ಪಾದಟಿಪ್ಪಣಿ

a “ಶಾಂತವಾದ ಮೆಲುದನಿ” ಮತ್ತು 1 ಅರಸುಗಳು 19:9 ರಲ್ಲಿ ತಿಳಿಸಲಾದ ‘ಯೆಹೋವನ ವಾಣಿ’ ಕೇಳಿಬಂದದ್ದು ಬಹುಶಃ ಒಬ್ಬನೇ ದೇವದೂತನ ಮೂಲಕ. 15ನೇ ವಚನದಲ್ಲಿ ಈ ದೇವದೂತನನ್ನು “ಯೆಹೋವ” ಎಂದು ಸೂಚಿಸಲಾಗಿದೆ. ಇದು ನಮಗೆ ಇಸ್ರಾಯೇಲ್ಯರನ್ನು ಅರಣ್ಯದಲ್ಲಿ ಮಾರ್ಗದರ್ಶಿಸಿದ ದೂತನ ಕುರಿತು ಯೆಹೋವನು ಏನಂದನೆಂಬುದನ್ನು ನೆನಪಿಗೆ ತರುತ್ತದೆ. ದೇವರು ಹೀಗಂದಿದ್ದನು: “ನನ್ನ ನಾಮಮಹಿಮೆ ಆತನಲ್ಲಿ ಇರುವದು.” (ವಿಮೋ. 23:21) ಎಲೀಯನಿಗೆ ಸಂದೇಶ ನೀಡಿದ ದೇವದೂತ ಯಾರೆಂದು ನಿಶ್ಚಯವಾಗಿ ಹೇಳಲಾಗದು ನಿಜ. ಆದರೆ ಗಮನಿಸತಕ್ಕ ವಿಷಯವೇನೆಂದರೆ, ಯೇಸು ತನ್ನ ಮಾನವಪೂರ್ವ ಅಸ್ತಿತ್ವದಲ್ಲಿ “ವಾಕ್ಯ” ಅಂದರೆ ಯೆಹೋವನ ಸೇವಕರಿಗೆ ಆತನ ಮಾತುಗಳನ್ನು ತಲಪಿಸುತ್ತಿದ್ದ ವಿಶೇಷ ವಕ್ತಾರನಾಗಿ ಸೇವೆಮಾಡಿದ್ದನು.—ಯೋಹಾ. 1:1.