“ತದನಂತರ” ಅಂತ್ಯವು

10. ಗ್ರೀಕ್‌ ಪದವಾದ ಟೊ’ಟೆ ಯನ್ನು ನಾವು ಯಾಕೆ ಗಮನಕ್ಕೆ ತಕ್ಕೊಳ್ಳಬೇಕು, ಮತ್ತು ಅದರ ತಾತ್ಪರ್ಯವೇನು?

¹⁰ ಆತನ ಪ್ರವಾದನೆಯ ಕೆಲವು ಭಾಗಗಳಲ್ಲಿ, ಯೇಸುವು ಘಟನೆಗಳನ್ನು ಕ್ರಮಾನುಗತಿಯಲ್ಲಿ ಸಂಭವಿಸುತ್ತಿರುವಂತೆ ಸಾದರಪಡಿಸಿದನು. ಅವನಂದದ್ದು: “ರಾಜ್ಯದ ಈ ಸುವಾರ್ತೆಯು . . . ಸಾರಲ್ಪಡುವುದು . . . ಆಗ (ತದನಂತರ, NW) ಅಂತ್ಯವು ಬರುವುದು.” ಇಂಗ್ಲಿಷ್‌ನಲ್ಲಿ ಬೈಬಲುಗಳು “then” (ತದನಂತರ) ಎಂಬದನ್ನು “ಆದಕಾರಣ” (“therefore”) ಯಾ “ಆದರೆ” (“but”) ಎಂಬ ಸರಳ ಅರ್ಥದೊಂದಿಗೆ ಆಗಿಂದಾಗ್ಗೆ ಬಳಸುತ್ತವೆ. (ಮಾರ್ಕ 4:15, 17; 13:23) ಆದರೂ, ಮತ್ತಾಯ 24:14 ರಲ್ಲಿ “ತದನಂತರ” (then) ಎಂಬುದು ಗ್ರೀಕ್‌ ಕ್ರಿಯಾ ವಿಶೇಷಣ ಟೊ’ಟೆಯ ಮೇಲೆ ಆಧಾರಿತವಾಗಿದೆ.c ಗ್ರೀಕ್‌ ತಜ್ಞರು ವಿವರಿಸುವುದೇನಂದರೆ ಟೊ’ಟೆ “ಸಮಯದ ಒಂದು ನಿರ್ದೇಶಕ ಕ್ರಿಯಾ ವಿಶೇಷಣ” ಆಗಿದ್ದು, “ಸಮಯದಲ್ಲಿ ಅದನ್ನು ಹಿಂಬಾಲಿಸಿ ಬರುವುದನ್ನು ಪ್ರಸ್ತಾಪಿಸಲು” ಯಾ “ತರುವಾಯದ ಒಂದು ಘಟನೆಯನ್ನು ಪ್ರಸ್ತಾಪಿಸಲು” ಬಳಸಲಾಗಿದೆ. ಯೇಸುವು ಹೀಗೆ ರಾಜ್ಯದ ಸಾರುವಿಕೆ ಇರುವುದನ್ನು ಮುಂತಿಳಿಸಿದನು ಮತ್ತು ತದನಂತರ (ಯಾ, ‘ಅದಾದ ಮೇಲೆ’ ಯಾ ‘ತರುವಾಯ’) “ಅಂತ್ಯವು” ಬರುವುದು. ಯಾವ ಅಂತ್ಯ?