e ಲೂಕ 21:24ರ ಅನಂತರ ಲೂಕನ ವೃತ್ತಾಂತದಲ್ಲಿ ಒತ್ತಿನಲ್ಲಿ ಒಂದು ಬದಲಾವಣೆಯನ್ನು ಅನೇಕರು ಕಾಣುತ್ತಾರೆ. ಡಾ. ಲಿಯನ್‌ ಮೋರಿಸ್‌ ಗಮನಿಸುವುದು: “ಯೇಸು ಅನ್ಯಜನಗಳ ಕಾಲಗಳ ಕುರಿತು ಮಾತಾಡಲು ತೊಡಗುತ್ತಾನೆ. . . . ಹೆಚ್ಚಿನ ವಿದ್ವಾಂಸರ ಅಭಿಪ್ರಾಯದಲ್ಲಿ ಗಮನವು ಈಗ ಮನುಷ್ಯ ಕುಮಾರನ ಬರೋಣದೆಡೆಗೆ ಚಲಿಸುತ್ತದೆ.” ಪ್ರೊಫೆಸರ್‌ ಆರ್‌. ಗಿನ್ಸ್‌ ಬರೆಯುವುದು: “ಮನುಷ್ಯ ಕುಮಾರನ ಬರೋಣ—(ಮತ್ತಾ. 24:29-31; ಮಾರ್ಕ 13:24-27). ‘ಅನ್ಯಜನಗಳ ಕಾಲಗಳ’ದ ತಿಳಿಸುವಿಕೆಯು ಈ ಮುಖ್ಯ ವಿಷಯಕ್ಕೆ ಒಂದು ಪೀಠಿಕೆಯನ್ನು ಒದಗಿಸುತ್ತದೆ; [ಲೂಕನ] ನಿರೂಪಣೆಯು ಈಗ ಯೆರೂಸಲೇಮಿನ ಧ್ವಂಸದ ಆಚೇಕಡೆ ಮುಂದಣ ಭವಿಷ್ಯಕ್ಕೆ ಒಯ್ಯಲ್ಪಟ್ಟಿದೆ.”

f  ಪ್ರೊಫೆಸರ್‌ ವಾಲರ್ಟ್‌ ಎಲ್‌. ಲೆಫೆಲ್ಡ್‌ ಬರೆಯುವುದು: “ಯೇಸುವಿನ ಭವಿಷ್ಯದ್ವಾಣಿಗಳು ಎರಡು ಹಂತಗಳನ್ನು ಸಂಘಟಿಸಿವೆಯೆಂದು ಊಹಿಸಲು ಖಂಡಿತ ಶಕ್ಯವಾಗಿದೆ: (1) ಆಲಯವನ್ನು ಒಳಗೂಡಿರುವ ಸಾ.ಶ. 70ರ ಘಟನೆಗಳು ಮತ್ತು (2) ಹೆಚ್ಚು ಭವಿಷ್ಯದ್ದರ್ಶನ ಪರಿಭಾಷೆಗಳಲ್ಲಿ ವರ್ಣಿಸಲಾದ, ದೂರದ ಭವಿಷ್ಯದಲ್ಲಿ ನಡೆಯಲಿರುವವುಗಳು.” ಜೆ.ಆರ್‌. ಡೆಮೆಲೊ ಇವರಿಂದ ಪ್ರಕಟವಾದ ವ್ಯಾಖ್ಯಾನವು ಅನ್ನುವುದು: “ಈ ಮಹಾ ಉಪನ್ಯಾಸದ ಅಧಿಕ ಗಂಭೀರ ಕಷ್ಟಗಳಲ್ಲಿ ಹೆಚ್ಚಿನವು ಮಾಯವಾಗುವುದು ಯಾವಾಗವೆಂದರೆ, ನಮ್ಮ ಕರ್ತನು ಅದರಲ್ಲಿ ಒಂದು ಘಟನೆಗಲ್ಲ, ಎರಡಕ್ಕೆ ನಿರ್ದೇಶಿಸಿದ್ದಾನೆ ಮತ್ತು ಮೊದಲನೆಯದು ಎರಡನೆಯದರ ಮುನ್‌ಸೂಚಕವಾಗಿದೆ ಎಂಬದನ್ನು ಅರಿತುಕೊಂಡಾಗಲೇ. . . . ‘ಅನ್ಯಜನಗಳ ಕಾಲಗಳ’ ಕುರಿತು ಮಾತಾಡುವ [ಲೂಕ] 21:24 ವಿಶೇಷವಾಗಿ, . . . ಯೆರೂಸಲೇಮಿನ ಪತನ ಮತ್ತು ಲೋಕದ ಅಂತ್ಯದ ನಡುವೆ ಒಂದು ಅನಿರ್ದಿಷ್ಟ ವಿರಾಮಕಾಲವನ್ನು ಇಡುತ್ತದೆ.”