು ಆಧ್ಯಾತ್ಮಿಕ ವಿಷಯಗಳಿಂದ ಅಪಕರ್ಷಿಸುತ್ತಿವೆ ಎಂದು ನಮಗೆ ಗೊತ್ತಾದರೆ ಏನು ಮಾಡಬೇಕು? ಯಾವ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕೆಂದು ತಿಳಿದುಕೊಳ್ಳಲು ವಿವೇಕಕ್ಕಾಗಿ ಯೆಹೋವನಲ್ಲಿ ಬೇಡಿಕೊಳ್ಳಬೇಕು. ಆ ಬದಲಾವಣೆಗಳನ್ನು ಮಾಡಲು ಬೇಕಾದ ಧೈರ್ಯ ಬಲವನ್ನು ಕೊಡುವಂತೆಯೂ ಕೇಳಿಕೊಳ್ಳಬೇಕು.

ಲೋಟನ ಹೆಂಡತಿಯನ್ನು ಜ್ಞಾಪಕಮಾಡಿಕೊಳ್ಳಿರಿ ಎಂಬ ಮೂರು ಭಾಗಗಳ ವಿಡಿಯೋದಲ್ಲಿ ನೋಡಿದ್ದನ್ನು ನೆನಪಿಸಿಕೊಂಡು ಕೆಳಗಿನ ಪ್ರಶ್ನೆಗಳಿಗೆ ಉತ್ತರ ಹೇಳಿ:

• 

  ಹೆಚ್ಚು ಹಣ ಮಾಡಬೇಕೆನ್ನುವ ಒತ್ತಡದಿಂದಾಗಿ ಗ್ಲೋರಿಯಾಳ ಯೋಚನೆ, ನಡೆ, ನುಡಿ ಹೇಗೆ ಬದಲಾದವು?

• ಲೋಟನ ಹೆಂಡತಿ ಹೇಗೆ ಇಂದು ನಮಗೆ ಕೆಟ್ಟ ಮಾದರಿ ಆಗಿದ್ದಾಳೆ?

• ಬೈಬಲ್‌ ತತ್ವಗಳನ್ನು ಅನ್ವಯಿಸಿದ್ದರಿಂದ ಜೋ ಮತ್ತು ಅವನ ಕುಟುಂಬಕ್ಕೆ ಹೇಗೆ ಸಹಾಯವಾಯಿತು?

• ಆ್ಯನ ತನ್ನ ಜೊತೆ ಕೆಲಸಮಾಡುವವರ ಸಹವಾಸ ಮಾಡಿದ್ದರಿಂದ ಅವಳ ಆಧ್ಯಾತ್ಮಿಕತೆಗೆ ಏನಾಯಿತು?

• ಹಣ ಮಾಡುವುದನ್ನೇ ಗುರಿಯಾಗಿ ಇಟ್ಟುಕೊಳ್ಳುವ ಒತ್ತಡ ಬಂದಾಗ ನಮಗೆ ಯಾಕೆ ಧೈರ್ಯ ಬೇಕು?

• ಬ್ರಾಯನ್‌ ಮತ್ತು ಗ್ಲೋರಿಯ ಪುನಃ ಆಧ್ಯಾತ್ಮಿಕ ವಿಷಯಗಳಿಗೆ ಹೇಗೆ ಮೊದಲ ಸ್ಥಾನ ಕೊಟ್ಟರು?

• ಈ ವಿಡಿಯೋದಲ್ಲಿ ಯಾವ ಯಾವ ಬೈಬಲ್‌ ತತ್ವಗಳ ಬಗ್ಗೆ ಕಲಿತಿರಿ?