ನಂಬಿಕೆಯನ್ನು ಬಲಪಡಿಸಿದ ದರ್ಶನ

9:1-7

ರೂಪಾಂತರ ದರ್ಶನದ ಸಮಯದಲ್ಲಿ ತನ್ನ ಸ್ವರ್ಗೀಯ ತಂದೆ ತನ್ನನ್ನು ಮೆಚ್ಚಿದ್ದೇನೆಂದು ಹೇಳಿದಾಗ ಯೇಸುವಿಗೆ ಹೇಗನಿಸಿರಬೇಕೆಂದು ಯೋಚಿಸಿ. ಇದರಿಂದ ಆತನು ಮುಂದೆ ಎದುರಿಸಲಿದ್ದ ಸಂಕಟವನ್ನು ತಾಳಿಕೊಳ್ಳಲು ಬೇಕಾದ ಬಲ ಸಿಕ್ಕಿರಬೇಕು. ಈ ದರ್ಶನ ಪೇತ್ರ, ಯಾಕೋಬ ಮತ್ತು ಯೋಹಾನರ ಮೇಲೆ ಸಹ ತುಂಬ ಪ್ರಭಾವ ಬೀರಿತು. ಯೇಸುವೇ ಮೆಸ್ಸೀಯನೆಂದು ದರ್ಶನ ದೃಢಪಡಿಸಿತು. ಅವರು ಆತನಿಗೆ ಕಿವಿಗೊಟ್ಟದ್ದು ಸರಿಯಾಗಿತ್ತು. ಇದಾಗಿ 32 ವರ್ಷಗಳಾಗಿದ್ದರೂ ಪೇತ್ರನು ಅದನ್ನು ನೆನಪಿಗೆ ತಂದುಕೊಳ್ಳುತ್ತಾ, ಅದು ‘ಪ್ರವಾದನ ವಾಕ್ಯವನ್ನು’ ಇನ್ನಷ್ಟು ದೃಢಪಡಿಸಿತು ಎಂದು ಹೇಳಿದನು.—2ಪೇತ್ರ 1:16-19.

ನಾವು ಆ ಅದ್ಭುತ ದರ್ಶನವನ್ನು ಸ್ವತಃ ನೋಡಿಲ್ಲವಾದರೂ ಅದರ ನೆರವೇರಿಕೆಯನ್ನು ನೋಡುತ್ತಿದ್ದೇವೆ. ಯೇಸು ಶಕ್ತಿಶಾಲಿ ರಾಜನಾಗಿ ಆಳುತ್ತಿದ್ದಾನೆ. ಬೇಗನೆ ಆತನು ತನ್ನ ‘ವಿಜಯವನ್ನು ಪೂರ್ಣಗೊಳಿಸಿ’ ನೀತಿಭರಿತ ಹೊಸ ಲೋಕವನ್ನು ಸ್ಥಾಪಿಸುವನು.—ಪ್ರಕ 6:2.

ಬೈಬಲ್‌ ಪ್ರವಾದನೆಗಳ ನೆರವೇರಿಕೆಯನ್ನು ನೋಡಿದ್ದರಿಂದ ನಿಮ್ಮ ನಂಬಿಕೆ ಹೇಗೆ ಬಲವಾಗಿದೆ?