ಆಧ್ಯಾತ್ಮಿಕವಾಗಿ ಪೋಷಿಸಿಕೊಳ್ಳೋಕೆ ವಿದ್ಯಾರ್ಥಿಗೆ ಕಲಿಸಿ

ನಮ್ಮ ಬೈಬಲ್‌ ವಿದ್ಯಾರ್ಥಿಗಳು ಯೆಹೋವನ ಬಗ್ಗೆ ಇನ್ನೂ ಚೆನ್ನಾಗಿ ತಿಳ್ಕೊಬೇಕು, ಪ್ರೌಢರಾಗಬೇಕು. (ಮತ್ತಾ 5:3; ಇಬ್ರಿ 5:12–6:2) ಅದಕ್ಕೆ ನಾವು ಕಲಿಸೋ ವಿಷಯಗಳ ಜೊತೆ ಇನ್ನೂ ತುಂಬ ವಿಷಯಗಳನ್ನ ಅವರಾಗೇ ಕಲಿಬೇಕು.

ಅವರು ಬೈಬಲ್‌ ಸ್ಟಡಿಗೆ ಒಪ್ಪಿಕೊಂಡಾಗಲೇ ಸ್ಟಡಿಗೆ ತಯಾರಿ ಮಾಡೋದು ಹೇಗೆ ಅಂತ ಹೇಳಿಕೊಡಿ. (ಕೂಟದ ಕೈಪಿಡಿ18.03 ಪುಟ 6) ಅವರು ವೈಯಕ್ತಿಕ ಬೈಬಲ್‌ ಅಧ್ಯಯನ ಮಾಡೋ ಮುಂಚೆ ಪ್ರಾರ್ಥನೆ ಮಾಡೋಕೆ ಹೇಳಿ. ಅಧ್ಯಯನ ಮಾಡುವಾಗ ಮೊಬೈಲ್‌ ಅಥವಾ ಟ್ಯಾಬನ್ನ ಬಳಸೋದು ಹೇಗೆ ಅಂತ ಹೇಳಿಕೊಡಿ. jw.orgನಲ್ಲಿ ಮತ್ತು JW ಪ್ರಸಾರದಲ್ಲಿ ಬರೋ ಹೊಸ ಆಡಿಯೋ, ವಿಡಿಯೋ, ಲೇಖನಗಳನ್ನ ಕಂಡುಹಿಡಿಯೋದು ಹೇಗೆ ಅಂತ ಹೇಳಿಕೊಡಿ. ಹೋಗ್ತಾ ಹೋಗ್ತಾ ಬೈಬಲನ್ನ ದಿನಾಲೂ ಓದೋಕೆ, ಕೂಟಕ್ಕೆ ತಯಾರಿ ಮಾಡೋಕೆ ಮತ್ತು ಅವರಿಗೆ ಬರೋ ಪ್ರಶ್ನೆಗಳಿಗೆ ಅವರೇ ಸಂಶೋಧನೆ ಮಾಡಿ ಉತ್ತರ ಕಂಡುಹಿಡಿಯೋಕೆ ಕಲಿಸಿ. ಕಲಿತ ವಿಷಯಗಳನ್ನ ಧ್ಯಾನಿಸೋದು ಹೇಗೆ ಅಂತ ಹೇಳಿಕೊಡಿ.

ಬೈಬಲ್‌ ವಿದ್ಯಾರ್ಥಿಗಳಿಗೆ ಸಹಾಯಮಾಡಿ—ಆಧ್ಯಾತ್ಮಿಕವಾಗಿ ಪೋಷಿಸಿಕೊಳ್ಳಲು ಅನ್ನೋ ವಿಡಿಯೋ ನೋಡಿ, ನಂತರ ಈ ಪ್ರಶ್ನೆಗಳಿಗೆ ಉತ್ತರ ಕೊಡಿ:

• 

  ಸ್ಟಡಿ ಮಾಡುವಾಗ ಬರೀ ಉತ್ತರ ಹುಡುಕದ್ರೆ ಸಾಕಾಗಲ್ಲ ಅಂತ ನೀತಾ ಜಾಸ್ಮಿನ್‌ಗೆ ಹೇಗೆ ಅರ್ಥ ಮಾಡಿಸಿದ್ರು?

• 

  ಲೈಂಗಿಕ ಅನೈತಿಕತೆ ಮಾಡಬಾರದು ಅಂತ ಯೆಹೋವ ದೇವರು ಹೇಳ್ತಿರೋದು ಸರಿ ಅಂತ ಜಾಸ್ಮಿನ್‌ಗೆ ಅರ್ಥ ಮಾಡ್ಕೊಳ್ಳೋಕೆ ಯಾವುದು ಸಹಾಯ ಮಾಡ್ತು?

• 

  ಧ್ಯಾನ ಅಂದ್ರೆ ಏನು ಅಂತ ಜಾಸ್ಮಿನ್‌ಗೆ ಅರ್ಥ ಆಯ್ತು?