ಯೇಸುನ ದೇವರ ಮಗ ಅಂತ ಯಾಕೆ ಕರೀತಾರೆ?

ಬೈಬಲ್‌ ಕೊಡೋ ಉತ್ತರ

ಬೈಬಲ್‌ ಯೇಸುನ ತುಂಬ ಸಲ “ದೇವರ ಮಗ” ಅಂತ ಕರೆಯುತ್ತೆ. (ಯೋಹಾನ 1:49) ಅದರರ್ಥ ದೇವರೇ ಜೀವದ ಮೂಲ. ಯೇಸುನ, ಎಲ್ಲಾ ಜೀವಿಗಳನ್ನ ಆತನೇ ಸೃಷ್ಟಿ ಮಾಡಿದ. (ಕೀರ್ತನೆ 36:9; ಪ್ರಕಟನೆ 4:11) ಯೇಸು ದೇವರ ಮಗ ಅಂದ್ರೆ ಮನುಷ್ಯರಿಗೆ ಹೇಗೆ ಮಕ್ಕಳು ಹುಟ್ಟುತ್ತೋ ಆ ರೀತಿ ಹುಟ್ಟಿದ ಮಗ ಅಲ್ಲ ಅಂತ ಬೈಬಲ್‌ ಹೇಳುತ್ತೆ.

ಬೈಬಲ್‌ ದೇವದೂತರನ್ನ ಕೂಡ ‘ದೇವರ ಮಕ್ಕಳು’ ಅಂತ ಕರೆಯುತ್ತೆ. (ಯೋಬ 38:6, ಪಾದಟಿಪ್ಪಣಿ) ಮೊದಲ ಮನುಷ್ಯ ಆದಾಮನನ್ನು “ದೇವರ ಮಗ” ಅಂತ ಹೇಳುತ್ತೆ. (ಲೂಕ 3:38) ಯೇಸು ದೇವರ ಮೊದಲ ಸೃಷ್ಟಿ. ದೇವರ ಕೈಯಿಂದ ನೇರವಾಗಿ ಸೃಷ್ಟಿಯಾಗಿರೋದು ಆತನೊಬ್ಬನೇ ಆಗಿರೋದ್ರಿಂದ ಬೈಬಲ್‌ ಯೇಸುನ ದೇವರ ಮಗ ಅಂತ ಕರೆಯುತ್ತೆ.

• ಯೇಸು ಭೂಮಿಯಲ್ಲಿ ಹುಟ್ಟೋದಕ್ಕಿಂತ ಮುಂಚೆ ಸ್ವರ್ಗದಲ್ಲಿದ್ನಾ?

• ಯೇಸು ಭೂಮಿಗೆ ಬರೋದಕ್ಕಿಂತ ಮುಂಚೆ ಏನು ಮಾಡ್ತಿದ್ದ?

ಯೇಸು ಭೂಮಿಯಲ್ಲಿ ಹುಟ್ಟೋದಕ್ಕಿಂತ ಮುಂಚೆ ಸ್ವರ್ಗದಲ್ಲಿದ್ನಾ?

ಹೌದು, ಸ್ವರ್ಗದಲ್ಲಿದ್ದನು. ಯೇಸು ಮನುಷ್ಯನಾಗಿ ಭೂಮಿಯಲ್ಲಿ ಹುಟ್ಟೋದಕ್ಕಿಂತ ಮುಂಚೆ ಸ್ವರ್ಗದಲ್ಲಿ ಆತ್ಮಜೀವಿಯಾಗಿದ್ದನು. ನಾನು “ಸ್ವರ್ಗದಿಂದ” ಬಂದಿದ್ದೀನಿ ಅಂತ ಸ್ವತಃ ಆತನೇ ಹೇಳಿದ.— ಯೋಹಾನ 6:38; 8:23.

ದೇವರು ಎಲ್ಲವನ್ನ ಸೃಷ್ಟಿ ಮಾಡೋದಕ್ಕಿಂತ ಮುಂಚೆ ಯೇಸುನ ಸೃಷ್ಟಿ ಮಾಡಿದನು. ಯೇಸು ಬಗ್ಗೆ ಬೈಬಲ್‌ ಹೀಗೆ ಹೇಳುತ್ತೆ,

• “ಎಲ್ಲ ಸೃಷ್ಟಿಗಳಿಗಿಂತ ಮೊಟ್ಟಮೊದ್ಲು ಸೃಷ್ಟಿಯಾದವನು ಆತನೇ.”—ಕೊಲೊಸ್ಸೆ 1:15.

• ಆತನು “ದೇವರು ಮೊದಲು ಸೃಷ್ಟಿ ಮಾಡಿದವನು” ಆಗಿದ್ದಾನೆ.—ಪ್ರಕಟನೆ 3:14.

“ಅವನ ಆರಂಭ ಪ್ರಾಚೀನ ಕಾಲದಲ್ಲಿ, ಲೆಕ್ಕ ಇಲ್ಲದಷ್ಟು ವರ್ಷಗಳ ಹಿಂದೆನೇ ಆಗಿತ್ತು” ಅನ್ನೋ ಪ್ರವಾದನೆಯನ್ನ ನೆರವೇರಿಸಿದನು.—ಮೀಕ 5:2; ಮತ್ತಾಯ 2:4-6.

ಯೇಸು ಭೂಮಿಗೆ ಬರೋದಕ್ಕಿಂತ ಮುಂಚೆ ಏನು ಮಾಡ್ತಿದ್ದ?

ಯೇಸುಗೆ ಸ್ವರ್ಗದಲ್ಲಿ ಅತ್ಯುನ್ನತ ಸ್ಥಾನ ಇತ್ತು. ಇದ್ರ ಬಗ್ಗೆ ಯೇಸು ಪ್ರಾರ್ಥನೆ ಮಾಡೋವಾಗ “ಅಪ್ಪಾ . . . ಲೋಕ ಹುಟ್ಟೋದಕ್ಕಿಂತ ಮುಂಚೆ ನಿನ್ನ ಪಕ್ಕದಲ್ಲಿದ್ದಾಗ ನನಗೆ ಯಾವ ಗೌರವ ಸಿಗ್ತಿತ್ತೋ ಆ ಗೌರವ ಮತ್ತೆ ಸಿಗೋ ತರ ಮಾಡು” ಅಂತ ಹೇಳಿದನು.—ಯೋಹಾನ 17:5.

ಎಲ್ಲವನ್ನು ಸೃಷ್ಟಿ ಮಾಡೋದ್ರಲ್ಲಿ ಯೇಸು ಯೆಹೋವ ದೇವ್ರಿಗೆ ಸಹಾಯ ಮಾಡಿದನು. ದೇವರ ಜೊತೆ “ನಿಪುಣ ಕೆಲಸಗಾರನ ತರ” ಕೆಲ್ಸ ಮಾಡಿದನು. (ಜ್ಞಾನೋಕ್ತಿ 8:30) ಯೇಸು ಬಗ್ಗೆ ಬೈಬಲ್‌, ‘ಸ್ವರ್ಗ, ಭೂಮಿಯಲ್ಲಿರೋ ಎಲ್ಲ ವಿಷ್ಯಗಳು ಆತನಿಂದಾನೇ, ಆತನಿಗಾಗಿ ಸೃಷ್ಟಿ ಆಯ್ತು” ಅಂತ ಹೇಳುತ್ತೆ.—ಕೊಲೊಸ್ಸೆ 1:16.

ದೇವರು ಎಲ್ಲವನ್ನು ಸೃಷ್ಟಿ ಮಾಡೋಕೆ ಯೇಸುನ ಉಪಯೋಗಿಸಿದನು. ಅದ್ರಲ್ಲಿ ದೇವದೂತರು, ಇಡೀ ವಿಶ್ವ ಸೇರಿದೆ. (ಪ್ರಕಟನೆ 5:11) ಇವರಿಬ್ರ ಕೆಲ್ಸ ಇಂಜಿನೀಯರ್‌ ಮತ್ತು ಮೇಸ್ತ್ರಿ ಕೆಲ್ಸ ಮಾಡೋ ತರ ಇತ್ತು. ಇಂಜಿನೀಯರ್‌ ಮನೆನಾ ಹೇಗೆ ಕಟ್ಬೇಕು ಅಂತ ಡಿಸೈನ್‌ ಮಾಡ್ತಾನೆ, ಮೇಸ್ತ್ರಿ ಆ ಡಿಸೈನ್‌ ಪ್ರಕಾರ ಮನೆ ಕಟ್ತಾನೆ.

ಯೇಸು ವಾಕ್ಯವಾಗಿ ಕೆಲ್ಸ ಮಾಡಿದನು. ಬೈಬಲಿನಲ್ಲಿ ಯೇಸು ಮನುಷ್ಯನಾಗಿ ಹುಟ್ಟೋದಕ್ಕಿಂತ ಮುಂಚೆ ಆತನನ್ನ “ವಾಕ್ಯ” ಅಂತ ಕರೆಯಲಾಗಿದೆ. (ಯೋಹಾನ 1:1) ಅದರರ್ಥ ದೇವರು ಯೇಸುನ ಬೇರೆ ದೇವದೂತರಿಗೆ ಮಾಹಿತಿ ಮತ್ತು ಮಾರ್ಗದರ್ಶನೆಯನ್ನು ಕೊಡಲು ಉಪಯೋಗಿಸಿದನು.

ಯೇಸು ಮನುಷ್ಯರ ಹತ್ರ ಮಾತಾಡೋವಾಗ ದೇವರ ಪ್ರತಿನಿಧಿಯಾಗಿ ಮಾತಾಡಿದನು. ದೇವರು ಏದೆನ್‌ ತೋಟದಲ್ಲಿ ಆದಾಮ ಮತ್ತು ಹವ್ವಗೆ ಮಾರ್ಗದರ್ಶನ ಕೊಡೋವಾಗ ಯೇಸು ಮೂಲಕ ಮಾತಾಡಿದನು. (ಆದಿಕಾಂಡ 2:16, 17) ಇಸ್ರಾಯೇಲ್ಯರು ಕಾಡಲ್ಲಿದ್ದಾಗ ಅವ್ರಿಗೆ ದಾರಿ ತೋರಿಸಿದ, ತನ್ನ ಮಾತನ್ನ ಕೇಳಬೇಕು ಅಂತ ಹೇಳಿದ ದೇವದೂತ ಯೇಸುನೇ ಆಗಿರಬೇಕು.—ವಿಮೋಚನಕಾಂಡ 23:20-23.a