ಅಂತ್ಯದ ಸಮಯದಲ್ಲಿ ಯೆಹೋವನಿಗೆ ಹೆಚ್ಚು ನಿಷ್ಠೆ ತೋರಿಸಿ

ಯಾಕೆ ಪ್ರಾಮುಖ್ಯ: ಬಲುಬೇಗ ಕಂಡು ಕೇಳಿರದ ಘಟನೆಗಳು ನಡೆಯಲಿವೆ. ಆಗ ನಾವು ಯೆಹೋವನಲ್ಲಿ ಹಿಂದೆಂದಿಗಿಂತಲೂ ಹೆಚ್ಚು ಭರವಸೆ ಇಡಬೇಕು ಮತ್ತು ಧೈರ್ಯ ತೋರಿಸಬೇಕು. ಸುಳ್ಳು ಧರ್ಮಗಳ ನಾಶನದಿಂದ ಮಹಾಸಂಕಟ ಶುರು ಆಗುತ್ತೆ. (ಮತ್ತಾ 24:21; ಪ್ರಕ 17:16, 17) ಆ ಗೊಂದಲ ಗಲಿಬಿಲಿಯ ಸಮಯದಲ್ಲಿ ನಾವು ಬಹುಶಃ ನ್ಯಾಯತೀರ್ಪಿನ ಸಂದೇಶ ಸಾರ್ತೀವಿ. (ಪ್ರಕ 16:21) ನಂತ್ರ ನಮ್ಮ ಮೇಲೆ ಮಾಗೋಗಿನ ಗೋಗನಿಂದ ಆಕ್ರಮಣ ಆಗುತ್ತೆ. (ಯೆಹೆ 38:10-12, 14-16) ಆಗ ‘ಸರ್ವಶಕ್ತನಾದ ದೇವರ ಮಹಾ ದಿನದಲ್ಲಾಗುವ ಯುದ್ಧ’ ಶುರು ಆಗುತ್ತೆ. (ಪ್ರಕ 16:14, 16) ಈ ಎಲ್ಲಾ ಘಟನೆಗಳು ನಡೆಯುವಾಗ ನಾವು ಧೈರ್ಯದಿಂದ ಇರಬೇಕು. ಅದಕ್ಕಾಗಿ ಈಗ ನಮಗೆ ನಂಬಿಕೆಯ ಪರೀಕ್ಷೆಗಳು ಬಂದಾಗ ಯೆಹೋವನಿಗೆ ನಿಷ್ಠೆ ತೋರಿಸಬೇಕು.

ಹೇಗೆ ತೋರಿಸಬಹುದು:

• ಎಂಥ ದೊಡ್ಡ ಪರೀಕ್ಷೆ ಬಂದ್ರೂ ಯೆಹೋವನಿಗೆ ಇಷ್ಟ ಆಗೋ ರೀತಿಯಲ್ಲೇ ನಡೆಯಿರಿ.—ಯೆಶಾ 5:20

• ನಮ್ಮ ಸಹೋದರ ಸಹೋದರಿಯರ ಜೊತೆ ಸೇರಿ ಯೆಹೋವನನ್ನು ಆರಾಧಿಸಿ.—ಇಬ್ರಿ 10:24, 25

• ಯೆಹೋವನ ಸಂಘಟನೆಯಿಂದ ಬರೋ ಎಲ್ಲ ನಿರ್ದೇಶನಗಳನ್ನ ತಕ್ಷಣ ಪಾಲಿಸಿ.—ಇಬ್ರಿ 13:17

• ಈ ಹಿಂದೆ ಯೆಹೋವನು ತನ್ನ ಜನ್ರನ್ನ ಹೇಗೆಲ್ಲಾ ಕಾಪಾಡಿದ್ದಾನೆ ಅನ್ನೋ ವಿಷಯದ ಬಗ್ಗೆ ಧ್ಯಾನಿಸಿ.—2ಪೇತ್ರ 2:9

• ಯೆಹೋವನಿಗೆ ಪ್ರಾರ್ಥಿಸುತ್ತಾ ಆತನಲ್ಲಿ ಭರವಸೆ ಇಡಿ.—ಕೀರ್ತ 112:7, 8

ಧೈರ್ಯದಿಂದ ಎದುರಿಸಬೇಕಾದ ಭವಿಷ್ಯದ ಘಟನೆಗಳು—ತುಣುಕು ಅನ್ನೋ ನಾಟಕರೂಪದ ವಿಡಿಯೋ ನೋಡಿ. ನಂತ್ರ ಈ ಪ್ರಶ್ನೆಗಳಿಗೆ ಉತ್ರ ಕೊಡಿ:

• 

  ಕೆಲವರನ್ನ ನಾರ್ತ್‌ ಸಭೆಗೆ ಇನ್ನು ಕೆಲವರನ್ನ ಸೌತ್‌ ಸಭೆಗೆ ಹಾಕಲಾಗಿದೆ ಅಂತ ಹೇಳಿದಾಗ ವಿಧೇಯತೆ ತೋರಿಸಲು ಎಲ್ಲಾ ಪ್ರಚಾರಕರಿಗೆ ಸುಲಭ ಆಯ್ತಾ?

• 

  ವಿಧೇಯತೆ ತೋರಿಸಿದ್ರೆ ಧೈರ್ಯ ಬೆಳಸಿಕೊಳ್ಳೋಕೆ ಹೇಗೆ ಸಹಾಯ ಆಗುತ್ತೆ?

• 

  ಅರ್ಮಗೆದೋನ್‌ ಸಮಯದಲ್ಲಿ ನಮಗೆ ಧೈರ್ಯ ಯಾಕೆ ಬೇಕು?

• 

  ಯೆಹೋವನು ನಮ್ಮನ್ನು ರಕ್ಷಿಸೇ ರಕ್ಷಿಸುತ್ತಾನೆ ಅಂತ ನಂಬಲು ಬೈಬಲಿನ ಯಾವ ಉದಾಹರಣೆ ಸಹಾಯ ಮಾಡುತ್ತೆ?—2ಪೂರ್ವ 20:1-24