7. ಯೇಸುವಿನಲ್ಲಿ ಯಾವ ಅಮೂಲ್ಯ ಸ್ವತ್ತು-ಸಾಮರ್ಥ್ಯಗಳಿದ್ದವು?

⁷ ಆರಾಧನಾ ಕೂಟಗಳಿಗೆ ಕ್ರಮವಾಗಿ ಹಾಜರಾಗುವ ಮೂಲಕ ಆಧ್ಯಾತ್ಮಿಕ ವಿಷಯಗಳಲ್ಲಿ ಯೇಸು ತೀವ್ರಾಸಕ್ತಿಯನ್ನು ತೋರಿಸಿದನು. ಹೀಬ್ರು ಶಾಸ್ತ್ರಗ್ರಂಥದಿಂದ ಕೇಳಿಸಿಕೊಂಡ ಮತ್ತು ಓದಿದ ಎಲ್ಲ ವಿಷಯಗಳನ್ನು ಅವನು ಗ್ರಹಿಸಿಕೊಂಡಿದ್ದಿರಬೇಕು. ಏಕೆಂದರೆ ಅವನಿಗೆ ಪರಿಪೂರ್ಣ ಬುದ್ಧಿಶಕ್ತಿಯಿತ್ತು. (ಲೂಕ 4:16) ಅವನಲ್ಲಿ ಇನ್ನೊಂದು ಅಮೂಲ್ಯ ಸ್ವತ್ತು ಇತ್ತು. ಏನೆಂದರೆ ಮಾನವಕುಲದ ಪರವಾಗಿ ಯಜ್ಞಾರ್ಪಿಸಸಾಧ್ಯವಿದ್ದ ಒಂದು ಪರಿಪೂರ್ಣ ಮನುಷ್ಯ ಶರೀರ. ದೀಕ್ಷಾಸ್ನಾನ ಮಾಡಿಸಿಕೊಂಡಾಗ ಯೇಸು ಪ್ರಾರ್ಥನೆ ಮಾಡುತ್ತಿದ್ದು, ಕೀರ್ತನೆ 40:6-8ರ ಪ್ರವಾದನಾ ಮಾತುಗಳ ಕುರಿತು ಯೋಚಿಸುತ್ತಿದ್ದಿರಬಹುದು.—ಲೂಕ 3:21; ಇಬ್ರಿಯ 10:5-10 ಓದಿ.a